James 2:8 - God da geka seka

⁸ Bajari namondeda kiniri. Ava sedo, nunda agho dari evia, nene kaifa areva. “Ni tofo dubo buraesa, kau daba ava, ninda komana dubo baresa,” aminge resira.

Korafe-Yegha

⁸ Bajari namondeda kiniri. Ava sedo, nunda agho dari evia, nene kaifa areva. “Ni tofo dubo buraesa, kau daba ava, ninda komana dubo baresa,” aminge resira.

James 2:8 ပူးပေါင်းရင်းမြစ်များ

Matthew 22:39

Nunda Agho Dari setena ainda kaugo eni mo, eviri: ‘Ni tofo dubo buraesa, kau daba aminga ava, ninda komana barago dubo baresa.’

Matthew 25:21

“Aminge setiri ningido, nunda bajari numokena setira, ‘Aiyakoe beká resena! Ni e gogoghombetesi. Ni saramana kato evevagori. Nanda roera jo digari iraeko mutena ava, nangedo eteso digetiri besi. Ava sedo, oroko nanda roera digari ava mutono, nine kaifa aresa. Fu, nangae dabade ivuga aore!’ aminge setira.

Matthew 25:23

“Aminge setiri ningido, nunda bajari numokena setira, ‘Aiyakoe beká resena! Ni e gogoghombetesi. Ni saramana kato evevagori. Nanda gugua jo digari iraeko mutena ava, nangedo eteso digetiri besi! Ava sedo, oroko nanda roera digari ava mutono, nine kaifa aresa. Fu, nangae dabade ivuga aore!’ aminge setira.

Matthew 7:12

“God setiri, Moses a feroveta nene geka rea gefusera, ainda tuka mo eviri: ‘Ni rea evetu genembo nimokena aoro dae koteraesa, kau daba aminga ava, ni nemokena edo ghaetesi!’” Iesu aminge sisira.

Rome Embokena 13:10

Mave nunda komana dubo ruruse irarira amo, nunda komanakena dara eni jo ae arira. Na aindae seteni: Agho Dari da geka inononda ari da emboro amo, dubo bariri.

Galesia Embokena 5:14

Agho Dari rea aovo dae resira ainda tuka mo, eviri: “Kau ni tofo dubo buraesa aminga ava, ninda komana dubo baresa!” Ava sedo, mave amingeraira amo, inono: nu Agho Dari da geka isambu kaifa eraira, ávovogori.

Galesia Embokena 6:2

Bouvu minonde minonde fufuse irareva. Aminguse, Keriso namonde rea aoro dae sisira ava, nene use irareva.

Filipai Embokena 4:14

Avata kotugo, na mema tafeno ainda jokáda, ne na sonembuseva aindae, na aiyakoe resena. Ne eveva ava usevu.

1 Tesalonaika Embokena 4:9

Ne nenda nano namendide dabade, tofo tofo dubo baeteva amo, redae sareri? Ainda beká mo: ne nange tofo tofo dubo ruruse iraeteva ava, God nu tofo mandi ijugetiri gosusevu.

James 1:25

Eregoseva: God da Agho Dari mo, numo bekári. Aminda, namonde jebuga tambarera. Ava sedo, genembo mave God da Agho Dari bu jighirarira amo, nu jo ningari vanembo use, Agho Dari jo kotae ae arira. Nu Agho Dari ava kotise, kaifa use irá ghedo gharira. Kotugo, nu Agho Dari ava kotise, kaifa use irarira aindae, God nu esimbugarira.

James 2:12

Avori, Jusi embo da Agho Dari irira, ainda mendo mendeni oroko seteno tegetevu. Kotugo, Keriso namonde ari ekoko aimi bundetiri iriara ava gido, Keriso agho dari eni irira aimi namonde vujegusira. Agho dari amo, nu dubo bari da agho dariri. Amboda God nu agho dari aimi budo, namonde ijujarira. Ava sedo, agho dari amo kotise, namonde geka eveva sise, a ari eveva use irarera.

James 2:19

O nu eminge saeti, “God Afa nusuka numoá God ava, na tumonderena. Ava sedo, na jebuga barena.” Nu aminge saetira amo, na eminge saeteni, “Amo nu gekari; avata kotugo, ni sukaru isambu ainde dabade tumonderaesa.” Ainda tuka mo: sukarumane ne, God irira ava anakora kasama edo, tumonduse irera. Tumonderaera aindae, ne oju use ungo ata dadadagheraera.

James 4:11

Nanda nano namendi, erama nenda nano namendidae aji seove! God da Agho Dari erá amingeove dae sise resira. Ava sedo, mave Agho Dari da geka evia kotae edo, nunda namendi da ari ava ijujarira, o aindae aji sarira amo, nu Agho Dari ighagha use amingarira. Nu amingarira ainda beká mo: nu erekotira, nunda kotari amo teriari. O God da Agho Dari rea resira amo kitakori, nu ava erekotira. Avata amo kotari sembaeri.

1 Peter 2:9

Avata kotugo, God ne gategetiri nunda natofo edo ireva. Ne kau Kini (King) da fristi+ avavaga ava use, nunda natofo kakarago ava edo ireva. Nunda saramana, nunda ari, a nunda tano evevago aindae osa saovo dae sedo, God ne gategetiri nunda natofo edo ireva. Ne giti tumba jokáda iriava ava, aghi etiri ne tumbada ghe buvudo, nunda usasa numo beká aminda ireva.