Efesas Embokena 4:11 - God da geka seka

¹¹ Joba mutari kato resena emo, Keriso numori. Nune setiri, namondeda mendeni tuturo edo saramana eraera. Mendeni ne nunda aghi kakato eraera. Mendeni ne ferovetari. Mendeni Iesu da Bino ava, osa seraera. Mendeni God da natofo tavo use, dengoro indiraera.

Korafe-Yegha

¹¹ Joba mutari kato resena emo, Keriso numori. Nune setiri, namondeda mendeni tuturo edo saramana eraera. Mendeni ne nunda aghi kakato eraera. Mendeni ne ferovetari. Mendeni Iesu da Bino ava, osa seraera. Mendeni God da natofo tavo use, dengoro indiraera.

Efesas Embokena 4:11 ပူးပေါင်းရင်းမြစ်များ

Matthew 28:20

Na rea aovo dae sedo ghusena ava, ijugururovo natofo isambu ningido tumonduse amingaore! Amingururovo, na namonde dabade tatedo iroro, enda a sifo foa tano arira,” Iesu aminge sisira. Avori, nanda geka tano eviri.

Ekaresia 13:1

Reighi Antiok aminda, Iesu da natofo jokáda, God da feroveta mendeni a ijuga kakato mendeniimi, dengoro indido ghuseri. Amo, Saul, nunda komana Barnabas, Simeon (nunda javo Ingago seraera), Sairin embo Lucius, a Manaen (nu anakora Kini (King) Herod ghae dabade faiya edo ghusira), aimi dengoro indido ghuseri.

Ekaresia 20:28

God da Asisi Kakara ai setiri, ne Iesu da natofo da babojegari edo ireva ágido, nenda evetu genembo a nembarago totofo, dabade kaifa e gogoghombevu! Iesu da natofo ava, God nune nunda Mandi da ambariimi ofusira. Ava sedo, kaifa e gogoghombevu!

Rome Embokena 12:7

O nimokena, evetu genembo tavo use, sonembari da fakina ava futusira amo, ni amingaresa. O nimokena dengoro indaso dae sedo, fakina futusira amo, ni ava aresa.

1 Corinth Embokena 12:4

Avori, God da joba a fakina dombu eni dombu eni irira. Avata joba mutari kato mo dabako, God da Asisi Kakarari.

Efesas Embokena 2:20

Ne eregoseva: namonde mo, kau God da Kambo+ kakara da kaugori. God nu Iesu Keriso, kambo+ ainda tutumbi evevago dae sedo, fiti simbugusira. Ainda amboda, nunda ambo jimbi a feroveta ava, kambo+ da suradae sedo tutumbi etoda fiti itutusira. Kau daba aminga ava, ne nunda sasingu etevo gido, nembarago budo aimi, nunda kambo+ itutuse irira.

Efesas Embokena 3:5

Giti God Keriso da geka kivo ari setena amo, jo afigari evetu genembo kasama ae edo ghuseri. Avata oroko emo, God nunda aghi kakato a nunda feroveta kakara gategedo, nunda Asisi Kakara aimi geka emo nemokena ijugetiri ne kasama useri.

Efesas Embokena 4:8

God da Geka aindae rea anakora gefusera amo, eminge resira: “Nu utuda vivituse, evetu genembo mendeni bundisera ava, unumbe budo vitisira. Vitíra, joba evetu genembo aikena futusira.”

2 Timothy 4:5

Avata ni jo amingae aresa. Ni evovodae durumugedo, tofo kaifa use iraresa. Dara a bouvu itatamaresa, ainda jokáda barago, ni durumugedo iraresa. God ninda saramana rea futusira ava use, Iesu Keriso da Bino Eveva ava sise, nundae sedo aghi use iraresa.

Hebrew Embokena 5:12

Ne totofo kasama mendeni mendeni budo, anakora evetu genembo mendeni da ijuga kakato ava edo iraetevu. Avata ne jo inono ae ireva. Ava sedo, mave sekago yama, God da Geka mendeni anakora ningi kasama aeteva ava, dengoro indudururari ningaetevu. Ne kau sasingu ami mindiraera ainda kaugori. Kau sasingu seka fumbari, bayau fakara jo mindae eraera aminga ava, ne God da Geka raugako ava jo totoi kasama ae eraeva. Mave amingarira amo, nu sasingako irise, ari eveva a ari eko nu bunariri. Geka beká a geka sembae barago, nu bunariri.

Jude 1:17

Avata nanda dubo bari nano namendi, ijuga kakato sembae setena aindae, erá buneove! Aghi kakato namondeda Bajari Iesu Keriso gategusira aimi, rea nemokena anakora sisera ava kotovo dae sise resena.

Amboda Sirorarira 18:20

“Ne utuda ireva amo, dubo jama use ivuga areva! Ainda beká mo: Babylon bejetiri dadabetira! A God da natofo, Bajari da ambo jimbi a feroveta, nembarago ivuga areva! Ainda beká mo: Babylon embo nemokena mema futusera aindae sedo, God ne ategi use ijujetira. Ava sedo, ne ivuga areva!”

Amboda Sirorarira 21:14

Ghamana babaimi 12 ainda etoda ghamanai furu dighi vitero irei. Ghamana resena einda tamonda, Sifi da Mandi ainda ambo jimbi 12 nenda javo, ghamana ava inono gembero irei.