Efesas Embokena 1:4 - God da geka seka

^4-5 Ava mutari dae kotise, utu enda jo ae irise, nu giti namonde, nunda tofo aoro dae sedo gategusira. Nu namondeda ari ekoko Iesu da ororoimi seghe fugari, namonde Keriso de dabade tatedo, nunda natofo kakara a eveva edo irise, nunda dombuda fetoro dae sedo, namonde gategusira. Nu namonde dubo rurusira ava sedo, namonde nange nange Iesu Keriso da fakinaimi nunda sasingu aetera ava anakora kotise, nu sifo ghousa evia irise, uju edo ghusira.

Korafe-Yegha

^4-5 Ava mutari dae kotise, utu enda jo ae irise, nu giti namonde, nunda tofo aoro dae sedo gategusira. Nu namondeda ari ekoko Iesu da ororoimi seghe fugari, namonde Keriso de dabade tatedo, nunda natofo kakara a eveva edo irise, nunda dombuda fetoro dae sedo, namonde gategusira. Nu namonde dubo rurusira ava sedo, namonde nange nange Iesu Keriso da fakinaimi nunda sasingu aetera ava anakora kotise, nu sifo ghousa evia irise, uju edo ghusira.

Efesas Embokena 1:4 ပူးပေါင်းရင်းမြစ်များ

Matthew 24:22

Avata jo ghousa irae arira. God setiri fetirira amo, eviri. Dara furarira amo, jo ghousa irae arira. Ghousago iraetira amo, evetu genembo isambu sirivo aeteri. Avata God nunda natofo gategusira, nendae kotise sari, dara furarira amo, jo ghousago irae arira.

Matthew 24:24

Ainda beká mo: gegenembo mendeni eredo, foa gungubo sise, ‘Genembo eni God mutari sisira amo, namori,’ sarera. Nemo feroveta gungubo kakatode dabade foama, God da natofokena dederururoro, ‘bekáva’ sise, nemoá tumondaeteri. Aminguse, ne tano a ari mendeni mendeni ururoro evetu genembo ne jo gae iriara ava, nenda gitida sirorari garera.

Matthew 24:31

Gosururoro, tavuya fusari, Evetu Genembo da Koro+ nunda aneya dirigari endada vose foa, iji vitarikena a vosarikena, kotugo foriforimanakena a yavatakena, aminda yama, nunda natofo gategusira ava unumbe budo yarera,” Iesu aminge sisira.

Matthew 25:34

Amingedo, kini, evetu genembo ungo gimandukena fetarera aikena sarira, ‘Fuvu, God Afa utu a enda use, vasa eveva nendae sise esimbugusira, aminda yaovo, ne esimbugedo kaifa ari dae resira. Fuvu, ya aminda terove!

John 10:16

Nanda sifi mendeni, karo setena ainda jokáda irera. Kotugo, mendeni mo, karo eninda irera. Kotugo, mendeni karo eninda irera amo, ne foa dabade tataeteri. Ava sedo, na ya sifi (sheep) karo eninda irera ava bu furono, mendeni karo einda jokáda irera ainde dabade tatedo, nanda beka nininguroro, nane tavo ururono irarera.

John 15:16

Nene na jo gategae usevu. Nane, ne gateguseni. Ari eveva a ari beká evovodae irari ava aovo dae sedo, nane ne gateguseni. Aindae sedo, nanda javoda rejodae benunu sareva amo, God Afa mutari bareva.

John 17:24

“Afa, ni evetu genembo namokena futusesa aindae resena. Na uju erena amo, na vasa reda irarena, vasa daba aminda, ne namonde dabade iraeteri. Irise, ne nanda duro a usasa ava gosuse iroro dae, uju erena. Duro a usasa amo, ni enda jo ae irise ainda gitida, na dubo ruruse namokena futusesa, ava gosuse iroro dae uju erena.

Ekaresia 13:48

Israel embo da gitofu ava ningido ivuga use, Bajari da Bino ava ningido sakai siseri. Avori, God evetu genembo mendeni, jebuga evovodae irari baoro dae sedo, anakora gategusira ava, ne tumonduseri.

Ekaresia 15:18

Geka evia kotise anakora sisena ava, oroko isagha resenere,” ’ aminge gefuseri,”

Rome Embokena 8:33

God nu tofo mandi namondedae ‘eveva’ sisira. Ava sedo, namonde kasama erera: mave eniimi jo foa sekago namondedae ‘eko’ sari da kaugo iraeri.

1 Corinth Embokena 1:8

A kotugo, erá ne ari ekoko eóvo dae sise, nune kaifa arira. Ne kaifa use sonembururari, nunda sifo amboda foa buvarira aminda, ne fete simbugareva.

Galesia Embokena 5:13

Avori, nanda nano namendi, God nendae sedo uju erira: ne numokena ya buvari dae areva amo, jo Agho Dari da emboroda+ yae areva. Amo, ne jo Agho Dari da sabua+ edo irae areva. Ne jo aindae sedo, aghi aeri. Ágido, ne nune vujegetiri ireva. Avata kotugo, nu jo nenda fisi da uju ava aovo dae sedo amingaeri. Nu amingusira da susu mo: tofo tofo dubo ruruse, nenda kokomanakena sabua+ aovo dae sedo, nu amingusira.

Galesia Embokena 5:22

Avata Asisi Kakara evetu genembo da dubo jokáda saramana ururarira amo, beká evavaga sirorarira. Amo, nunda fakinaimi dubo bari, ivuga, a dubo jama ava sirorarira. Asisi Kakara aimi sonembururari, nunda geka ningido, mema itatamuse jo bibita ae arera. Ne taká durumuguse irarera. Ne kavevera arera, ari eveva use irarera, a nenda kokomana jo ighagha edo doyae arera.

Galesia Embokena 5:6

Ai resira amo: namonde Iesu Keriso de dabade tatedo, nunda natofo arera amo, vika ainda mendo anoso gafugedo Jusi embo da kaugo edo irarera, o jo amingae arera aindae, God jo kotae arira. Nunda uju mo: namonde Keriso tumonduse, tofo tofo dubo ruruse iraeteri.

Efesas Embokena 2:10

God setiri namonde siroruseri. A kotugo, jebuga irise ari eveva aoro dae sedo, nune setiri namonde Iesu Keriso de dabade ambarida ghe jebuge eroruseri. Ari eveva resena evia, namonde aoro dae sedo, nu anakora ainda emboro simbugusira.

Efesas Embokena 3:17

Kotugo na benunu seraena amo, ne nange tumondururovo, Keriso nenda janje joká ava, nunda vasadae budo aminda irari, ne fakina numokena budo, nunda dubo bari jokáda irivu! A eni mo, na eminge benunu seraena: nenda janje jokáda, God dubo bu gogoghombuse dubo kotedo, Keriso da dubo bari namondekena kau nangego ava itatamaove! Nunda dubo bari ainda teria, ainda ghousa, beragha, kafuru kau nangego ava, kasama e tefo aove!

Efesas Embokena 4:2

Erama totofo sakai seove! Erama nenda kokomanadae dubo ekoko eove! Minonde minonde dubo ruruse, durumugedo tofo tofo sonembuse irivu!

Efesas Embokena 5:2

Namane Jusi embo, giti joba mutari dae sedo, sino fuka dedo dungeoro avise muno ferugheari fumbudo, God namanenda ari ekoko kote dodo ghusira. Keriso namonde dubo ruruse, sino fuka ari ekokodae bu de joba dungedo ghusera ainda vasa ava nune budo, namondedae sedo ambududurusira. Kau Keriso usira aminga ava use, namonde endada jebuga irise, evetu genembo dubo ruruse irarera.

Filipai Embokena 2:15

Aminguse, ne God da natofo eveva a kakara edo irise, ari eveva vanembo ururovo, ari ekoko embo a kotari sembae embo fuge nemo gosuse, ari eko eni jo tambae arera. Ne enda eminda God da Geka bu jighirise, kau damana tumbaghae jaragheraira aminga ava, God da jebuga a usasa soro ururovo, evetu genembo setena amo, ne jebuga evovodae irari da emboro ava garera. Aminguse irareva amo, Keriso da Sifo aminda, na ivuga arena. Ainda beká mo: ne amingururovo, na saoro ningido kasama arena, na ena nenda jokáda janjagu edo ghusena amo, nanda fakina jo soesa fugae edo ghuseni. Nanda saramana da beká siroreari gosuse, aindae edo ghuseni.

Kolosi Embokena 1:22

Avata oroko, nunda natofo eveva a kakarago edo irovo dae, a kotugo nemoá aghi ari numokena ya nunda dombuda fetovo dae sedo, nunda Mandi dirigetiri fira, genembo beká edo ambududurusira. Aimi nune emboro afigedo mainungiri, ne oroko nunda kokomana edo ireva.

Kolosi Embokena 2:2

Na amingeraena da beká mo, eviri: ne tofo tofo dubo ruruse, dubo dabako edo tumo fainghaovo dae sedo eraena. A ne Keriso kasama e gogoghombedo, nu tumonde gogoghombaovo dae sedo amingeraena. Ne aminguse, emo kasama areva: God nu geka jungutusira, gembena amo, Keriso ava jungutusira.

Kolosi Embokena 3:12

Ne isambu God da natofori. Ne, nune dubo ruruse gategedo, nunda tofodae rurusira. Ava sedo, joka ari, kavevera ari, tumo darido irari, robogho ai irari, a durumugari, ava use irareva!

1 Tesalonaika Embokena 3:12

Kau namane ne dubo buraera aminga ava, Bajari ne sonembururari, tofo tofo dubo baovo dae a evetu genembo isambu dubo baovo dae resera.

1 Tesalonaika Embokena 4:7

Ainda beká mo: God namonde jo, kombo yagera aoro dae sedo o namondeda nano namendi deroro dae sedo, aghi aeri. Ari eveva use iroro dae sedo, namonde aghi usira.

2 Timothy 1:9

Jebuga budo nunda natofo aoro dae sedo, nu namonde sonembuse aghi usira. Nu amingusira amo, jo namondeda ari eveva edo ghusera aindae, jo aeri. Ainda beká mo: namondekena ari eveva eni tefori. Nu taká uju etiri, namonde sonembari dae sise amingusira. Iesu Keriso amboda rea aetira ava kotise, nu enda jo ae irise, anakora beká namonde sonembari dae sedo, emboro+ esimbugusira.

2 Timothy 2:10

Ava sedo, God evetu genembo gategusira aimi, nange Iesu Keriso de dabade tatedo, nunda jebuga a usasa baetera ava kotise, na memaé itatamuse durumugedo, ata fete simbugerena. Nunda jebuga a usasa resena emo, evovodae irarira.

2 Timothy 2:19

Avata namonde jo oju ae arera. Ainda beká mo: Geka beká Bajari anakora sisira, kau nunda kambo da tutumbi dariri fefetusira amo, jo durege bari da kaugo iraeri. A tutumbi resena einda tamonda, geka evia gembero irira: “Evetu genembo mave Bajari da tofo edo irera ava, nune kasama erira.” A eni mo eviri: “Mave Bajari da javono gatari sarira amo, nu giti dubo jovereghedo nunda ari ekoko doyarira.” Ava kotise, gegenembo etoto naká gungubo seraera aindae, namonde jo oju ae arera.

James 2:5

Nanda nano namendi, na, ne dubo buraena. Nanda geka evia ningaetevu! Ne kasama ereva: God sisira, “Mave na dubo barira amo, nu nanda mandi ari, undururono nunda tumondari teria ari, nanda vasada gugua irira ava barira,” aminge sisira. Kotugo nune seari, makasi embo mokogo nunda natofo edo irá gheraera.

1 Peter 1:2

God Afa nunda uju ava use, ne gategusira. Etiri, God da Asisi Kakara aimi setiri, ne God da natofo kakarago edo ireva. Amingusira da beká mo: ne Iesu Keriso da geka ava niningururovo, nunda ororoimi nenda ari ekoko seghe fugutururari irovo dae sedo, amingusira. Sonemba a dubo jama, ya nenda dubo jokáda vose bedo edo fumbu fetare!

1 Peter 1:20

God nu enda jo ari sirorae iriri, giti mo, Kerisoá gategusira. Avata Keriso nu sife nembo, nendae sedo fira isagha usira. Etiri gido, nunda Bino sero nininguse kasama usevu.

1 Peter 2:9

Avata kotugo, God ne gategetiri nunda natofo edo ireva. Ne kau Kini (King) da fristi+ avavaga ava use, nunda natofo kakarago ava edo ireva. Nunda saramana, nunda ari, a nunda tano evevago aindae osa saovo dae sedo, God ne gategetiri nunda natofo edo ireva. Ne giti tumba jokáda iriava ava, aghi etiri ne tumbada ghe buvudo, nunda usasa numo beká aminda ireva.

2 Peter 3:14

Ava sedo, nanda kokomana, ne edo gido, God de dabade dubo dabako edo irise, ari eveva avanembo use dara dariguse irareva.

1 John 4:16

Namonde God de dabade tatedo irera ava sedo, God namonde nange dubo buraira, ava kasama use tumonderaera. God nu dubo bari da susuri, aminge seteni. Ava sedo, mave dubo ruruse irarira amo, nu God ghae tatedo irari, God nunda dubo jokáda irarira.

Amboda Sirorarira 13:8

Sifo aminda, evetu genembo endada irarera aimi, mokogo sino fuka ava tumonde bainghedo gharera. O evetu genembo mendeni, jo sino fukaá tumonde bainghae arera. God nu enda jo sari sirorae iriri, evetu genembo resena einda javo ava, Sifi da Mandi setena, ainda buku jokáda gefusira. Buku resena emo, Jebuga Evovodae Irari da Bukuri. Evetu genembo emo, ne kikiako God tumonduse, sino fukaá jo tumonde bainghae arera.

Amboda Sirorarira 17:8

Sino fuka gesa amo, giti ireira ava ambiri, God setiri nu bako tomanako aminda vovosusira. Oroko eminda, nu tefori. Avata nu sekago bako tomanako aminda ghe javi edo, foa buvari dae erira. Buvudo, nu yari daoro dadabarira. Avori, evetu genembo mendeni, ne sino fuka ava gido dudukugharera. Evetu genembo resena emo, God giti enda jo ae irise, nenda javo jo Jebuga Evovodae Irari da Buku aminda gembaeri. Evetu genembo amo, ne sino fuka ava gido dudukugharera. Ainda beká mo: nu ireira edo ambududurusira, avata sekago furarira, aindae ne dudukugharera.