Ekaresia 21:3 - God da geka seka

^3-4 Sembise, butu Cyprus gido iji vosarikena era ovenembuseri. Ovenembedo sembera, reighi javo Taiar, Frovensi Syria aminda teteruseri. Frovensi Foenisia setena amo, kitakori. Amo frovensi mindafu javo Syria, ainda frovensi eniri. Teteruse, ghaka+ da bajari, nu gugua mendeni tigoro vosare dae sisira. Avori, namane ghaka+ do vitido, Iesu da dorevare mendeni tambudo nemokena aviseri. Amingero, nati embo siseri, “Namane Asisi Kakara da fakinaimi resera: Paul, ni Jerusalem ominda jo yae aresa,” aminge siseri.

Korafe-Yegha

^3-4 Sembise, butu Cyprus gido iji vosarikena era ovenembuseri. Ovenembedo sembera, reighi javo Taiar, Frovensi Syria aminda teteruseri. Frovensi Foenisia setena amo, kitakori. Amo frovensi mindafu javo Syria, ainda frovensi eniri. Teteruse, ghaka+ da bajari, nu gugua mendeni tigoro vosare dae sisira. Avori, namane ghaka+ do vitido, Iesu da dorevare mendeni tambudo nemokena aviseri. Amingero, nati embo siseri, “Namane Asisi Kakara da fakinaimi resera: Paul, ni Jerusalem ominda jo yae aresa,” aminge siseri.

Ekaresia 21:3 ပူးပေါင်းရင်းမြစ်များ

Ekaresia 27:4

Ainda amboda, namane reighi Saidon dodo, yaura dombuda firi gido, butu javo Cyprus ainda tinguda, binono aminda ovenembuseri.

Ekaresia 21:16

Reighi Sesaria ainda dorevare mendeni barago, eretero namonde dabade iseri. Era buvudo, namane vasa reda avarera ava, nene ijugetero namane gosuseri. Kambo ainda numamo da javo mo, Mnason ri. Numo butu Cyprus embori. Mnason resena emo, nu giti beká tuturo edo Iesu tumondedo ghusira.

Ekaresia 12:20

Ainda sifo aminda, Herod nu Taiar a Saidon embokena janje eko use irei. Aminguse iriri gido, ne eredo geka dabade se ningari dae sedo, Herod kena iseri. Era buvudo, ne giti Herod da kambo kaifa kato javo Blastus de komana useri. Amingedo, ne mainungari dae sedo, Herod kena teteruseri. Ainda susu mo: ne Herod da reighida nenda bayau ombudo ghuseri.

Ekaresia 4:36

Amingero, butu Cyprus embo genembo eni javo Joseph, nunda oro javo Levi, ai irei. Nune eredo nunda vare oriro edo, moni budo ambo jimbikena futusira. Ambo jimbi ne nunda javo seka Barnabas jijighuseri. Ainda tuka mo: ‘Dubo Jama Mutari Katori.’

Matthew 4:24

Amingiri, nunda bino iri, evetu genembo frovensi Syria aminda iriara, nembarago nininguseri. Ningido, kae evetu genembo Iesu kena budo fuseri. Mendeni mo, sukaruimi asugetero iriari. Mendeni mo, jinongu tambudo ghuseri. A mendeni mo, ungo ata dimbiri iriara ava, isambu unumbe budo fera Iesu kena buvero gido, setiri ne jejebuguseri.

Ekaresia 18:18

Sosthenes dorusera ainda amboda, Paul nu Corinth aminda itako ghousago, Iesu da dorevarede dabade irei. Ainda amboda, Paul nu Aquila noaro Priscilla ghaede dabade Corinth ghedo vosera, reighi Kenkiria aminda buvurutuseri. Buvudo, Paul beka gajari eni God kena usira. Nu beka gagojusira ava, evetu genembo kasama aoro dae sedo, Paul nu Jusi embo da agho dari ava kotise, setiri nunda beo aruguseri. Etiri dadabetiri, Paul a Aquila noaro Priscilla ghaede dabade ghakada+ vosedo sembiseri.

Ekaresia 15:41

Etero, Paul nengae Silas ghae eredo era, Frovensi Syria a Silisia aminda vironu sirureoro, Iesu da dorevare isambu ningido, fakina edo ghuseri.

Ekaresia 15:39

Paul nu John Mark bu yari imboe use, Barnabas ghae beisiga ambariá useri. Amingedo, nengae sarigedo, emboro nunda nunda iseri. Barnabas nu eredo John Mark budo, nengae butu Cyprus aminda sembiseri.

Ekaresia 15:23

Gategedo, ne reta evia gefuseri: “Namane Iesu da ambo jimbi a Iesu da dorevare da babojegari isambu Jerusalem eminda, namanenda nano namendi Frovensi Syria, Silisia, a reighi Antiok aminda ategi beká ava erera. Ne namane Jusi embo da gitofuri, avata namane ne ategi roro beká ava erera. Yari budo givu!

Ekaresia 13:4

Asisi Kakara nu Saul nengae Barnabas ghae dirigetiri yari dae use, gimasa John Mark nemo sonembare dae sedo budo, reighi Antiok dodo reighi Selusia aminda vosera buvudo, ghakada+ vosedo sirige era butu Cyprus aminda buvurutuseri. Butu aminda buvudo, reighi javo Salamas aminda, ghaka+ darido vivituseri. Vitido, ne era Jusi embo da dengoro indari kambo+ mendeni aminda God da Geka ijugedo ghuseri.

Ekaresia 11:19

Stephen detero ambududurusira ainda sifoda, Iesu da gitofu ne eredo, Iesu da natofokena fakarago use bouvu futurureoro mema itatamedo ghuseri. Amingedo, Iesu da dorevare oju sumbudo reighi mendenikena iseri. Mendeni oju sumbudo era reighi Foenisia aminda buvurutuseri. Buvudo, Iesu da Bino nenda natofo Israel embokena seoro ningido ghuseri.

Luke 10:13

“Arie, Korasin embo a Betsaida embo! Nemokena sari dae erena. Ne sifo amboda mema teria eko beká ava tambareva. Ainda beká mo: ne nanda tano a ari mendeni mendeni eono gido ghuseva avata, ne dubo jo jovereghae, kau daba ava ireva. O nanda fakina a tano evia, namondeda gitofu da reighi Taiar a Saidon aminda, ijugaono gaetera amo, ne anakora nenda ari ekoko vujegedo, dubo jovereghari da tano ava ijuguse, bovora fire asuguse ã vaya gutuse ghaeteri.

Luke 2:2

Genembo javo Quirinius, nu Syria frovensi da kotofu edo ireira ainda sifoda, evetu genembo da javo jo gembae iriara ava, tuturo edo nenda javo gefuseri.

Matthew 11:21

“Arie, Korasin embo a Betsaida embo! Nemokena sari dae erena! Ne sifo amboda mema teria beká ava itatamareva. Ainda beká mo: ne nanda tano a ari mendeni mendeni eono gido ghuseva, avata ne dubo jo jovereghae, kau daba ava ireva. O nanda fakina a tano evia, namondeda gitofu da reighi Taiar a Saidon aminda, ijugaono gaetera amo, ne anakora nenda ari ekoko vujeguse, dubo jovereghari da tano ijuguse, bovora fire asuge vaya gutaeteri.

Ekaresia 21:2

Teredo, ghakaá+ dodo, ghaka+ eni tava useri. Ghaka+ eni Frovensi Foenisia yari dae simbugiri kasama edo, aminda sembudo iseri.

Ekaresia 21:7

Namane tuturo edo reighi Taiar ghedo sembera, reighi javo Tolemeas aminda teteruseri. Teredo, Iesu da natofo tambudo nemokena anumbedo tumba dabako geka se niningero sifo atetiri, namane eredo reighiá dodo era, reighi Sesaria aminda buvudo, feroveta eni javo Philip kena aviseri. Philip resena emo, nu giti gegenembo 6 ainde dabade Jerusalem aminda bayau soro aoro dae sedo, gateguseri.