John 1:1 - God da geka seka

¹ Enda jo sirorae iriri gitida, God da Geka nu irei. God da Geka amo, nu God ghae dabade iriari, a nengae mo dabakori. Nemo jo nunda nunda iraeri, o dombu eni iraeri.

Korafe-Yegha

¹ Enda jo sirorae iriri gitida, God da Geka nu irei. God da Geka amo, nu God ghae dabade iriari, a nengae mo dabakori. Nemo jo nunda nunda iraeri, o dombu eni iraeri.

John 1:1 ပူးပေါင်းရင်းမြစ်များ

Luke 24:53

Aminguse, ne sifo ghousa ava God da kamboda+ irise, God kena aiyakoe sise iriari. Avori, nanda geka tano eviri.

John 1:14

God da Geka setena amo, nu endada vosedo genembo beká jinetiri, namonde dabade iriari. Nu namonde dabade irise, geka beká sise, a sonembeari, nunda duro isagha eari namonde gido ghuseri. Nunda duro resena emo, nu God Afakena rurusira. Nu God da Mandi dabako tainako ava sedo, mutiri nune rurusira.

John 1:18

Evetu genembo mave eniimi God jo ditii gae irera. Avata, God da Mandi dabako tainako, Numamoghae dabade irá gheraera aimi fira, God nu kau mavegori, ava nune setiri evetu genembo nininguseri.

John 1:2

Giti beká giti tuturoda mo, nengae dabade iriari.

John 16:28

Emo geka bekári: na God Afakena ghedo fena, enda eminda vovosuseni. A kotugo, na oroko enda emo dodo, Afakena jovereghe yari dae erena.”

John 17:5

Afa, orokoé na ninda dombuda fetirono, nanda duro, a usasa sekago namokena mutaso bari dae resena. Enda jo sirorae iriri, na giti usasa a duroghae iriana ainda duro ava, sekago mutaso bari dae resena.

John 20:28

Aminge setiri, Thomas mino sisira, “Arie, nanda Bajari! Arie, nanda God! Na oroko ava tumonderena.”

John 8:58

Aminge setero, Iesu mino nemokena sisira, “Geka beká nemokena resena! Abraham nu jo sirorae ireira ainda gitida, na Numori,” aminge setiri,

Rome Embokena 9:5

Nombuamane binonde, Abraham, Isaac, a Jacob nunda sasingude, nemoá avavagori. A Keriso barago, genembo edo Israel embo ainda jokáda sirorusira. God nune roera isasambu bu jighirise kaifa eraira, nundae evovodae sakai sise irore! Ai, bekári!+

Efesas Embokena 3:9

A kotugo, namonde nange Iesu da ambariimi jebugusera, ainda geka ava God nune kivo edo ghusira. God nane geka ava saono evetu genembo ningoro dae sisira. God roera isasambu setiri sirorusira aimi, Bino setena amo, susu eindae kivo edo ghusira.

Filipai Embokena 2:6

Nu kau God avavaga use evovodae irei. Nunda fakina a God da fakina ava, inono edo irei. Avata nunda irari a nunda fakina ava, nu jo mimedo, nune jighi fete kaifa ari dae saeri.

Kolosi Embokena 1:15

Namonde God mo, ditiimi jo gae eraera, avata Keriso ava gosuse, namonde God da dangio giraera. God roera isasambu jo ari sirorae iriri ainda gitida, God da Mandi Keriso nu irei. Roera isasambu amboda etiri sirorusira amo, jo eni numongo iraeri.

Kolosi Embokena 1:17

Roera isasambu ainda gitida, Keriso nu irei. A roera isasambu nune bu jighirira.

1 Timothy 3:16

A namondeda tumondari da susu, God giti jungetiri ireira amo, teriari. Amo jo ighagha use bunari da kaugo iraeri. Amo Keriso numori. Nu genembo da tamo budo, enda eminda sirorusira. Etiri, nunda geka beká a nunda ari dambu beká, ava God da Asisiimi ijugetiri kasama useri. Nu endada iriri, aneya ne gosuseri. A nunda bino ivegedo iri, osa setero enda da oro oro isasambui nininguseri. Enda eminda, evetu genembo digarigo numoá tumonduseri, a God setiri nu sekago utuda vitíra, nunda duro budo, aminda anumbusira.

Titus 2:13

Aminguse, namondeda God a Sonemba Kato Iesu Keriso, nunda duroghae jovereghe foama namonde esimbugarira ainda Sifo ava, kaifa use gigitarera.

Hebrew Embokena 13:8

Iesu Keriso nu jo dombu eni ae arira. Nu irei, irira, a kau daba aminga ava, nu evovodae irarira.

Hebrew Embokena 7:3

Melchizedek dae, nunda kiki jo ghousa gembaeri. Nunda noi numamo da javo, novia nombua da javo eni jo gembaeri. A nanjigo sirorusira a ambududurusira, ábarago jo gembaeri. Kau God da Mandi avaga, nu fristi+ edo, evovodae ireira ava gefuseri.

2 Peter 1:1

Arie, nanda nano namendi! Na Iesu Keriso da saramana kato a aghi kato Simon Peter, namori. Yari budo givu! Namondeda God a namondeda Sonemba Kato Iesu Keriso ghae, veka eveva use sonembetero, ne tumonduse ireva. Kau namane giti tuturo edo Iesu tumonduse iriara aminga ava, ne amboda tuturo edo nu tumonde gogoghombuse ireva. God da dombuda nenda tumondari a namanenda tumondari kau dabakori. Ne ategi beká ava erena. Yari budo givu!

1 John 5:20

A kotugo, namonde kasama erera: namonde God beká ava kasama aoro dae sedo, God da Mandi fira namondeda munju afigetiri dubo koteraera. A namonde oroko God de dabade tatedo irera amo, namonde nunda Mandi Iesu Keriso barago namonde tatedo irera. Amo jo bunae arera. Numo God beká, a nu jebuga evovodae irari da susuri. Yari budo givu!

1 John 5:7

Ava sedo, tano isambu etodaba naká aimi ijugeraira amo, Iesu nu God da Mandiri. Tano setena amo, God da Asisi, a uvu ororoghaeri. A nenda ijuga mo, jo nunda nunda iraeri, dabakori. Amo, Iesu nu God da Mandiri.

Amboda Sirorarira 1:11

Eminge sisira, “Ni rea eregosesa ava, gembudo buku amo mutaso, ekaresia+ reighi 7 aminda irera aikena yarira. Reighi resena amo, eviri: Efesas, Simona, Pergamas, Taiyataira, Sardis, Filadelfia, a Leodisia ri. Aminda mutu yare!”

Amboda Sirorarira 1:17

Na numoá gido, nunda ata duruda du fase, ambari embo da kaugo useni. Fasireno gido, nunda ungo gimanduimi siregedo, nanda tamonda jijighuse sisira, “Erama oju eose! Namori! Roera isasambu ainda tuturoda a gombuda amo, namori.

Amboda Sirorarira 1:8

God nu ireira, irira, a evovodae irarira aimi, geka resira. Namondeda Bajari God Fakina Kato aimi eminge resira, “Roera isasambu ainda tuturoda a gombuda amo, namori,” aminge resira.

Amboda Sirorarira 19:13

Nunda embo ororoimi dave asugedo, vose firi gosuseni, a nunda javo seraera amo, ‘God da Gekari’.

Amboda Sirorarira 2:8

Aminge sedo, Iesu sekago namokena sisira, “Ekaresia+ reighi Simona aminda irira, ainda aghi katokena gembu mutu yari, nune budo osa sirurari ningore! Roera isasambu ainda tuturoda a gombuda amo, namori. A na ambudo, ambarida ghe jebuge eroruseni. Nane nemokena geka evia resena.

Amboda Sirorarira 21:6

Aminge sedo, nu tuturo edo sisira, “Utu a enda manai, roera manai a irari manai dadabetira! Roera isasambu ainda tuturoda a gombuda amo, namori. Mave uvu mindi jebugari uju arira amo, numokena nanda uvu tefo mutarena. Uvuá mave mindarira amo, jebuga evovodae irari ava tuve barira.

Amboda Sirorarira 22:13

Roera isasambu ainda tuturoda a gombuda amo, namori. A roera isambu ainda susuda a doinda amo, namori.

Amboda Sirorarira 3:14

Aminge sedo, Iesu sekago namokena sisira, “Ekaresia+ reighi Leodisia aminda irira, ainda aghi katokena gembu mutu yari, nune budo osa sirurari ningore! Geka beká da susu, a God da Aghi Kato geka beká seraira amo, namori. A kotugo, roera isambu God etiri sirorusira ainda susu mo, namori. Na nemokena geka evia resena.