John 15:20 - God da geka seka

²⁰ Na giti rea nemokena sedo ghusena, ava kotovo dae resena. Amo eviri: ‘Kotofu mo, nu teriari. Nunda sabua+ mo, kitakori. Evetu genembo kotofuá jo kakara ae arera amo, nunda sabua+ barago jo kakara ae arera,’ aminge sedo ghuseni. Ava sedo, namokena fakarago use bouvu muteoro mema itatameraena amo, kau daba aminga ava, nemokena fakarago use bouvu mutoro ne mema itatamareva. O, nanda geka mave ningiraera amo, ne geka rea sareva ábarago ningarera.

Korafe-Yegha

²⁰ Na giti rea nemokena sedo ghusena, ava kotovo dae resena. Amo eviri: ‘Kotofu mo, nu teriari. Nunda sabua+ mo, kitakori. Evetu genembo kotofuá jo kakara ae arera amo, nunda sabua+ barago jo kakara ae arera,’ aminge sedo ghuseni. Ava sedo, namokena fakarago use bouvu muteoro mema itatameraena amo, kau daba aminga ava, nemokena fakarago use bouvu mutoro ne mema itatamareva. O, nanda geka mave ningiraera amo, ne geka rea sareva ábarago ningarera.

John 15:20 ပူးပေါင်းရင်းမြစ်များ

Matthew 10:24

“Ijuga kato mo, nu teriari. O nunda ambo jimbi mo, ne kikitakori. Kau daba aminga ava, kotofu nu teriari. O nunda sabua+ mo, ne kikitakori. Evetu genemboimi ijuga katoá o kotofuá jo kakara ae arera amo, nenda ambo jimbi barago jo kakara ae arera.

Mark 10:39

Setiri, ne siseri, “Ai, namane aoro inono arira,” setero, Iesu nemokena sisira, “Resevare! Ne agha nane fumbu rise mema itatamarena ava budo, kau daba aminga ava areva. A na nange bafataito arera amo, kau daba aminga ava, ne bafataito aoro itatamareva.

Luke 2:34

Amingetero, Simeon ne esimbuguse, Mary kena sisira, “Mandi emo, Israel embo da kotari ava isagha are dae sedo, God nu gategusira. Numo God da tanori. Evetu genembo mendeni ne ivugaghae, mandi evia gosuse jebugarera. O mendeni, numoá gido imboe aoro, God sari nunda jebuga ne jo tambae arera. Evetu genembo amingururoro, nenda kotari eveva, ai, eko ava, God gido kasama arira. A evetu genembo ninda Mandi imboe ururoro gido, mema ninda ghamo jokáda gayarira,” aminge sisira.

Luke 6:40

Sasingu faiya eraera amo, nenda kasama jo ijuga kato da kasama amingo iraeri. O faiya aoro dadabarira amo, nenda kasama mo ijuga kato da aminga ava arira.

John 10:31

Iesu nu aminge siri ningido, Jusi embo da babojegari, sekago numoá ghamanai daoro ambare dae sise, ghamana retiseri.

John 11:57

Aminge sisera da beká mo eviri: Iesu sandi koto ari dae sedo, Moses da Geka kaifa kakato+, a fristi+ da kokotofu eminge sedo ghuseri, “Iesu reda irira ava, genembo mave kasama arira aimi, foa sari ningore!” aminge sedo ghuseri.

John 13:16

Na nemokena geka beká resena. ‘Sabua’+ seraera, a ‘babojegari’ seraera ainda tuka mo: sabua+ mo, ne gegenembo veveyakori, a babojegari, ne gegenembo babairi. Kau daba aminga ava, genembo mave aghi muturaira amo, nu teriari. O genembo aghi eraira amo, nu kitakori. Ne nanda sabua+ a nanda aghi kakatori. Ava sedo, na sabua+ edo, ne sonembarena amo, nembarago sabua+ edo, tofo tofo sonembuse irareva.

John 5:16

Ningido, ne tuturo edo, Iesu nu Jangutari da Sifo aminda setiri genembo jebugusira aindae, numokena fakarago use mema mutero itatamusira.

John 7:32

Natofo geka ava sainghiako sero ningido, Moses da Geka kaifa kakato+ a fristi+ da babojegari, nemonde dabade, Iesu kosege sandoro dae sedo, God da Kambo+ kaifa kakato ava mendeni, dirigetero iseri.

John 8:51

Na nemokena geka beká resena: nanda geka mave ningido amingarira amo, nu jo ambae arira.”

John 8:52

Aminge setiri, Jusi embo da babojegari numokena siseri, “Orokoá geka seso ningido, namane kasama e gogoghomberera: sukaru nimokena asugedo irira, amo geka bekári. Ni setesi, ‘Nanda geka mave ningido amingarira amo, nu jo ambae arira.’ Aminge setesa amo, jo geka iraeri. Namondeda abua Abraham mo, nu ambududurusira. A feroveta isambu, ne sirivo useri. Aminge setesa amo, inono, ni abua Abraham darigedo genembo teria etesi. A nu fiteso vose, genembo kitako etira. Amo jo geka beká iraeri. Ava sedo, isagha se ningore! Ni erekotesa, ni mavejori? Ava se ningore!”

John 8:59

ne Iesu daoro ambare dae sedo, ghamana rete ruruseri. Rete rurero gido, Iesu God da Kambo+ jokáda jungedo, ira isaghada buvurutusira.

Ekaresia 14:22

Buvudo, ne sonembeoro Iesu da dorevare tamo feghedo fakina edo tumondedo ghuseri. Sonembuse, eminge ijugedo ghuseri, “Dara sirorarira, namondekena. Avata namonde fakina edo tumondarera amo, namonde utuda terarera,” aminge ijugedo ghuseri.

1 Corinth Embokena 4:12

Namane totofo janjagu use, namanenda uvu bayau omburaera. Genembo mave namanekena jijivu sarira amo, numokena mino eveva mutarera, a nundae esimbuguse numokena geka eveva sarera. Namane Keriso tumonderaera aindae, evetu genembo mendeni bouvu futureoro mema itatameraera amo, namane Bajari tumonduse, durumuguse irá gheraera. Evetu genembo tomanako oroko nembo kotedo gherera amo, namane babate, taká makasi embo bekári, kau sena o susunda avaga, kotedo gherera.

2 Corinth Embokena 4:9

Evetu genembo mendeni namanekena fakarago use bouvu muteoro mema itatameraera avata, God nu namane jo doyae eraira. Gitofuimi namane deraera avata, namane jo ambae eraera.

1 Tesalonaika Embokena 2:15

Jusi embo resena eimi, nene Bajari Iesu detero ambududurusira, God da feroveta deoro sirivo edo ghuseri, a namane kotugo nene ondiseri. Erá nenda gitofu namanenda geka ningido jebuga beore dae sise, ne namanenda vironu sari ava bureguse, evetu genembo isambukena a God kena gitofu beká useri. Ava gido, God, “Inono etira,” ava sise, nunda janje eko nemokena mutiri itatamuseri.

2 Timothy 3:12

Ni eregosesa: evetu genembo mave Iesu Keriso de dabade tatedo, God da uju ava ari dae kotarera amo, nemokena gitofuimi bouvu futuse, fakarago ururoro mema itatamuse irarera.