Efesas Embokena 4:9 - God da geka seka

^9-10 Kote givu! Geka ‘vitisira’ resira ainda susu mo, oroko ijugaono kasama areva. ‘Vitisira’ ainda susu mo: Keriso giti vose fusira. Fira ireira edo nunda ambari sifoda, enda jokáda vovosusira. Genembo vose fusira, enda jokáda vovosusira, a vitisira amo, nu genembo daba avori. Nu utu enda bedo ari dae sedo, vitíra utu iká bekáda buvurutusira.

Korafe-Yegha

^9-10 Kote givu! Geka ‘vitisira’ resira ainda susu mo, oroko ijugaono kasama areva. ‘Vitisira’ ainda susu mo: Keriso giti vose fusira. Fira ireira edo nunda ambari sifoda, enda jokáda vovosusira. Genembo vose fusira, enda jokáda vovosusira, a vitisira amo, nu genembo daba avori. Nu utu enda bedo ari dae sedo, vitíra utu iká bekáda buvurutusira.

Efesas Embokena 4:9 ပူးပေါင်းရင်းမြစ်များ

Matthew 12:40

“Jonah nu, sifo tumba etodaba naká, oka da tini jokáda ireira edo, fira buvurutusira. Kau daba aminga ava, Evetu Genembo da Koro+ sifo tumba etodaba naká, enda jokáda iria edo erarira.

John 20:17

Setiri, Iesu numokena eminge sisira, “Erá nanda tamo jigheose! Ainda beká mo: na Afakena jo ya buvae irena. Nu, ni yasi! Nanda nano namendikena buvudo eminge se ningore, ‘Na jovereghe yari dae erena, nanda Afa, a nenda Afakena, nanda God, a nenda God kena,’ aminge se nanda ambo jimbi ningore!”

John 3:13

A kotugo, roera utuda irira ava, genembo eniimi mave jo viti ya gae irira. O Evetu Genembo da Koro+ utuda ghe vose fusira aimi, nusuka aminda irise gosusira.

John 6:33

Bayau God muteari foa gheraira amo, genembori. Genembo resena emo, nu utuda ghe foa, nunda jebuga evetu genembokena muturaira. Bayau setena amo, numori.”

John 6:38

Ainda beká mo: na jo nanda uju ava ari dae sedo, utuda ghe vose furaeri. God na dirigetiri vose fusena amo, nunda uju ava ari dae sedo fuseni. Afa da uju mo eviri: evetu genembo namokena futusira ava, jo eni kosasaghaono ya ambae arira. A kotugo, nunda uju mo: sifo gombuda na saono, ne ambarida ghe eredo jebuga tuve barera.

John 6:41

Avori, Iesu nu, “Bayau utuda ghe vose fusira amo, namori,” sisira aindae, ne tuturo edo dubo mema use tiriseri.

John 6:51

Emo na tofo, nandae resena. Bayau utuda ghe vose fusira setena amo, tofo namoá seteni. Bayau evia, mave mindarira amo, nu jebuga evovodae irari ava tuve barira. Bayau evetu genembodae mutari resena emo, nanda tamo aindae resena. Evetu genembo jebugaoro dae sedo, nanda tamo mutarena,” Iesu aminge sisira.

John 6:58

Bayau utuda ghe vose fusira, ainda tuka seteno ningeva amo, eviri. Bayau nembuamane rise iriara, sirivo usera amo, jo nanda tamo a ororo evavago iraeri. Nanda tamo a ororo, mave bu mindarira amo, nu jebuga evovodae irari ava tuve barira,” Iesu aminge sisira.

John 6:62

Avata Evetu Genembo da Koro+ ne dodo jovereghe utuda viti yarira amo, ne ivuga areva, ai? A kote givu!

John 8:14

Aminge setero, Iesu mino nemokena sisira, “Nanda geka tofo namoá sonembariá sise, ne aindae nanda geka gungubova reseva. Avata na eminge resena: na tofo amingarena amo, na geka beká sarena. Ainda beká mo: na reda ghe fusena, a na reda jovereghe yarena, ava na kasama erena. O ne a bunariri.

Hebrew Embokena 2:7

Sifo tufako, nu aneya da duruda irare dae sisesi. Usasa a bino numokena muteso biri,

Hebrew Embokena 2:9

Avata Iesu kotovo dae resena. Nu sifo tufako aneya da duruda irare dae sedo, God setiri nu sirorusira. God nu, namonde evetu genembo isambukena sonemba mutari dae sedo, setiri Iesu namondeda ari ekokodae ambududurusira. Avata oroko mo, nu usasa a bino bu jighiriri eregosera. Usasa a bino bu jighirira ainda tuka mo: nu namondedae sedo, mema eko beká ava itatamuse ambududurusira. Ambiri gido, God numokena usasa a bino ava mutiri budo, roera isambu da bajari ava, nune edo irira.