Luke 18:32 - God da geka seka

³² Nu aminda sandi bundedo, namonde Israel embo da gitofukena mutoro budo, nu dere jise ã, nundae kosiva use,

Korafe-Yegha

³² Nu aminda sandi bundedo, namonde Israel embo da gitofukena mutoro budo, nu dere jise ã, nundae kosiva use,

Luke 18:32 ပူးပေါင်းရင်းမြစ်များ

Matthew 16:21

Iesu aminge sisira ainda amboda, nu tuturo edo isagha beká dengoro induduse, namanekena eminge sedo ghusira, “Na yama Jerusalem aminda terono, evetu genembo da babojegari, fristi+ da kokotofu, a Moses da Geka ijuga kakatoi+ na sandido, namokena mema tomanako mutoro itatamarena. Amo emingarera. Ne saoro evetu genembo mendeniimi na daoro ambudo, sifo etodaba naká dadabari ainda amboda, na sekago ambarida ghe jebuge erarena.”

Matthew 20:19

Daoro ambare dae sedo, nu budo namonde Israel embo da gitofukena mutoro, budo dere jise ambíimi dedo, budo yama arafa daoro ambarira. Ambudo, sifo etodaba naká dadabari ainda amboda, God sari nu sekago ambarida ghe jebugedo erarira,” Iesu aminge sisira.

Matthew 22:6

A mendeni ne, kini (king) ainda saramana kakato ava, sandi de babasegetero amomonjegeteri.

Matthew 26:67

ne tuturo edo nunda dombuda kosiva useri, a nunda sovoda ungo joghai megha useri.

Matthew 27:2

Amingedo, ne Iesu seiniimi (chain) bundedo budo era, Rome embo da kotofu javo Pilate, Frovensi Judia kaifa edo ghusira ainda ungoda fifituseri.

Mark 14:65

Sedo, mendeni tuturo edo numokena kosiva edo, embo budo fera diti gajedo, nu umbebaimi doruse siseri, “‘Ni God da feroveta,’ seraesa. Ava sedo, se ningore! Ni mave eredori?” aminge setero dadabetiri, fristi+ da isoro kakato, nembarago Iesu doruseri.

Mark 15:1

Sifo atetiri, fristi+ da kokotofu, evetu genembo da babojegari, a Moses da Geka ijuga kakato+, kanisere isambude dabade manaka garuseri. Manaka gaetero dadabetiri, ne Iesu seiniimi (chains) bundedo budo era, Rome embo da kotofu, javo Pilate, frovensi Judia kaifa edo ghusira, nunda ungoda fifituseri.

Luke 18:33

ambíimi dedo, bu daoro ambarira. Ambudo, sifo etodaba naká dadabari ainda amboda, nu sekago ambarida ghe, jebugedo erarira.”

Luke 23:1

Aminge sedo, ne isambu eredo Iesu budo, Rome embo da kotofu frovensi Judia kaifa edo ghusira, javo Pilate aikena iseri.

Luke 23:11

Aminge sedo, Herod nunda isoro kakatode, Iesu gukai mutudo dere jiseri. Aminguse, nu meka gare dae sedo, ne tamo asugari eveva ava budo fera Iesu kena asugetero, kini (king) da kaugo etiri, mutero sekago jovereghe Pilate kena isira.

Luke 23:35

Natofo aminda fetedo gosero, Jusi embo da babojegari Iesu dere jise siseri, “Nu seari evetu genembo jebugedo ghuseri. Nunda kotari mo: God evetu genembo da ari ekoko kote doyari dae, Genembo eni mutari sisira amo, numori. Ava sedo, tofo mandi sonembedo korosida ghe vose furare!” aminge sero,

John 18:22

Aminge setiri, kaifa kato eni aminda fetirisira aimi, eredo Iesu sovoda megha edo eminge sisira, “Ni fristi+ da giti jigharikena jo aminge sae aresa.”

John 18:28

Ainda amboda, ne Iesu budo Caiaphas da kamboda ghedo era, Rome embo eni Frovensi Judia kaifa edo ghusira, ainda kambo tomanako aminda buvurutuseri. Amo, ataeghae beká useri. Jarige Yari da Kirumo+ nange mindaetera ava kotise, Jusi embo da babojegari ne kotofu da kamboda jo teraeri. Ainda beká mo: erá gitofu da kamboda teteruse bebeta eore dae sedo, ne oju useri. Bebeta arera amo, ne kirumo jo mindae arera.

John 18:30

Setiri, ne mino numokena siseri, “Redae ategi eresi? Nu ari eko eni jo ae aetira amo, namane nimokena jo bu furae aeteri.”

John 18:32

(Ne aminge sisera da beká mo: Iesu nu, nange ambaetira ava, tofo mandi ijugusira. Ainda beká sirorare dae sedo, God setiri, ne geka ovia siseri.)

John 18:35

Setiri, Pilate sisira, “Na jo Jusi embo da eni iraeri. Na reda ghe kasama use sareni? Avata ninda natofo nenda fristi+ da kokotofude dabade, ni budo ojighera nanda ungoda fiteri. Ava sedo, se ningone! Ninda dara rejodae budo ojeri?”

Ekaresia 2:23

Avori, God nu Iesu, ambare dae sedo, dirigetiri endada fusira. Ava sedo, ne Iesu ava sandi budo, gegenembo ekoko aikena mutovo arafa daoro ambarira amo, God nu anakora kasama edo, ‘Avori,’ sisira.

Ekaresia 3:13

God, namondeda abuamane Abraham, Isaac, nemonde Jacob de dabade tumondedo ghusera amo, nu God bekári. God nu, Iesu nunda mandi beká ava ijuguse, nune setiri genembo daguna emo jebugetira. Iesu resena emo, nene imboe edo nu sandi bundedo, Rome embokena mutevo, Rome embo da kotofu eni javo Pilate, nu Iesu koto edo doyari buvare dae sisira. Sisira avata, ne Pilate da dombuda Iesu ighagha usevu.