Jude 1:16 - God da geka seka

¹⁶ Ijuga kakato sembae resena emo, ne evovodae dumo bauso use, evetu genembo mendeni da ari ekoko ava ijujuse irá gheraera. Ne sifo ghousa nenda uju ekoko ainda amboda amboda use irá gheraera. Ne totofo sakai seraera. A evetu genembo mendeni nemo sonembuse, nenda uju ava aoro dae sise, ijuga kakato aimi sakai tefo tefo sise irá gheraera.

Korafe-Yegha

¹⁶ Ijuga kakato sembae resena emo, ne evovodae dumo bauso use, evetu genembo mendeni da ari ekoko ava ijujuse irá gheraera. Ne sifo ghousa nenda uju ekoko ainda amboda amboda use irá gheraera. Ne totofo sakai seraera. A evetu genembo mendeni nemo sonembuse, nenda uju ava aoro dae sise, ijuga kakato aimi sakai tefo tefo sise irá gheraera.

Jude 1:16 ပူးပေါင်းရင်းမြစ်များ

Luke 15:2

Fera niningero, Moses da Geka ijuga kakato a kaifa kakato+ misi masi sise Iesu dae siseri, “Genemboé nu gungubo kakato a derari kakatokena nati joká doruse, nemonde dabade anumbedo bayau mindiraera,” aminge sero,

Luke 19:7

Nati joká doriri, evetu genembo mendeni ava gido, tuturo edo aji sise siseri, “Nu oroko genembo eko beká aikena ya avarira.”

Luke 5:30

Usera ava, Moses da Geka kaifa kakato+ ã ijuga kakatode+ gido, beisiga use, Iesu da ambo jimbikena siseri, “Takesi bari kakato mo, gegenembo ekokori. Ã evetu genembo mendeni, takesi bari kakatode dabade ojighera anumbirera omo, nembarago ari ekoko embori. Ava sedo, ni redae, nemonde dabade anumbedo bayau reresi?”

John 6:41

Avori, Iesu nu, “Bayau utuda ghe vose fusira amo, namori,” sisira aindae, ne tuturo edo dubo mema use tiriseri.

John 6:61

Nunda dorevare mendeni nunda geka aindae beisiga usera ava, Iesu nu tamoi itatamusira. Itatamedo, nemokena sisira, “Geka emo ne imboe ereva.

1 Corinth Embokena 10:10

A eni mo, namonde jo God gisae arera. Sifo aminda, namanenda abuamane God da kavevera ava imboe edo, teria futo gisero aindae, God Ambari da Aneya mutiri vose fira ne detiri sirivo useri.

Galesia Embokena 5:16

Ava sedo, geka resena einda tuka mo, eviri. Erá fisi da uju ainda amboda amboda eove! O Asisi Kakara aimi, rea aovo dae sarira, avanembo edo ghevu!

Galesia Embokena 5:24

Mave Iesu Keriso da natofo edo irera amo, ne anakora nenda fisi da uju a kotari ava bureguseri. Amingusera amo, inono, ne nenda fisi da uju a kotari eko ava, Keriso da korosi aminda detero dadabusira.

Filipai Embokena 2:14

Ne rea areva amo, jo dumo bausoghae ae areva.

1 Tesalonaika Embokena 4:5

Evetu genembo God da Geka jo ningae eraera aimi, nenda fisi da uju ava use irá gheraera. Ne ari avavaga jo ae areva.

1 Timothy 6:5

a dumo bauso siroreraira. Evetu genembo mave amingeraera amo, ne geka beká ava kasiguse, nenda munju jo saramana e gogoghombae eraira. Nenda kotari mo, ne God da natofo arera amo, ne moni a esimbugari tomanako ava bariá koteraera.

2 Timothy 4:3

Sifo amboda furarira amo, evetu genembo ijuga beká ava, jo ningae arera. Nemo fisi da uju ava use irarera. Aminguse, ijuga kakato mendeni tambu barera. Ijuga kakato amo, ne jo geka beká ijugae arera. Evetu genembo rea ningari uju arera, avanembo ijugururoro ne ningarera.

1 Peter 1:14

God da sari avanembo use irovo dae sise resena. Ne giti tumba jokáda irise, bunise fisi da uju ainda amboda amboda edo ghusevu. Ari daba ava erá sekago eove!

1 Peter 2:11

Nanda nano namendi, enda emo jo namondeda reighi beká iraeri. Emo gitofu da reighiri. Ne enda eminda, esa embo da kaugo edo deinghuse ireva. Ava sedo, emingaovo dae resena. Erama fisi da uju ainda amboda amboda use iriove! Ainda beká mo: fisi da uju aimi, asisi da jebuga ainghae tataya use irira.

1 Peter 4:2

Ava sedo, oroko tuturo edo, God da sari avanembo ningido, enda eminda irise nenda fisi da uju ava do darigareva.

2 Peter 2:10

Evetu genembo ekoko setena amo, na mokogo evetu genembo God da sari ava imboe edo, fisi da uju ava use irera, aindae resena. Ijuga kakato sembae resena emo, gogore use meka jo gae eraera. Aneya durode irera ava, ne jo kakara ae eraera. Ne aneya aindae dere jiraera.

2 Peter 2:18

Ai resira amo: ijuga kakato sembae amo, ne gogore use, geka jo beká irae ava seraera. Aminguse, ne, evetu genembo mendeni mave ari ekoko embo da jokáda ghe ya buvari dae kotedo ghusera ava, derari dae sedo, fisi da uju ekoko ava urureoro gido, evetu genembo setena amo, jovereghedo sekago ari ekoko eraera.

2 Peter 3:3

Giti mo, ne geka evia kotaetevu! Sifo amboda, evetu genembo mendeni isagha foa buvoro garera. Evetu genembo amo, nenda fisi da uju ainda amboda amboda use irarera. Bajari furarira ava jo tumondae use, evetu genembo amo ne dere jirururoro itatamareva.

Jude 1:15

Nu evetu genembo ijujari dae sedo furarira. Foa, evetu genembo nu kotae edo ari ekoko eraera ava, ijujarira. A kotugo, evetu genembo nundae aji sise geka ekoko seraera ábarago, ijujarira,” Enoch nu aminge sisira.

Jude 1:18

God nemokena geka afigetiri ne eminge siseri, “Sifo amboda foa buvarira amo, evetu genembo mendeni eredo, God kotae use, nenda uju ava use, dere jiriroro ne mema itatamareva,” Bajari da aghi kakato nemokena aminge siseri.