John 17:3 - God da geka seka

³ Jebuga evovodae irari ava bari da emboro mo eviri. Afa, ni God bekári, a ninda Mandi Keriso futusesa amo, namori. Mave namane kasama arira amo, jebuga evovodae irari ava, nune tuve barira.

Korafe-Yegha

³ Jebuga evovodae irari ava bari da emboro mo eviri. Afa, ni God bekári, a ninda Mandi Keriso futusesa amo, namori. Mave namane kasama arira amo, jebuga evovodae irari ava, nune tuve barira.

John 17:3 ပူးပေါင်းရင်းမြစ်များ

Mark 9:37

“Mave, nanda javoda sasingu evavaga ava nati joká doruse, bu tavo arira amo, nu inono, namoá nati joká doruse, bu tavo arira. A kotugo, mave na nati joká doruse, bu tavo arira amo, nu inono, God Afa na dirigetiri fusena, numoá nati joká doruse, bu tavo arira,” aminge sisira.

Luke 9:48

Fetetiri, Iesu nemokena sisira, “Mave, sasingako eviviga nati joká doruse, bu tavo arira amo, nu inono, namoá nati joká doruse, bu tavo arira. A kotugo, mave na nati joká doruse, bu tavo arira, amo inono, nu God Afa na dirigetiri fusena ava, nati joká doruse bu tavo arira. Ainda tuka mo: ni tofo mandi fitaso vosari, ninda kokomana sonembuse iraresa amo, ni kotofuko aresa.”

John 10:36

Kotugo namo, God tofo nune gategedo na dirigetiri vose fuseni. Ava sedo, ‘Na God da Mandiri,’ sarena amo, erá buneove! Na aminge sirurono, God da javo jo eko ae arira.

John 11:42

Ni nanda geka sifo ghousa evia ningiraesa, ava na kasama erena. Avata evetu genembo eminda totorugetera, ne kau daba ava kasama aoro dae sise resena. Ni na dirigeteso fusena, ava kasama aoro dae sise, aindae benunu resena.”

John 14:26

Avata amboda, nenda Sonemba Kato God Afa nanda javoda dirigari furarira aimi, nune roera isambu ijugari gareva. A na rejo ava sedo ghusena amo, nune sekago sirurari nininguse kotareva. Sonemba Kato resena emo, God da Asisi Kakaradae resena.

John 17:18

Kau nine na dirigeteso, evetu genembo da jokáda vose fusena aminga ava, ne dirigeteno evetu genembo da jokáda iseri.

John 17:21

Afa, nanda benunu mo eviri: nange ne dubo dabako aeteri! Kau ni nangae tatedo irera aminga ava, ne namonde dabade tataeteri. Nangaeda natofo dubo dabako edo iroro gido, evetu genembo endada irise, fisi da uju use irera amo, ni na dirigeteso fusena ava, ne kasama arera.

John 17:23

Na nenda dubo jokáda irari dae, a kotugo ni nanda dubo jokáda iraso dae sedo, aminguseni. Kotugo, ne dubo dabako aoro dae resena, ainda beká eni mo eviri: na dirigeteso fusena ava, evetu genembo fisi da uju use irera aimi, kasama aeteri. A nangaeda natofo, kau namo dubo buraesa aminga ava, na ne dubo buraena, ava kasama aeteri.

John 17:25

“Arie, Afa Eveva Ari Kato! Evetu genembo endada irise, fisi da uju use irera amo, ne ni jo kasama ae eraera. Avata na ni kasama erena. A ni na dirigeteso fusena ava, gegenembo emo ne kasama erera.

John 17:8

Ne ava kasama erera da beká mo: geka namokena futusesa ava, nemokena muteno ne ruruseri. Na nimokena ghedo fusena, amo geka beká ava ne kasama erera. A ni na dirigeteso fusena ava, ne tumonderera.

John 3:17

Ainda tuka mo: God jo, natofo da ari ekoko ijujedo sari amboro dae sedo, nunda Mandi dirigari furaeri. Nune sari natofo jebugaoro dae sedo, dirigetiri fusira.

John 3:34

Genembo God dirigetiri fusira aikena, God nunda Asisi da fakina isambu futusira. Aindae sedo, nu God da Geka ava, vironu seraira.

John 5:44

Kotugo na kasama erena: ne jo totoi tumondae areva. Ainda beká mo: nenda kokomana nange nemokena sakai saetera ava kotise, ne God da usasa a duro, nusuka nune nemokena mutaetira ava, jo kotae eraeva.

John 6:57

God Afa jebuga irira aimi, na dirigetiri fuseni. Nunda jebuga da fakinaimi, nambarago jebuga irena. Kau daba aminga ava, mave na bu mindarira amo, nu nanda jebuga da fakinaimi, jebuga tuve barira.

John 7:29

O namo, nu kasama erena. Ainda beká mo: na nangae dabade iriana edo, na nune dirigetiri fuseni.”

John 8:19

Aminge setiri, ne ategi useri, “Nimamo resesa amo, oroko reda iri?” aminge ategi etero, Iesu mino nemokena sisira, “Ne na mavejoá jo kasama ae ireva. A gido nanda Afa barago jo kasama ae ireva. O na mavejoá kasama aeteva amo, nanda Afa barago kasama aetevu,”

1 Corinth Embokena 15:34

Diti fangevu! Sekago dubo jovereghedo, nenda ari ekoko dodo ari eveva aovo dae resena. A eni mo: meka gaovo dae sise, eminge resena. Geka bekári, ne mendeni God da kau mavega a nunda fakina kau mavega ava, jo itako kasama edo tumondae ireva.

1 Corinth Embokena 8:4

Avori, sino fuka ove kevari da dombuda de ojedo, joba muturaera, ava namonde mindarera, ai, jo mindae arera? Ainda geka sari dae erena. Namonde kasama erera: ove kevari ainda susu a beká eni tefori. A kotugo, namonde kasama erera: gode eni tefori, God Afa nu dabakori.

2 Corinth Embokena 4:6

Namane Keriso da Bino ava vironu seraera ainda beká mo, eviri. God utu a enda use, eminge sisira, “Tumba aminda usasa siroredo janimbare!” aminge sisira. God daba aimi nunda usasa mutiri, namanenda dubo jokáda janimbedo munju afigetiri, namane Iesu da dombu gosuse, God da duro gido kasama useri. Aindae namane nunda Bino ava vironu seraera.

Filipai Embokena 3:10

Oroko nanda uju evia irira ava sarena. Na nange Keriso kasama edo, nunda tofo aeteni. A kotugo, na nunda tofo edo, nu ambarida ghe jebuge erorusira, ainda fakina ava itatamaeteni. Itatamuse, nune mema tafusira aminga ava, nane mema tambudo, numoá avavaga use ambaeteni. Na ava uju eraena ainda beká mo:

Filipai Embokena 3:8

Kotugo, kiki ava dodo, na roera isasambu enda eminda irira, ábarago do dadabedo, isambu kotae useni. Ainda susu mo: ne isambu veveyakori. O nanda Bajari Iesu Keriso kasama edo, nunda tofo ari amo, teriagori. Iesu Keriso de dabade tatedo numoá avavaga ari dae sedo, a tofo numoá bari dae sedo, na kiki a roera setena amo, kau sena da kaugo, ava sise fuge dotutuseni. Namonde Agho Dari da emboroda+ ise, totofo eveva ari dae sise e gosuseri. Ainda emboro+ ava, na imboe edo dotutuseni. Oroko Keriso tumondururono gido, God nandae ‘eveva’ sare dae sedo, aindae edo giraena. Amo tofo nunda ariri. God nandae ‘eveva’ sarira amo, na taká tumondururono gido, nunda eveva namokena futuse, aminge sarira.

1 Tesalonaika Embokena 1:9

Ne nange namane bu kaifa use, nenda ove kevari ava ighagha e dodo God tumonduseva aindae, natofo isambu osa sise irera. Ne God beká jebuga irira ava tumonduse ireva aindae, osa sise irera.

2 Tesalonaika Embokena 1:8

Nu avaraka buburaghae budo vose fuama, evetu genembo namondeda Bajari Iesu da Bino Eveva jo ningido ae eraera, a God kasama ari dae jo uju ae eraera aikena, mino eko mutarira.

Hebrew Embokena 3:1

Avori, nanda nano namendi, God namoá aghi usira aminga ava, nembarago aghi usira. Ava sedo, Iesu nu kau mavegori, ava kotovo dae resena. Namonde tumondaoro dae sedo, God setiri Iesu namondeda fristi+ iká bekáda edo, fira aghi usira.

2 Peter 1:2

God a namondeda Bajari Iesu kasama e gogoghombururovo, nengae nenda sonemba a dubo jama nemokena mutoro ya, nenda dubo jokáda vose bedo edo fumbu fetare!

2 Peter 1:3

God, nunda duro a irari eveva ava baoro dae sedo, namonde aghi usira. Aghi etiri, namonde numokena era, God tofo nunda fakina ava mutiri budo nu kasama edo, aimi irari kakara beká ava use irera.

2 Peter 1:8

Na ari setena ava use irareva amo, ne namondeda Bajari Iesu Keriso ava kasama e gogoghombuse, nunda uju ava ururovo, nenda saramana beká arira.

1 John 1:2

Na Geka resena emo, Keriso dae resena. Numo, God dirigetiri fira isagha etiri namane gosuseri. Namane nu gido, aindae nemokena osa sise irera. Jebuga giti God Afa kena ireira amo, numori.

1 John 1:3

Nu isagha etiri gido, namane nunda bino ava osa seraera. Ainda tuka mo: ne namonde dabade tatedo iraeteri. A namane mo, God Afa nunda Mandi Iesu Keriso de dabade tatedo irera.

1 John 2:23

Ainda tuka mo: mave God da Mandi ighagha arira amo, nu aminguse, Numamo barago ighagha arira. Kotugo kau daba aminga ava, mave dubo jovereghedo, God da Mandi dae ivuga use nati joká darira amo, nu aminguse, God Afakena barago kau daba ava arira.

1 John 4:6

O namonde mo, God da tofori. Mave God da natofo edo irera aimi, namondeda geka ningiraera. A mave God da tofo jo ae irera amo, ne namondeda geka jo ningae eraera. Aminguse iroro gido, mave geka beká da Asisi rurusira, a mave derari da asisi rurusira ava, namonde kasama arera.

1 John 5:20

A kotugo, namonde kasama erera: namonde God beká ava kasama aoro dae sedo, God da Mandi fira namondeda munju afigetiri dubo koteraera. A namonde oroko God de dabade tatedo irera amo, namonde nunda Mandi Iesu Keriso barago namonde tatedo irera. Amo jo bunae arera. Numo God beká, a nu jebuga evovodae irari da susuri. Yari budo givu!