Amboda Sirorarira 7:3 - God da geka seka

³ “Enda, eva, a ikamanekena, mema erá muteove! Namane giti God da saramana kakato da dombuda, faiya gefuse God da tano fitoro dadabari gido, amboda ne mema mutareva.

Korafe-Yegha

³ “Enda, eva, a ikamanekena, mema erá muteove! Namane giti God da saramana kakato da dombuda, faiya gefuse God da tano fitoro dadabari gido, amboda ne mema mutareva.”

Amboda Sirorarira 7:3 ပူးပေါင်းရင်းမြစ်များ

Matthew 24:22

Avata jo ghousa irae arira. God setiri fetirira amo, eviri. Dara furarira amo, jo ghousa irae arira. Ghousago iraetira amo, evetu genembo isambu sirivo aeteri. Avata God nunda natofo gategusira, nendae kotise sari, dara furarira amo, jo ghousago irae arira.

Matthew 24:31

Gosururoro, tavuya fusari, Evetu Genembo da Koro+ nunda aneya dirigari endada vose foa, iji vitarikena a vosarikena, kotugo foriforimanakena a yavatakena, aminda yama, nunda natofo gategusira ava unumbe budo yarera,” Iesu aminge sisira.

John 12:26

Na reda irarena amo, nanda saramana kakato vasa daba aminda irarera. Ava sedo, mave na sonembari sarira amo, nu nanda amboda amboda arira. A kotugo mave, na sonembarira amo, God Afa nu, genembo ainda javo jighari erarira.”

John 3:33

O genembo mave nunda geka ningi tumondarira amo, nu tumonduse kasama arira: God da Geka mo, geka bekári.

Rome Embokena 6:22

Avata oroko, Ari Eko da fakina nemokena dadabetiri, ne God da tofo edo ireva. Amingedo irise, ari eveva ava use, God da natofo kakarago ava edo iria, sifo gombuda jebuga evovodae irari ava tuve bareva.

Amboda Sirorarira 13:16

Eni mo: sino fuka amboda endada ghe vivitusira aimi setiri, evetu genembo isasambu nunda tano ava ruruseri. Evetu genembo susu iti fafode a makasi embo, kokotofu a sabua, ne isasambu tano ava ruruseri. Tano resena emo, faiyaimi evetu genembo da dombuda o ungoda gembarera.

Amboda Sirorarira 13:17

Mave tanoá jo bae arira amo, nu bisnis (business) jo ae arira, roera eni jo ombae arira a jo oriro ae arira. Tano amo: sino fuka ainda javo a ainda tegari da tanori.

Amboda Sirorarira 14:1

Ainda amboda, Sifi da Mandi amo, doriri Saion+ aminda evetu genembo mendeni ainde dabade fetiriri gosuseni. (Sifi da Mandi mo, na Iesu dae resena.) Evetu genembo digari, 144,000 ava gosuseni. Nenda dombuda, Sifi da Mandi da javo a nunda Numamo da javo gembero iriri gosuseni.

Amboda Sirorarira 14:9

Aneya etoto naká geka aminge setero dadabetiri, ainda amboda, aneya eni fira buvudo, beka teria eminge sisira, “Mave nu sino fuka a kotugo sino fuka da ove tumonde bainghuse, ‘avori’ sedo, sino fuka da tano nunda ungoda o dombuda barira amo,

Amboda Sirorarira 19:2

Nu sifo ghousa, evetu genembo nenda ari ekoko eraera, aindae ategi use, mino inononda eraira. Nu aindae sedo, evetu saghere kato, o reighi Babylon seraera, nunda ari ekokodae ategi edo de bejetira. God nu amingetira da beká mo: reighi Babylon aimi nunda saramana kakato detiri sirivo useri.”

Amboda Sirorarira 20:4

Ainda amboda, evetu genembo mendeni kini (king) da avo anumba mendeninda anumbirero gosuseni. Evetu genembo resena eikena, evetu genembo ijujari da fakina ava futuseri. A roera eni gosusena amo, evetu genembo mendeni da asisi ava gosuseni. Evetu genembo resena emo, ne God da Geka a Geka Beká Iesu ijugusira ava, vironu sedo ghusera aindae, evetu genembo mendeniimi ne doruse, duboda gafetero sirivo useri. Ne sino fuka a nunda ove kevusera ava jo tumonde bainghaeri, a sino fuka da tano faiyaimi dombuda o jiroda gefusera ava, ne jo baeri. Avori, ne jebuge eredo, kokotofu edo Keriso de dabade, ghaeko 1,000 setena amo, nene enda evia kaifa edo gharera.

Amboda Sirorarira 22:4

Ne God da dombu ava, nene gosuse irarera, a nunda javo nenda dombuda gembari irarira.

Amboda Sirorarira 6:6

Goseno, serubim avononde ainda jokáda, beka eminge siri nininguseni, “Raisi (rice) doghari dabako, ainda mino+ viti K10.00 arira. O ambe doghari kitako, ainda mino+ viti K10.00 arira. Avata usu da muka ainda mino, a vaini (wine) da mino jo vitae arira,” aminge sisira.

Amboda Sirorarira 7:1

Ainda amboda, na aneya avononde gosuseni. Ne iji vitarikena, iji vosarikena, foriforimanakena, a yavatakena aminda fetedo, yaura da toka ava gajetero, ika isambu, enda a eva isambu, yaura jo bae ero gosuseni.

Amboda Sirorarira 7:2

God nu anakora aneya avononde aikena, enda a evakena mema mutari da fakina ava futusira. Ainda amboda, aneya eni mo, iji vitarikena ghe fira buvurutiri gosuseni. Buvudo, aneya avononde aikena sisira,

Amboda Sirorarira 9:4

Kikisa, eke, bayau, vive, a ika ainda igi, erá dereore dae siseri. A evetu genembo maveda dombuda faiyaimi gembudo God da tano fifitusera, nemokena mema erá muteore dae siseri. O evetu genembo mendenikena, God nunda tano jo mutae usira, nemokena sisi aimi mema mutore dae siseri.