Luke 4:8 - God da geka seka

⁸ Iesu mino numokena sisira, “God da Geka eminge resira: ‘Nenda Bajari God nusuka numoá, tumonde bainghuse, nunda uju avanembo areva!’”

Korafe-Yegha

⁸ Iesu mino numokena sisira, “God da Geka eminge resira: ‘Nenda Bajari God nusuka numoá, tumonde bainghuse, nunda uju avanembo areva!’ ”

Luke 4:8 ပူးပေါင်းရင်းမြစ်များ

Matthew 16:23

Avata Iesu jovereghedo Peter kena eminge sisira, “Satan, na darigaso dae resena. Ni namo buregari dae eresa. Kotari resesa emo, jo God da kotari iraeri. Amo evetu genembo da kotariri,” Iesu Peter kena aminge sedo,

Matthew 4:10

Iesu mino numokena sisira, “Na dodo yasi! God da Geka eminge resira: ‘Nenda Bajari God nusuka numoá, tumonde bainghuse, nunda uju avanembo areva!’” Iesu aminge sisira.

Luke 4:4

Setiri, Iesu mino sisira, “God da Geka eminge resira: ‘Evetu genembo oka bayau vanembo kotarera amo, God da jebuga beká jo tambae arera.’”

Luke 4:7

Ava sedo, Iesu, ni namoá tumonde baingharesa amo, reighi einda duro eregosesa evia, nimokena mutono baresa,” aminge setiri,

James 4:7

Ava sedo, ne tumo darido, totofo God da ungoda fitido irovo dae sise resena. Aminguse, Satan buregareva amo, ne darigedo sumbarira.

1 Peter 5:9

God tumonduse, fete gogoghombuse Satan buregareva! Ai resira amo: ne rea itatameraeva amo, jo dombu eni iraeri. Kau enda eminda nenda nano namendi reighi mendeni mendenida irise, bouvu a mema itatameraera aminga ava, nembarago bouvu a mema daba ava itatameraeva.

Amboda Sirorarira 19:10

Aminge setiri, na numo tumonde bainghari dae sise, nunda dombuda du fasuseni. Avata nu na bureguse sisira, “Erá amingeose! Ni nangae kau dabakori. Nangae mo, God da saramana kakatori. Ninda nano namendi, God da Geka Iesu ijugusira ava tumonderaera, ainda komana eni namori. God nusuka numoá tumonde baingharesa.” Ai resira amo: geka beká Iesu setiri isagha usira aimi, giti feroveta da ghamo dereari erorureari, ne osa sedo ghuseri.

Amboda Sirorarira 22:9

Amingeno, nu bureguse namokena sisira, “Do! Erá amingeose! Ni nangae kau dabakori, namonde God da saramana kakatori. Ninda nano namendi mendeni, God da feroveta a nunda natofo isambu, buku einda geka ningiraera, ainda eni namori. God nusuka numoá tumonde baingharesa!”