Luke 3:2 - God da geka seka

² Reighi Jerusalem aminda, fristi+ da giti jighari etoto naká, javo Annas nengae Caiaphas ghae, fristi+ nene kaifa edo ghuseri. Sifo aminda, Zechariah da mandi John, reighi uvu a evetu genembo irae da vasa aminda ira iriri, God nunda geka ava, John osa sare dae sedo futusira.

Korafe-Yegha

² Reighi Jerusalem aminda, fristi+ da giti jighari etoto naká, javo Annas nengae Caiaphas ghae, fristi+ nene kaifa edo ghuseri. Sifo aminda, Zechariah da mandi John, reighi uvu a evetu genembo irae da vasa aminda ira iriri, God nunda geka ava, John osa sare dae sedo futusira.

Luke 3:2 ပူးပေါင်းရင်းမြစ်များ

Matthew 11:7

Ne jovereghe ero, nu tuturo edo natofokena John da geka ava vironu eminge sisira, “Ne giti redae reighi uvu ã evetu genembo irae da vasa aminda isevu? Ne jo reighi gari dae sedo yaeri. Ne John gari dae sedo isevu. A ne, genembo kau mavega ava tambari dae sedo isevu? Genembo dubo kotari iraede, ai, dubo kotaride? Ne jo nunda tamo asugari ã gogho ava gari dae sedo yaeri. Ava gari kotaeteva amo, ne ya kotofu da kamboda tava aetevu. Ava sedo, rejo tambari dae sedo isevu? Avori, saono ningivu! Nemo, God da feroveta ava tambari dae sedo isevu. Emo, na geka beká sari dae erena. Feroveta digari irera einda teriago mo, John ri.

Matthew 26:3

Sifo daba aminda, fristi+ da kokotofu a Jusi embo da babojegari era, fristi+ da giti jighari javo Caiaphas da kamboda totoruguseri.

Mark 1:2

God da feroveta, javo Isaiah, nu anakora beká nunda buku jokáda geka evia gefusira: “Kote gi! Nanda aghi kato ava, giti dirigaono ya, ninda emboro rerebururari, ni amboda yaresa.

Luke 1:80

Nunda mandi baji tomanako use, dubo gekaghae babojusira. Nu reighi uvu ã evetu genembo irae da vasa aminda ireira edo, tuturo edo Israel embokena vironu sedo ghusira.

John 1:23

Setero, John eminge sisira, “Nanda saramana beká aindae, feroveta Isaiah geka eminge gefusira: ‘Na reighi uvu a evetu genembo irae da vasa eminda, beka fainghedo natofo isambukena seraena: “Bajari da emboro rerebevu dambu are!” ’ Geka emo, God da feroveta Isaiah anakora nandae sisira,” John aminge sisira.

John 18:24

Aminge setiri, Annas nu, Iesu bundisera ava, seini (chains) jo vujae, ainghae dirigetiri budo, fristi+ da giti jighari Caiaphas aikena iseri.

Ekaresia 4:6

God da fristi+ da giti jighari javo Annas nengae Caiaphas ghae, John, Alexander a giti jighari da nano namendi mendeni barago, aminda totoruguseri.