Jude 1:23 - God da geka seka

²³ Kau roera eni avarakada dudo avirureari sire bu ajagha fitiraeva aminga ava, evetu genembo amo Satan da ungoda ghe saghimbe baovo, ne ari ekoko da mino darigaore! Evetu genembo mendeni ari ekoko beká eraera ava, nene sonembari dae sareva amo, totofo nenda irari se ningido ya sonembareva. Erama totofo bebeta eove dae sise, nenda ari ovia imboe beká ava use, ne ojughae dabade ya sonembareva.

Korafe-Yegha

²³ Kau roera eni avarakada dudo avirureari sire bu ajagha fitiraeva aminga ava, evetu genembo amo Satan da ungoda ghe saghimbe baovo, ne ari ekoko da mino darigaore! Evetu genembo mendeni ari ekoko beká eraera ava, nene sonembari dae sareva amo, totofo nenda irari se ningido ya sonembareva. Erama totofo bebeta eove dae sise, nenda ari ovia imboe beká ava use, ne ojughae dabade ya sonembareva.

Jude 1:23 ပူးပေါင်းရင်းမြစ်များ

Rome Embokena 11:14

Nanda uju mo, Jusi embo da gitofukena Bino Eveva evia ijugururono gido, nanda natofo Jusi embo mendeni, nange nenda ghamo derono erari bengoso edo, kote gogoghombuse, jebuga tambaeteri tano.

1 Corinth Embokena 15:33

Avata gungubo amo erá tumondeove! Mave, ambari embo jo ambarida ghe jebuge erae ariá sarira amo, nunda geka erá tumondeove! Eminge seoro ningiraeva, “Evetu genembo eveva aimi kokomana sembae tambudo, ainde dabade umo gamo eraera amo, nembarago sembae eraera.” Ava sedo, mave geka setena ava sarira amo, nunda geka erá tumondedo, ainde dabade umo use deingheove!

1 Corinth Embokena 3:15

O mave tutumbi ainda etoda, kambo sagho eko aimi itari irari, avarakai avari tise vosarira amo, genemboá mino eveva eni nunda kambo itutusira aindae jo bae arira. Nunda tutumbi mo, Iesu ava budo, ainda etoda itutusira ava sedo, nu jo ambae arira. Nu kau genembo avaraka jokáda ghe saghimbe baoro jebugarira, ainda kaugo ava arira. Avata kambo itutusira da mino eveva eni jo bae arira. Ainda tuka mo: nu saramana sembae usira.

2 Corinth Embokena 5:11

Keriso amingarira aindae sedo, namane Bajaridae igheghi use, evetu genembo numoá tumondaoro dae sedo, vironu seraera. Avata kotugo, namane kau mavego amo, God nu kasama erira. A na erekotena, namane kau mavego amo, nene nenda dubo jokái kasama ereva.

2 Tesalonaika Embokena 3:14

Evetu genembo daba daba namanenda geka evia jo ningae arera tanojo. Mave amingarira amo, dovu nusuka fetedo meka gare! Erá nemonde dabade umo use deingheove!

1 Timothy 4:16

Ninda irari kaifa esimbuguse iraresa, a ninda ijuga ábarago kaifa aresa. Ni aminguse iraresa amo, ni tofo jebuga tuve baresa, a evetu genembo mave ninda geka ningarera, nembarago jebuga tuve barera.

2 John 1:11

Ainda beká mo: mave nu ategi arira amo, nunda ijuga a ari sembae ava sonembuse arira.

Jude 1:22

Evetu genembo mave manamana use erebunera amo, edo gido joka use sonembareva!

Amboda Sirorarira 3:18

Na nemokena eminge resena: moni da susu, auri ‘gold’ seraera amo, namokena irira. Jo roera enighae baingoro edo iraeri, ‘gold’ bekári. Ava namokena ombu budo, guguade aovo dae sise resena. Erá meka geove dae sedo, tamo asugari foyago, namokena ombu asugevu! Diti eveva are dae sedo, fiyogha ombudo, ditida fitido gareva.

Amboda Sirorarira 3:4

O ne reighi Sardis aminda ireva ainda jokáda, evetu genembo daba daba nemokena eminge resena. Satan ne derari dae usira avata, ne jo gofae usevu. Amo, kau genembo tauyada fetedo ise, nunda tamo asugari erá fororo eure dae sise kaka eraira aminga ava, nenda dubo joká erama ari ekoimi sembae eure dae sise, ne kaifa eraeva. Ne sifo amboda tamo asugari foyagoimi asugaovo, namonde deingharera. Ainda tuka mo: ne e gogoghombuse, inononda ireva.