Luke 11:2 - God da geka seka

² Setiri, Iesu nemokena sisira, “Eminge banungareva: ‘Afa: Namane ninda javo kakara use jighoro erare! Fu, namane kaifa ururaso namonde irore!

Korafe-Yegha

² Setiri, Iesu nemokena sisira, “Eminge banungareva: ‘Afa: Namane ninda javo kakara use jighoro erare! Fu, namane kaifa ururaso namonde irore!

Luke 11:2 ပူးပေါင်းရင်းမြစ်များ

Matthew 10:32

“Na eminge resena: mave nanda tofo edo irise, natofo da dombuda Evetu Genembo da Koro+ da javo jighari erarira amo, Evetu Genembo da Koro+ genemboá, nu God Afa da aneya da dombuda jo ighagha ae arira.

Matthew 3:2

Vironu eminge sedo ghusira, “God nunda natofo+ kaifa ari da sifo ojighira utuako erira. Ava sedo, fuvu eminda, nenda ari ekoko vujegedo doyove!” aminge sedo ghusira.

Matthew 5:16

Kau daba aminga ava, erá nanda usasa bu jungeove dae resena. Ari eveva use a geka beká sise, nanda usasa natofo isambu kena ijugururovo nemokena gosuse, God Afa utuda irira, nunda javo jighoro erarira!” aminge sisira.

Luke 11:1

Sifo eni, Iesu reighi eninda banungusira. Banungetiri dadabetiri, nunda ambo jimbi eniimi numokena sisira, “Bajari, John nunda ambo jimbikena nange banungedo ghaetera ava ijugusira. Kau daba aminga ava, namanekena ijuge!” aminge sisira.

Rome Embokena 1:7

Ava sedo, God da natofo Rome aminda ireva, nemokena reta evia eregefenere. God ne dubo ererurira. A nu ne dubo ruruse, nunda natofo aovo dae sise, ne aghi usira. Ava kotise reta evia eregefenere. Yari budo givu! Namondeda Afa God, a namondeda Bajari Iesu Keriso da sonemba a dubo jama nemokena mutari baove! Yari budo givu!

Rome Embokena 8:15

Ainda beká mo: God nunda Asisi futusira amo, nu jo, namonde sabua+ da kotari ava budo oju aoro dae sedo, mutaeri. Tefo. Namonde nunda sasingu aoro dae sedo, nunda Asisi mutiri budo, namonde Asisi da fakinaimi God Afakena eminge sise irera, “Eri, Afa, Afako!” sise irera.

1 Corinth Embokena 1:3

God Afa a namondeda Bajari Iesu Keriso ghae, nemokena sonemba a dubo jama mutoro baove!

2 Corinth Embokena 1:2

Namondeda God Afa a Bajari Iesu Keriso, nengae sonemba a dubo jama mutoro baove!

Galesia Embokena 1:4

Namonde, evetu genembo oroko endada irera, ainda ari ekoko da bouvu ava darigaoro dae sedo, Iesu fira God da uju ava use, namondeda ari ekoko dae ambududurusira.

Efesas Embokena 1:2

God Afa a namondeda Bajari Iesu Keriso, nenda sonemba a dubo jama mutoro baove!

Filipai Embokena 1:2

Namondeda Afa God a Bajari Iesu Keriso nemokena sonemba a dubo jama mutoro baove!

Filipai Embokena 4:20

Avori, namondeda God a Afa da javo jighoro eroruse, nunda usasa evovodae jaraghuse irarira. Ai, bekári!+

1 Tesalonaika Embokena 1:1

Arie, nanda nano namendi! Namane Paul, Silas, a Timothy de dabade ne ategi erera. Ne reighi Tesalonaika aminda irise, God Afa a Bajari Iesu Keriso da ekaresia+ edo ireva ava, namane ne ategi beká ava erera. Sonemba a dubo jama nemokena irare! Yari budo givu!

1 Tesalonaika Embokena 1:3

Ne God tumonduse, nunda saramana use ireva, aindae namane God kena aiyakoe sise irera. A kotugo, ne God da dubo bari budo natofo sonembuse ireva, a ne fakina edo, Bajari Iesu Keriso tumonduse kaifa use ireva, aindae aiyakoe sise irera.

2 Tesalonaika Embokena 2:16

God Afa namonde dubo budo sonembuse, evovodae tumo fainghaoro dae sedo, fakina futusira. A rea setiri namonde tumonderaera amo, jo gungubo iraeri. Beká sirorarira ava, tumondedo gigituse irera.

Amboda Sirorarira 11:15

Ainda amboda, aneya amboda nemboimi nunda tavuya fusetiri, utuda beka teria ava sero nininguseni, “Oroko namondeda Bajari a nunda Genembo Keriso ghae enda da fakina evia nene budo, nene enda evovodae kaifa use irarera.”

Amboda Sirorarira 15:4

Ava sedo, evetu genembo isambu nindae oju use ni kakara arera. Namane isambu nindae sakai sarera. Nisuka nimoá kakara bekári. Evetu genembo isambu jo kakara iraeri. Ni ari dambu a bekáda bekáda eraesa. Ava sedo, reighi isambu foa buvudo, ni tumonde baingharera.”

Amboda Sirorarira 19:6

Aminge setiri dadabetiri, kau evetu genembo natofogo ai utuda fetedo, beka fainghedo sarigo ero nininguseni. Ainda javi mo, kau uvu usegha o utuda barara fugeraira, ainda kaugo ava ero nininguseni, “God dae sakai saore! Ainda beká mo: namondeda Bajari God Fakina Kato Beká, nu Kini (King) etira!

Amboda Sirorarira 20:4

Ainda amboda, evetu genembo mendeni kini (king) da avo anumba mendeninda anumbirero gosuseni. Evetu genembo resena eikena, evetu genembo ijujari da fakina ava futuseri. A roera eni gosusena amo, evetu genembo mendeni da asisi ava gosuseni. Evetu genembo resena emo, ne God da Geka a Geka Beká Iesu ijugusira ava, vironu sedo ghusera aindae, evetu genembo mendeniimi ne doruse, duboda gafetero sirivo useri. Ne sino fuka a nunda ove kevusera ava jo tumonde bainghaeri, a sino fuka da tano faiyaimi dombuda o jiroda gefusera ava, ne jo baeri. Avori, ne jebuge eredo, kokotofu edo Keriso de dabade, ghaeko 1,000 setena amo, nene enda evia kaifa edo gharera.