Efesas Embokena 4:5 - God da geka seka

⁵ Namondeda Bajari dabako, tumondari dabako, a bafataito ari dabakori.

Korafe-Yegha

⁵ Namondeda Bajari dabako, tumondari dabako, a bafataito ari dabakori.

Efesas Embokena 4:5 ပူးပေါင်းရင်းမြစ်များ

Matthew 28:19

Ava sedo, ne eredo yasivu, natofo nunda oro oro isambukena vironu sirurovo ningido, ne nanda ambo jimbi aore! Aminguse, ne God, Afa, Mandi, a Asisi Kakara da javoda bafataito areva.

Ekaresia 10:36

God nange nange giti Israel embokena nunda geka futusira ava niningusevu. A God nange nange evetu genembo isasambu da ari ekoko kote doyari dae sedo, Bajari Iesu Keriso dirigetiri fusira, a nunda Bino Eveva, ábarago niningusevu.

Ekaresia 2:36

Ava sedo, ningi gogoghombevu! Ne Israel embo ava sedo, kasama aovo dae resena. Iesu setena emo, nene budo arafa dorusevu. Genembo daba ava, God setiri nu kotofuko edo, namondeda sonembadae sedo irira. Numo Keriso ri!”

Rome Embokena 3:30

God nu dabakori. A nunda uju mo: namane Jusi embo tumondururoro gido, namanendae ‘eveva’ sise, sari namane nunda sasingu aeteri. A kotugo, namane Jusi embo da gitofu barago tumondururoro gido, nendae ‘eveva’ sise, sari nembarago nunda sasingu aeteri. Amo nunda ujuri.

1 Corinth Embokena 1:13

Ne aminge sise, Keriso da tamo, o ekaresia+ seraera ava sarigedo, nunda nunda ereva. Mave nendae sedo korosida ambududurusi? Ne maveda javoda bafataito usevu? Kote givu! Na Paul ri. Na jo nendae sedo korosida ambaeri. A ne jo nanda javoda bafataito aeri.

1 Corinth Embokena 1:2

God da ekaresia+ reighi Corinth aminda ireva, nemokena reta evia eregefenere. Yari budo givu! Ne Iesu Keriso de dabade tatedo, nunda natofo kakarago ava aovo dae sedo, God ne aghi usira. Geka eregefena emo, Corinth embokena eregefena A kotugo, evetu genembo isambu, mave namondeda Bajari Iesu Keriso da sari ava ningiraera, aikena eregefena. Bajari Iesu Keriso resena emo, namonde isambu da Bajari dabako numori. Yari budo givu!

1 Corinth Embokena 12:13

Na tamo dabako resena emo, namondedae resena. Ainda beká mo: namondeda mendeni Jusi embo, a mendeni nanda natofo Jusi embo da gitofuri. A kotugo, namondeda mendeni mo kokotofuri, a mendeni sabuari. Namonde isambu, God da Asisi dabakoimi bafataito edo tamo dabako edo irera. A nunda Asisi daba ava, namondekena futusira.

1 Corinth Embokena 12:5

Namonde saramana dombu eni dombu eni eraera, avata kotugo, namonde isambu Bajari da saramana eraera.

1 Corinth Embokena 8:6

Avata namonde kasama erera: namondeda Afa God nu dabakori. Nune roera isasambu setiri sirorusira. Nunda javo jighoro erare dae sedo, namonde jebuga irera. A kotugo namonde kasama erera: namondeda Bajari dabako mo, Iesu Keriso nusuka numori. Bajari Iesu da fakinaimi, God Afa setiri utu a enda sirorusira. A nunda fakina daba aimi, namonde oroko jebuga irera.

2 Corinth Embokena 11:4

Na aminge resena da beká mo: mave nemokena ya buveari, ne nati joká doruse, nunda geka ivugaghae ningiraeva. Ava sedo, Satan da aghi kato eni yama, genembo eni Iesu da kaugo, ainda bino ava vironu sarira amo, ne Iesu va sise, nunda geka tumondareva. Avata kotugo, amo gungubo sarira. Bajari Iesu kau mavega sisena ava kotae edo, Satan da aghi katoá rejo sarira, ne ava tumondareva. Ne Asisi Kakara rurusevu, avata Satan da aghi katoá yama asisi o sukaru eninda bino sarira amo, ne Asisi Kakarava sise, sukaruá nemokena foa asugare dae sedo benunu sareva. Aindae na oju erena.

Galesia Embokena 5:6

Ai resira amo: namonde Iesu Keriso de dabade tatedo, nunda natofo arera amo, vika ainda mendo anoso gafugedo Jusi embo da kaugo edo irarera, o jo amingae arera aindae, God jo kotae arira. Nunda uju mo: namonde Keriso tumonduse, tofo tofo dubo ruruse iraeteri.

Efesas Embokena 4:13

Kotugo, nu joba futusira da beká eni mo: nange namonde dubo dabako edo tumonduse, a God da Mandi kau nangego ava kasama e gogoghombuse, namonde evetu genembo beká edo dubo kote gogoghombaeteri. Aminguse, namonde kau Keriso avavaga aeteri.

Filipai Embokena 2:11

Aminguse, evetu genembo, aneya, a sukaru setena, ne isasambu beka afigedo eminge sarera, “Iesu Keriso, ni Bajariri!” Aminge siruroro, God Afa da duro isagha arira.

Filipai Embokena 3:8

Kotugo, kiki ava dodo, na roera isasambu enda eminda irira, ábarago do dadabedo, isambu kotae useni. Ainda susu mo: ne isambu veveyakori. O nanda Bajari Iesu Keriso kasama edo, nunda tofo ari amo, teriagori. Iesu Keriso de dabade tatedo numoá avavaga ari dae sedo, a tofo numoá bari dae sedo, na kiki a roera setena amo, kau sena da kaugo, ava sise fuge dotutuseni. Namonde Agho Dari da emboroda+ ise, totofo eveva ari dae sise e gosuseri. Ainda emboro+ ava, na imboe edo dotutuseni. Oroko Keriso tumondururono gido, God nandae ‘eveva’ sare dae sedo, aindae edo giraena. Amo tofo nunda ariri. God nandae ‘eveva’ sarira amo, na taká tumondururono gido, nunda eveva namokena futuse, aminge sarira.

Titus 1:1

Arie, nanda mandi! Na Paul ri. God da saramana kato a Iesu Keriso da aghi kato edo irena. God nunda natofo gategusira ava, sonembururono tumonde gogoghombaoro dae, a ijugururono namondeda tumondari da susu a geka beká ava kasama aoro dae sedo, God na gategusira.

Titus 1:4

Nanda mandi Titus, na ni ategi beká ava erena. Ni nane ijugeteno, tuturo edo nangae dabade tumonduse irera. Na ni ategi beká ava erena. Yari budo gi! God Afa a nangaeda Sonemba Kato, Iesu Keriso, nimokena sonemba a dubo jama mutoro base!

Hebrew Embokena 13:7

Nenda babojegari giti God da Geka nemokena vironu sedo ghusera, ava kotovo dae resena. Ne nange God tumonduse, enda eminda deinghedo ghusera, a nange God tumonduse iriara edo sirivo usera ava kotise, kau nene usera aminga ava aovo dae resena.

Hebrew Embokena 6:6

Amingusera avata, ne amboda God kotae useri. Ava sedo, jo sekago dubo jovereghari, God tumondari da kaugo iraeri. Ainda beká mo: God kotae use irarera amo, inono, ne totofo God da Mandi, natofo da dombuda sekago arafa doruroro gido, natofoimi ne dere jirarera.

James 2:18

O genembo eni osogo use, eminge saetira, “Namonde evetu genembo da kiki jo dombu dabako iraeri. Evetu genembo mendeni, ne God tumonde gogoghomberaera. Avata evetu genembo mendeni, ne natofo sonembuse irá gheraera.” Nu aminge saetira amo, na eminge saeteni, “Ni tumonderaesa resesa amo, namane ninda tumondari nange kasama areri? O namo, natofo sonembururono, nanda tumondari da beká ava isagha ari garesa.”

1 Peter 3:21

Uvu amo nu, bafataito edo jebugeraera da ijugaboro eniri. Namonde bafataito eraera amo, jo tamo da dongono seghoro dadabari jebugae eraera. Namonde bafataito use, dombu God kena jovereghedo, nu namondeda ari ekoko kote dodo, dubo joká seghari dambu are dae sedo, benunu seraera. Amingurureoro, Iesu Keriso ambarida ghe jebuge erorusira ainda fakina aimi, God seari namonde bafataito use jebugeraera.

2 Peter 1:1

Arie, nanda nano namendi! Na Iesu Keriso da saramana kato a aghi kato Simon Peter, namori. Yari budo givu! Namondeda God a namondeda Sonemba Kato Iesu Keriso ghae, veka eveva use sonembetero, ne tumonduse ireva. Kau namane giti tuturo edo Iesu tumonduse iriara aminga ava, ne amboda tuturo edo nu tumonde gogoghombuse ireva. God da dombuda nenda tumondari a namanenda tumondari kau dabakori. Ne ategi beká ava erena. Yari budo givu!

Jude 1:20

Avata nanda kokomana, ne emingaovo dae sise resena. Nenda tumondari kakara aimi, totofo fakina use fete gogoghombuse irareva! Aminguse, Asisi Kakara da fakina aimi banunguse irivu!

Jude 1:3

Nanda dubo bari nano namendi, ne namonde dabade jebuga seka budo irera! Ainda geka evia, na nemokena retada gembari dae uju beká ava erena. Avata oroko, ainda geka jo sae arena. Na geka eni kotise, ava sari dae erena. Amo, ne fakina edo namondeda tumondari aindae, isoro aovo dae sise, nemokena eregefena. Tumondari resena emo, God mutiri nunda natofo ruruseri. Futusira amo, inononda futusira. Nu jo tumondari dombu eni amboda sekago mutae arira.