John 16:10 - God da geka seka

¹⁰ Roera eni kosasaghusera amo, ari eveva mave eraira ava, ne bunise irera. Na jovereghedo yaono, na jo gae irovo Afakena irarena amo, Sonemba Kato setena aimi, foa ijugururari, ‘Na eveva eraena,’ ava kasama arera.

Korafe-Yegha

¹⁰ Roera eni kosasaghusera amo, ari eveva mave eraira ava, ne bunise irera. Na jovereghedo yaono, na jo gae irovo Afakena irarena amo, Sonemba Kato setena aimi, foa ijugururari, ‘Na eveva eraena,’ ava kasama arera.

John 16:10 ပူးပေါင်းရင်းမြစ်များ

John 16:28

Emo geka bekári: na God Afakena ghedo fena, enda eminda vovosuseni. A kotugo, na oroko enda emo dodo, Afakena jovereghe yari dae erena.”

John 16:5

Avata oroko, God na dirigetiri fusena aikena jovereghe yari dae erena. Kotugo na reda yarena aindae, ne eni jo nandae ategi ae ireva.

John 3:14

“Avori, God da uju mo: mave Evetu Genembo da Koro+ tumondarira amo, nu jebuga evovodae irari ava tuve barira. Ainda beká mo: God nunda ungo sokinembari, Evetu Genembo da Koro+ arafa dedo jighoro erari, mave ava gido tumondarira amo, nu jebugarira. Avori, Moses usira ava, kote gi! Nu reighi uvu a evetu genembo irae da vasa aminda, auri (bronze) aimi ove kevusira; jingabu da kau ava edo jighiri erorusira. Ere fetetiri, ava mave tumonduse gosusira amo, nu jebugusira. Kau daba aminga ava, mave Evetu Genembo da Koro+ gido, tumondarira amo, nu jebuga evovodae irari ava tuve barira.

John 5:32

Avata mave eniimi nanda kau mavegori ava osa seraira. A na kasama erena, nu rea nandae seraira amo, geka bekári.

John 7:33

Amingero gido, Iesu sisira, “Na namonde sifo tufako dabade iria edo ne dodo, God na dirigetiri fusena, aikena jovereghe yarena.

Ekaresia 17:31

God nu Ategi da Sifo gategetiri irira. Amboda furarira. Namonde ava kasama aoro dae sedo, God setiri nunda Genembo ambarida ghe jebuge erorusira. Ategi da Sifo aminda, God nu sari, Genembo ambarida ghe jebuge erorusira aimi, evetu genembo isambu nune bekáda bekáda ategi arira. Nu evetu genembo da ari eveva a ari ekokodae, bekáda bekáda ategi arira,” aminge sisira.

Ekaresia 2:32

Geka emo Iesu dae sisira. Amo, God nune setiri, Iesu ambarida ghe jebuge eretiri, namane gosuseri.

Ekaresia 3:14

Iesu resena emo, nu genembo evevago a kakara bekári. Avata nemo, Iesu ighagha use, genembo eni Iesu da vasa budo, diburada ghe foa buvare dae, Pilate kena benunu sisevu. Genembo dotevo buvurutusira amo, nu genembo eni detiri ambududurusira. Nene genembo eko aindae benunu setevo, Pilate setiri genembo amo, diburada ghedo fira buvurutusira. O Iesu mo, ne budo eva arafa detevo ambududurusira. Ne genembo eko aindae benunu sise, namondeda jebuga mutari kato amo, detevo ambududurusira. Ambududurusira avata, God setiri nu ambarida ghe jebuge eretiri namane gosuseri.

Ekaresia 7:52

Nenda abuamane God da feroveta isambukena fakarago eoro, feroveta mendeni, God nunda Genembo eveva beká ava dirigari furariá sedo ghusera, nembarago detero sirivo useri. Nenda abuamane ferovetakena amingedo ghusera, a ne kau daba aminga ava use, God da Genembo Eveva ava, namondeda gitofukena mutevo budo detero ambududurusira.

Rome Embokena 1:17

Ainda tuka mo: God nange nange namondeda ari ekoko seghe fugedo, namonde dabade mainungiraera ava, nunda Bino Eveva aimi ijugerira. Amo eviri: mave tuturo edo, tumondudo ya gombuda tumonduse irarira amo, nu mainungari da emboro evia tambarira. God da Geka aindae sise, eminge resira: “God evetu genembo gido, nendae ‘eveva’ sarira amo, jo nenda ari eveva eraera, aindae sae arira. Ne numoá tumondururoro gido, aindae jebuga evovodae irari ava mutari barera,” aminge resira.

1 Corinth Embokena 1:30

Avata nemo, ne jo nenda dubo kotariimi, God da dombuda fetaeri. Ne, God setiri Keriso da ambari da fakina aimi, Iesu Keriso de dabade tatedo, nunda jebuga rurusevu. Nune setiri, Iesu Keriso nenda dubo kotari da susu usira. Totofo nenda dubo kotari ighagha use, Keriso bevo nunda fakinaimi, God nenda ari ekoko kote dodo, nendae ‘eveva’ sisira. Nunda fakinaimi, ne God da natofo kakarago ava sirorusevu. A kotugo nunda fakinaimi, Ari Eko da ungoda ghe feva buvudo jebugusevu.

2 Corinth Embokena 5:21

Keriso resena emo, nu ari eko eni jo aeri. Avata nange namondedae ‘eveva’ saetira ava kotise, God Keriso gido, nundae ‘eko’ sise, namonde darige dodo, Keriso namondedae sedo dorusira. Dedo, Keriso da irari eveva ava budo, namondekena mutiri bero, aminda gosuse, namondedae ‘eveva’ sisira.

Galesia Embokena 5:5

O namane mave Keriso da fakina tumonduse, a rea gigituse irera amo, eviri. God da Asisiimi sonembururari, namane nu tumondururoro gido, God namanendae ‘eveva’ sise, sari namane jebugarera.

1 Timothy 3:16

A namondeda tumondari da susu, God giti jungetiri ireira amo, teriari. Amo jo ighagha use bunari da kaugo iraeri. Amo Keriso numori. Nu genembo da tamo budo, enda eminda sirorusira. Etiri, nunda geka beká a nunda ari dambu beká, ava God da Asisiimi ijugetiri kasama useri. Nu endada iriri, aneya ne gosuseri. A nunda bino ivegedo iri, osa setero enda da oro oro isasambui nininguseri. Enda eminda, evetu genembo digarigo numoá tumonduseri, a God setiri nu sekago utuda vitíra, nunda duro budo, aminda anumbusira.

1 Peter 3:18

Ne eregoseva, Keriso numbarago ari eveva use, namondedae sedo mema itatamuse ambududurusira. Nu namondeda ari ekokodae sedo umbu dabako ambiri, inono beká ava usira. Nu evevari, a namonde ekokori. Avata nu namonde unumbedo God kena bu yari dae sedo, ambududurusira. Amingusira amo, nunda tamoá ambududurusira avata, God da Asisiimi setiri, nunda asisi jebugusira.