Amboda Sirorarira 13:4 - God da geka seka

⁴ A kotugo, evetu genembo isambu, nombura ava tumonde bainghedo ghuseri. Ainda susu mo: nunda fakina sino fuka aikena futusira. Sino fuka ábarago tumonde bainghedo ghuseri. Aminguse, siseri, “Mave jo sino fuka einda inono ae arira. Mave enii nu jo gisae arira,” aminge sedo ghuseri.

Korafe-Yegha

⁴ A kotugo, evetu genembo isambu, nombura ava tumonde bainghedo ghuseri. Ainda susu mo: nunda fakina sino fuka aikena futusira. Sino fuka ábarago tumonde bainghedo ghuseri. Aminguse, siseri, “Mave jo sino fuka einda inono ae arira. Mave enii nu jo gisae arira,” aminge sedo ghuseri.

Amboda Sirorarira 13:4 ပူးပေါင်းရင်းမြစ်များ

2 Corinth Embokena 4:4

Ne jo tumondae eraera da beká mo eviri. Satan, nu enda da gode ava edo irira. Evetu genembo tumondari iraede amo, erá usasa geore dae sise, nenda kotari isambu tumba da roeraimi gajetiri irera. Usasa amo, Bino Eveva da usasari. Ava sedo, erá Bino Eveva ningido, Keriso da duro ava geore dae sedo, Satan nu amingusira. Keriso resena emo, God ghae kau dabakori.

2 Tesalonaika Embokena 2:4

Ove a gode mendeni mendeni evetu genembo tumonde baingheraera ava imboe use, Ari Eko da Giti Jighari resena emo, nenda vasa bari dae sedo, isoro arira. Amo ari ekori. Kotugo ainda amboda, nu God da vasa budo, evetu genembo numoá tumonde bainghaoro dae sedo, God da Tafaroro Kamboda+ teredo anumbarira. Amo ari eko bekári.

Amboda Sirorarira 12:3

Amingiri, roera eni na jo gae iriana amo, kau nombura avavagai, utuda isagha etiri gosuseni. Nombura resena emo, tamo kokoigo a teria bekári. Nunda jiro isambu 7, a nunda kore isambu ghabu sovenisoveniri. Nunda jiro isambu aminda, nu koana kau kotofu da kekesa avavaga asugetiri gosuseni.

Amboda Sirorarira 12:4

Nombura amo, utu da damana diti etodaba ava gategetero fetetiri, nu diti eni ava nunda jimbiimi asuge fugetiri endada vovosusira. Amingedo, nu endada vose fira, evetu ainda dombuda fefetusira. Fetedo, mandi fumbarira ava mindari dae sedo, kato usira.

Amboda Sirorarira 13:11

Avori, ainda amboda, sino fuka eni, endada ghe vivitiri gosuseni. Nunda kore etoto nakári. Ainda gari kau mo, sifi da mamandi da koregori. Nunda beka sisira da duka mo, kau nombura beka seari ningido ghusena, daba avori.

Amboda Sirorarira 13:15

Etero dadabetiri, God jo buregae iriri, sino fuka endada ghe vivitusira aimi, ghamo aseguse yaura fusise jebuga mutiri, ove amo javi javi use, jebuga irari da kaugo usira. Ava edo, ove aimi beka sise, evetu genembo mendeni detiri sirivo useri. Mave oveá jo tumonde bainghae usera amo, ove aimi eredo detiri sirivo useri.

Amboda Sirorarira 13:2

Sino fuka resena emo, nunda gari kau mo, fusi (cat) tomanako eni refadi (leopard) seraera, ainda kaugori. Nunda ata mo, kau sino fuka eni bea (bear) seraera, ainda atagori. Nunda beka mo, kau raiyoni (lion) da bekagori. Avori, nombura aimi eredo, nunda fakina, nunda kini (king) da avo anumba, a nunda kotofu da tano sino fuka aikena mutiri rurusira.

Amboda Sirorarira 17:14

Nene eredo, Sifi da Mandi aikena isoro arera. Ne isoro arera, avata Sifi da Mandi aimi eredo, ne de atai duboda fati fetarira. Nunda natofo ainde dabade eredo, kini ghabu sovenisoveni ava de atai duboda fati fetarera. Natofo resena emo, nune gategedo kori setiri, nunda natofo edo, nunda geka nininguse irera. Avori, nu kini ghabu sovenisoveni ava de atai duboda fati fetarira da tuka mo: babojegari isambu ainda Bajari, a kini isambu ainda Kini numori,” aminge sisira.

Amboda Sirorarira 18:18

ne soka fetedo, reighi Babylon da imbosi vivitururari gido, sorara use sarera, “Giti endada, reighi eni jo ovavaga iraeri. Ava nange dadabeti!”

Amboda Sirorarira 9:20

Avori, isoro kakato aimi eredo, evetu genembo diti dabako setena ava, nene detero sirivo useri. Natofo diti etoto naká dubo mema a ambari darigusera amo, ne jo dubo jovereghaeri. Nenda roera totofo etero sirorusira, a nenda ove totofo kevusera amo, jo itako doyaeri. Amo, ne sukaru a nenda ove kevari ava tumonde bainghedo ghuse iriara ava, jo itako doyaeri. Ove resena emo, ne auri, ghamana, a ika aimi keve simbuguseri. Ava sedo, aikena jebuga eni tefori. Ne ditiimi jo gae eraera, dengoroimi jo ningae eraera, a ataimi jo ya foa ghae eraera. Avata evetu genembo amo, nenda ove da dombuda tumonde bainghuse iriari. Aminguse irero, nenda kokomana sirivo etero gosusera avata, nenda ari sembae jo itako doyaeri.