3 John 1:11 - God da geka seka

¹¹ Avori, nanda namendi, ni emingaetesi! Erá ijugaboro eko ainda amboda amboda eose! Ni ijugaboro eveva ainda amboda amboda udo yaetesi. Mave veka eveva use irarira amo, nu God da tofori. O mave veka sembae use irarira amo, nu God jo kasama ae irira.

Korafe-Yegha

¹¹ Avori, nanda namendi, ni emingaetesi! Erá ijugaboro eko ainda amboda amboda eose! Ni ijugaboro eveva ainda amboda amboda udo yaetesi. Mave veka eveva use irarira amo, nu God da tofori. O mave veka sembae use irarira amo, nu God jo kasama ae irira.

3 John 1:11 ပူးပေါင်းရင်းမြစ်များ

John 10:27

O nanda sifi mo, ne nanda geka ningiraera. A ne, na kasama eraena. A kotugo, ne nanda amboda amboda foa gheraera.

John 12:26

Na reda irarena amo, nanda saramana kakato vasa daba aminda irarera. Ava sedo, mave na sonembari sarira amo, nu nanda amboda amboda arira. A kotugo mave, na sonembarira amo, God Afa nu, genembo ainda javo jighari erarira.”

John 3:20

Evetu genembo mave ari ekoko eraera amo, ne usasa imboe eraera. Aindae sedo, erama usasaimi janimbeuri, nenda ari ekoko ava geore dae sise, ne jo usasakena yae eraera.

1 Corinth Embokena 11:1

Na Keriso da amboda amboda use, nunda ari ava use irena. Ne, nane use irena, kau daba aminga ava, aovo dae sise resena.

1 Corinth Embokena 4:16

Aindae sedo, na nemokena benunu resena: nane eraena, kau daba ava evu!

Efesas Embokena 5:1

God ne dubo buraira. Ne nunda sasinguri. Ava sedo ne, God eraira avavaga use irivu!

Filipai Embokena 3:17

Nanda nano namendi, nane rea eraena, ava use irivu! Namane natofo mendeninde ari eveva eoro gido ghusevu. Ava sedo, mave amingeraera, ainda amboda amboda evu!

1 Tesalonaika Embokena 1:6

O nemo, namanenda amboda amboda, a Bajari da amboda amboda use iriavu. Ne aindae sedo, dara a mema mindafugo ava itatamusevu. Avata kotugo, Asisi Kakara ivuga muturaira ava budo, ainghae dabade ne namanenda geka ningido tumondusevu.

1 Tesalonaika Embokena 2:14

Namanenda nano namendi, Frovensi Judia aminda, rea God da ekaresia+ jokáda a Iesu Keriso da natofokena sirorusira amo, kau daba aminga ava nemokena sirorusira. Frovensi Judia aminda, Jusi emboimi ekaresia+ da natofokena bouvu futuse, fakarago useri. Kau daba aminga ava, nenda natofo mendeni reighi Tesalonaika aminda ai eredo, nemokena bouvu futuse, fakarago etero mema itatamusevu.

2 Timothy 3:10

Na nange edo ghusena ava, ni gido ghusesi. Nanda ijuga, nanda irari, a na redae saramana eraena ava, ni kasama usesi. Na nange nange durumugedo, itatamuse tumondedo ghusena, ava ni kasama usesi. Nanda dubo bari kau mavega, ábarago ni kasama eresa. Kau daba aminga ava, gitofu nange namokena bouvu futuse, fakarago urureoro mema itatamuse, na jo oju use gofae edo ghusena, ava ni kasama eresa. Reighi Antiok, Aikoniam, a Listra aminda, nanda gitofu nange urureoro itatamedo ghusena ava, ni kasama eresa. Dara, mema, a bouvu ava itatamedo ghuseni. Avata kotugo, Bajari na sonembeari jebugedo ghuseni.

Hebrew Embokena 6:12

Erama guka dagaya eove dae sise resena! Kau evetu genembo mendeni durumugedo, gigituse tumonde gogoghomberaera, aminga ava areva amo, God nendae beka gagojuse, rea mutari sisira ava bareva.

1 Peter 3:11

Genembo amo, nu ari eko da emboro darigedo, ari eveva avanembo udo yarira. Nu mainungari ava torughari dae sedo, ainda amboda amboda udo yarira.

1 Peter 3:13

Avori, ne ari eveva ari dae sedo e gosuse irareva amo, mave nemokena ari eko eni jo ae arira tanojo.

1 John 2:29

Keriso nu eveva vanembori. Ava sedo, evia kasama evu! Evetu genembo mave ari eveva avanembo use irera, nembarago God da sasinguri.

1 John 3:10

God da sasingu mavejori, kotugo Satan da sasingu mavejori, ava nange kasama areri? Amo kau evavagori! Evetu genembo mave ari ekoko use irarera, o nenda nano namendi imboe use irarera amo, ne jo God da sasingu iraeri.

1 John 4:1

Nanda nano namendi, evetu genembo digari eminge seraera, “Namane God da Asisi budo irera.” Mendeni mo, ne geka beká seraera. A mendeni mo, gungubo seraera. Ava itatame gaovo dae resena. Ne, God da Asisiimi sonemburureari geka seraera, ai, sukarui sonemburureari geka seraera? Kote givu! Ainda beká mo: feroveta derari kakato digari mo, Satan da uju ava sari dae sedo, yama reighi mendeni mendeni aminda, geka vironu seraera.