John 14:24 - God da geka seka

²⁴ O mave, na jo dubo bae arira amo, nu nanda geka jo bu kaifa ae arira. Geka seono ningido ghuseva amo, jo nasuka nanda geka iraeri. God Afa na dirigetiri fusena, namane nangaeda gekari.

Korafe-Yegha

²⁴ O mave, na jo dubo bae arira amo, nu nanda geka jo bu kaifa ae arira. Geka seono ningido ghuseva amo, jo nasuka nanda geka iraeri. God Afa na dirigetiri fusena, namane nangaeda gekari.

John 14:24 ပူးပေါင်းရင်းမြစ်များ

Matthew 19:21

Aminge setiri, Iesu sisira, “Ni edo gido, jebuga tambari saresa amo, jovereghe ya kamboda buvudo, ninda roera a gugua isambu oriro edo, ainda moni ava budo, makasi embokena ghasaresa. Ghasedo ni furaso namonde dabade deingharera. Amingaresa amo, ni amboda ya gugua evevago utuda baresa.”

John 14:10

Philip, na God Afaghae tatedo nangae dabade irera ava, ni tumondaetesi,” Aminge sedo, namane isambukena eminge sisira, “Na geka nemokena sedo ghusena amo, jo tofo nanda geka iraeri. Amo Afa da gekari. Ainda beká mo: Afa nangae dabade tatedo irira amo, tofo nunda saramana ava use irira.

John 14:15

Kotugo, na dubo bareva amo, ne nanda agho dari kaifa use irareva,” Iesu aminge sisira.

John 14:25

“Ne namonde dabade irise, na geka evia seteno niningereva.

John 3:11

Na nimokena geka beká resena. Namane seraera evia, jo kotae kotae sae eraera. Namane rea kasama usera a gosusera avanembo, nemokena seraera. Avata ne namanenda geka jo bae eraeva.

John 3:34

Genembo God dirigetiri fusira aikena, God nunda Asisi da fakina isambu futusira. Aindae sedo, nu God da Geka ava, vironu seraira.

John 5:19

A gido, Iesu nemokena mino sisira, “Na geka beká resena! God da Mandi, jo rejo eni tofo nunda javoda ae eraira. Numamo urureari giraira, avanembo eraira. God Afa rea eraira, nunda Mandi barago, daba ava eraira.

John 7:16

Aminge setero, Iesu nenda geka da mino eminge sisira, “Na rea ijugeraena amo, jo nanda kotari iraeri. God na dirigetiri fusena ainda ijuga ava, nane ijugeraena.

John 7:28

Aminge setero ningido aindae, Iesu nu God da Kambo+ jokáda ijuguse, beka mindafu eminge sisira, “Ne erekoteva: na kasama ariva seraeva. A na reda ghe fusena, ne kasama ariva seraeva. A gido, ne aminge reseva. Avata na jo tofo nanda javoda furaeri. God na dirigetiri fusena amo, nu ari bekáda bekáda ari kato, a geka beká sari katori. Avata nemo, nu erebuneva.

John 8:26

Na nemokena geka mendeni mendeni saeteni, a nenda ari ekoko mendeni aindae ijujaeteni. Avata mave na dirigetiri fusena amo, nu ari bekáda bekáda ari kato, a geka beká sari katori. Ava sedo, na numokena rea niningusena, avanembo seono ningiraeva,” aminge sisira.

John 8:28

Ava gido, Iesu nemokena eminge sisira, “Ne na jighovo erono, daovo ambono gido, ne kasama areva: Evetu Genembo da Koro+ mo, namori. Kotugo na jo tofo nanda javoda saramana ae eraena, a na rea seraena amo, Afa ijugetiri kasama usena, ábarago ne kasama areva.

John 8:38

Nanda Afa rea namokena ijugusira, ava vironu sise irena. O nemo, nimamo geka rea siri nininguseva, ava use ireva.”

John 8:42

Aminge setero, Iesu nemokena sisira, “Amo gungubori! Ne God Afa da sasingu iraeteva amo, ne na dubo baetevu. Ainda beká mo: na tofo God kena ghedo ojena irena. Na jo nanda javoda furae useni. Na God dirigetiri fuseni.