Jude 1:12 - God da geka seka

¹² Ne nemonde dabade Bajari kotise, bayau mindari dae sedo totorugeraeva amo, ijuga kakato sembae ne kirumo rise bayau da oduso use, meka jo ae eraera, a jiro birurugheari ari sembae eraera. Ijuga kakato resena emo, ne totofo kotise, nenda uju avanembo eraera. Ne kau yavatakena foroga darido diseraira, ainda kaugori. O ne kau ika eni, vuji jo jighae ireira, avi gharasa etiri, besisighae dabade durege rurusera, ainda kaugori. Namonde ijuga kakato sembae ainda ijugakena, jebuga o sonemba eni jo bae arera.

Korafe-Yegha

¹² Ne nemonde dabade Bajari kotise, bayau mindari dae sedo totorugeraeva amo, ijuga kakato sembae ne kirumo rise bayau da oduso use, meka jo ae eraera, a jiro birurugheari ari sembae eraera. Ijuga kakato resena emo, ne totofo kotise, nenda uju avanembo eraera. Ne kau yavatakena foroga darido diseraira, ainda kaugori. O ne kau ika eni, vuji jo jighae ireira, avi gharasa etiri, besisighae dabade durege rurusera, ainda kaugori. Namonde ijuga kakato sembae ainda ijugakena, jebuga o sonemba eni jo bae arera.

Jude 1:12 ပူးပေါင်းရင်းမြစ်များ

Matthew 13:6

ijiimi aviri gharasa etira. Enda jo teria irae ava sedo, besisi jo baeri.

Matthew 15:13

Iesu mino sisira, “Amo dovu! Moses da Geka kaifa kakato+ erá koteove! Amboda, nanda Afa utuda irira aimi eredo foama, geka bekáda bekáda sise, evetu genembo ijujarira. Kau genembo vare vive eraira aminga ava, arira. Ijuga kakato jo nune govari fetae usera ava, tuse babarigarira. O ijuga kakato nune govetiri fefetusera, avanembo doyari fetarera.

Luke 12:45

O saramana katoá nu eminge kotaeti, ‘Nanda bajari jo totoi furae, ghousago irarira tano,’ aminge kotise tuturo edo, nunda bajari da saramana kakato evetu genembo mendeni ava, soesa ondi dedo, nu uvu fakara mindari jiro birurughedo gharira.

Luke 16:19

Aminge sedo, Iesu amboda sekago sisira, “Kiki tufako sari dae erena. Kotofuko eni ireira amo, susu iti fafoderi. Nu sifo ghousa ava, ujari avari eveva vanembo ujuse avise ghedo ghetira. Oka bayau barago eveva vanembo rise irei.

Luke 21:34

Aminge sise, nu sisira, “Kaifa e gogoghombuse irivu! Erama uvu bayau kotise, nenda fakina isambu tamo a fisi da uju aindae muteove! Amingareva amo, Ategi da Sifo foa buvari ne bunareva.

Luke 8:6

Veka mendeni mo, aroro etoda vose batuno edo gharasa etira. Gharasa etira da beká mo: aroro etoda vosetira ava sedo, uvu tefori.

Efesas Embokena 4:14

Amingarera amo, namonde sasingako da irari amo doyarera. Sasingako da irari amo, ne eregoseva. Sasingu ne geka seka ningido, ‘bekava’ sedo tumonderaera. Geka beká a geka sembae, isambu tumonderaera. Evetu genembo nemo dederuse geka seraera amo, ne ‘bekáva’ sedo, tumonduse kosasaghedo dara eraera. Ava sedo, namonde sasingako da irari amo doyarera.

Filipai Embokena 3:19

Ne fisi da uju ava use, Bajari dotutuseri. Aminguse, ne fisi da uju ava tumonduse irera. Ne roera a ari mendeni mendeni eraera aindae, meka gaeteri. Avata ne aindae totofo sakai sise irera. Aindae sedo, sifo gombuda mo, ne God da bouvu ava itatamedo sirivo arera.

1 Timothy 5:6

O roriri mendeni, ne fisi da uju ava use irera amo, ne tamoi jebuga irera. Avata kotugo, God kena mo, ne kau ambudo irariguse irera.

Hebrew Embokena 13:9

Erama ijuga seka a ijuga sembae ava nininguse, emboro eveva kosasagheove! Ijuga sembae resena amo, eviri. Bayau kanagara use, reeta arera. Amingarera amo, namonde fakina jo bae arera. Kotugo, evetu genembo amingeraera amo, ne emboro eveva ava kosasaghuse, aminda sonemba eni jo bae eraera. Eveva mo: namondeda asisi God da sonemba budo aimi, fakina arera.

James 5:5

Ne enda eminda eveva avanembo tafuse, uvu bayau inononda rise, tamoghae ireva. Avata kau fuka uvu bayau eveva rise, tamoghae iriari sandi deoro amburaira aminga ava, God ne gido, kau fuka mane avavaga dari sirivo areva.