John 16:11 - God da geka seka

¹¹ A kotugo, roera eni kosasaghusera amo, God evetu genembo ijujarira ava, ne bunariri. God nu enda da bajari Satan ijujedo, nunda ari ekoko tambudo ainda mino ava, mutari dae sedo simbugetiri irira ava, Sonemba Kato aimi foa ijugarira. Ijugari, God nune evetu genembo barago ijujarira, ava ne kasama arera.

Korafe-Yegha

¹¹ A kotugo, roera eni kosasaghusera amo, God evetu genembo ijujarira ava, ne bunariri. God nu enda da bajari Satan ijujedo, nunda ari ekoko tambudo ainda mino ava, mutari dae sedo simbugetiri irira ava, Sonemba Kato aimi foa ijugarira. Ijugari, God nune evetu genembo barago ijujarira, ava ne kasama arera.

John 16:11 ပူးပေါင်းရင်းမြစ်များ

Matthew 12:18

“Nanda Saramana Kato gategusena amo, eviri. Na nundae ivuga beká use, dubo bu gogoghomberaena. Na numokena nanda Asisi mutono budo, nanda javoda evetu genembo bekáda bekáda ategi arira.

Matthew 12:36

Na nemokena resena: Ategi da Sifo aminda, God nu evetu genembo isambu da geka ava ijujarira. Evetu genembo ne, geka rea kotae kotae seraera, ava ijujarira.

Luke 10:18

Iesu mino nemokena sisira, “Nenda geka niningusera da beká mo eviri: na, Satan kau biria avavaga utuda ghe vose firi gosuseni.

John 12:31

Evetu genembo da ari ekoko ijujari da sifo ojira buvira. Oroko, Satan nu enda da bajari edo irira. Avata na nunda fakina ava daono bejarira.

John 14:30

“Avori, na namonde jo geka ghousa beká sae arera. Ainda beká mo: enda da bajari Satan mo, nu furari dae erira. Nunda fakina jo namongo iraeri.

John 16:12

“Na geka mendeni mendeni saetena avata, oroko jo saono nene ningari da kaugo iraeri.

Ekaresia 10:42

Amingedo, namane God da Bino Eveva budo yama vironu saoro, natofo ningoro dae sisira. A kotugo, nu sifo amboda evetu genembo, ambari embo a jebuga embo isasambu ijujedo, nenda ari eveva a ari ekoko da mino mutare dae sedo, God numoá gategusira ábarago, namane saoro natofo ningoro dae sisira.

Ekaresia 24:25

Paul da geka itako ghousa sise, namonde nange nange ari eveva aetera, nange nange namondeda uju ava dodo God da uju avanembo aetera, a amboda God nange nange evetu genembo isambu ategi arira ava siri ningido, Felix oju usira. Oju edo sisira, “Avori, yasi! Umbu eninda saono furaresa,” aminge sisira.

Ekaresia 26:18

Ninda saramana mo: ni vironu saso ninda gitofu da diti basarira. Ne tumba da irari dodo, jovereghe foa nanda usasada teroro dae sedo, a ne Satan da fakina dodo, God da fakina ava baoro dae sedo, vironu saresa. A kotugo, ne nanda javoda tumondaoro, God nenda ari ekoko kote doyari ne, God nunda natofo anakora gategusira, ainda mendeni aoro dae sedo, ni vironu saresa.

Rome Embokena 16:20

Aminguse irovo, God dubo jama mutari kato aimi, fakina futururari Satan da fakina ava, de atai fati fetareva. Bajari Iesu da sonemba nemokena irare!

Rome Embokena 2:16

Avori, God da Bino Eveva ava vironu seraena amo, eminge resira: God sifo amboda Iesu Keriso da javoda, evetu genembo da kotari jungedo irira ava ijujarira amo, ne rea itatamedo a kasama edo ghusera, aminda gosuse ne ijujarira.

1 Corinth Embokena 4:5

Kau daba aminga ava, sifo jo foa buvae irari, ne jo eredo, evetu genembo mendeni da ari ekoko nene ijujae areva. Ne kaifa ururovo, sifo amboda Bajari jovereghe foama, evetu genembo da ari ekoko ijujarira. Sifo aminda, evetu genembo nenda uju a kotari nenda dubo jokáda jungetero irira ava, Bajari bu fitari isaghada foa buvarira. Isaghada foa buvari gido, Bajari nu ava gosuse, nendae sakai inononda sarira.

2 Corinth Embokena 4:4

Ne jo tumondae eraera da beká mo eviri. Satan, nu enda da gode ava edo irira. Evetu genembo tumondari iraede amo, erá usasa geore dae sise, nenda kotari isambu tumba da roeraimi gajetiri irera. Usasa amo, Bino Eveva da usasari. Ava sedo, erá Bino Eveva ningido, Keriso da duro ava geore dae sedo, Satan nu amingusira. Keriso resena emo, God ghae kau dabakori.

Efesas Embokena 2:2

Evetu genembo fisi da uju use ari ekoko eraera aminga ava, ne sifo aminda amingedo ghusevu. Sukaru da bajari Satan aimi, seari nunda uju ava edo ghusevu. Sukaru da bajari resena emo, nu evetu genembo mave gogore edo, God da uju ava jo ae eraera, ainda bajari numori.

Kolosi Embokena 2:15

Korosi daba aminda, Keriso fakina edo, aneya a sukaru nenda babojegari a kokotofude dabade, isasambu nenda fakina darige vitido, fakina amo nune isaghada de bejedo, atai fati fetetiri namonde gosuseri.

Hebrew Embokena 2:14

Nunda sasingu mo, evevetu a gegenembo bekári. Ava sedo, Iesu fira genembo beká da tamo ava budo, kau nemoá avavaga sirorusira. Nu amingusira da beká mo: Satan Ambari da fakina bu jighireira ava, dari nunda fakina dadabare dae sedo, ambudo ambaridaghe jebuge erorusira.

Hebrew Embokena 6:2

kotugo bafataito da ijuga, ungo jiroda fitari da ijuga, evetu genembo nange nangedo ambarida ghe jebuge erarera, a evetu genembo mendeni nenda ari ekoko da mino, nange nangedo evovodae irise itatamarera, ainda geka isambu jo eminda sae arena.

Hebrew Embokena 9:27

Evetu genembo isambu ambarera. Ainda amboda, ne ya buvoro, God nemokena bekáda bekáda ategi arira. Kau daba aminga ava, Keriso nu umbu dabako ambududurusira. Evetu genembo digari, ainda ari ekoko seghe fugari dae sedo ambududurusira. Keriso ambududurusira, kotugo nune daba ai sekago furarira. Avata nu jovereghe furarira amo, jo ari ekoko seghe fugari dae sedo, furae arira. Evetu genembo mave nunda furari da sifo ava kaifa use irera amo, nemokena eveva a jebuga mutari dae sedo, jovereghe furarira.

2 Peter 3:7

Avata God gekai setiri, utu enda siroredo oroko irira emo, God nunda geka daba aimi utu enda bu jighirise kaifa eraira. Utu enda mo, nange amboda avarakai avari dadabaetira aindae sedo, nune bu jighirira. Amo, God amboda evetu genembo ekoko ijujarira da sifo aminda, avaraka sirorarira aimi, evetu genembo ekoko amo, utu enda ainghae dabade avarira.

1 John 3:8

O mave ari ekoko use irarira amo, nu Satan da tofo edo irise, amingarira. Ainda beká mo: Satan nu tuturoda ghedo ari ekoko udo refira. Aindae sedo God da Mandi fusira. Amo, Satan da ari rea eraira a rejo etiri sirorusira ava, dari bejare dae sedo, fusira.

Amboda Sirorarira 1:7

Givu! Bajari forogaghae vose firi eregosenere. Evetu genembo isasambu, nu vose fururari garera. Mave nu ighagha edo arafa dorusera, a kotugo evetu genembo isasambu garera. Nu vose fururari fuge gosuse, nunda oro oro isambu enda eminda irera amo, ne oju use sorara arera. Avori, aminge sirorare!