2 Timothy 2:25 - God da geka seka

^25-26 Evetu genembo ni buregeraera aikena, robogho ai sise, dombuda saresa. Ni eregosesa: Satan nunda uju ava aoro dae sise, ne bundetiri irera. Avata ni geka robogho ai sise, dombuda saresa amo, avose resena, God nemokena goroto afigari, dubo jovereghedo geka beká ava kasama edo, Satan da vaghoda ghe foa buvudo jebugarera tano.

Korafe-Yegha

^25-26 Evetu genembo ni buregeraera aikena, robogho ai sise, dombuda saresa. Ni eregosesa: Satan nunda uju ava aoro dae sise, ne bundetiri irera. Avata ni geka robogho ai sise, dombuda saresa amo, avose resena, God nemokena goroto afigari, dubo jovereghedo geka beká ava kasama edo, Satan da vaghoda ghe foa buvudo jebugarera tano.

2 Timothy 2:25 ပူးပေါင်းရင်းမြစ်များ

Matthew 11:29

Nanda ango sagada evia budo fufurovo, na ijugaono kasama areva. Na sabua+ da ari ava use, veka eveva edo durumuguse ijugururono, nenda asisi jokáda aimi, dubo jama torughuse jangutareva.

Matthew 21:32

Ainda beká mo: John Bafataito Ari Kato fira, nemokena emboro eveva ijugusira amo, ne nu jo tumondae usevu. Avata takesi bari kakato a evevetu saghere kakato, ne John da geka ava tumonduseri. Tumondusera ava gido, nembarago tumondaetevu. Avata ne jo tumondae usevu,” Iesu aminge sisira.

Mark 1:15

Vironu eminge sedo ghusira, “God sifo fifitusira ava ojira buvira! God evetu genembo kaifa ari da sifo utua etira. Nenda ari ekoko vujege dodo, God da Bino Eveva ava tumondevu!” aminge sedo ghusira.

John 5:34

Amo, John nanda geka sonembusira. Avata amingusira amo, jo nune nanda geka sonembari inono ari da kaugo iraeri. Na John dae resena da susu mo: na uju erena, ne John da geka ningido, na tumondedo jebugareva.

Ekaresia 11:18

Aminge setiri ningido, evetu genembo Jerusalem aminda totorugedo ghoghora sisera amo, ne ghoghora dodo, God dae sakai sise, eminge siseri, “Namonde Jusi embo da gitofu nange jebugaetera aindae, God emboro rerebusira. Kau namonde avavaga, ne God tumonduse nenda ari ekoko vujegarera amo, ne jebugedo evovodae irarera,” aminge siseri.

Ekaresia 2:38

Aminge setero Peter sisira, “God nemo sonembari dae sedo, beka gagojusira. Avata jo nesuka nemova nembo sonembae arira. Nenda imemesiri a oro mendeni mendeni ava, God aghi edo sonembarira. Ava sedo, ne isasambu nenda ari ekoko dodo, furovo namane ne Iesu da javoda bafataito arera. Amingareva amo, God nenda ari ekoko kote dodo, Asisi Kakara mutari vose nemokena asugarira”

Ekaresia 5:21

ne aneya da geka ningido, sifoghae beká era, God da Kambo+ jokáda tere fetedo ijuguseri. Amingero, fristi+ da giti jighari, nunda kokomanade dabade, aghi etero Jusi embo da babojegari isambu fera dabade anumbuseri. Fera anumbedo, Iesu da ambo jimbi unumbe bu furoro dae sedo, aghi mutero jovereghedo dibura kamboda iseri.

Ekaresia 5:31

Etiri, God nu Iesu budo, evetu genembo kaifa use jebuga mutare dae sedo, nunda ungo gimandukena fifitusira. Aminguse, God nenda ari ekoko vujegaoro kote doyare dae sedo, Israel embodae emboro afigusira.

Ekaresia 8:22

Ninda ari eko ava vujege dodo, ni Bajarikena benunu saso ninda ari eko kote doyare!

Galesia Embokena 6:1

Nanda nano namendi, nenda namendi eni ari eko rejo ururari gido kasama areva amo, ne emingareva. Nenda mendeni mave, God da Asisii sirureari ningido, nunda amboda amboda eraeva aimi eredo, nenda namendikena emboro eveva ijugururovo gare! Geka roboghoi sise, emboro ijugareva. Ainda susu mo: ne ya dara kau daba ábarago ari da kaugori. Ava sedo, erá ne gofeóvo dae sise, totofo kaifa e gogoghombevu!

1 Timothy 2:4

God nunda uju mo, evetu genembo isasambu geka beká da susu ava kasama edo, jebuga evovodae irari ava tuve baeteri.

1 Timothy 6:11

Ni God da genembori. Ava sedo, ari setena amo darigaresa! Aminguse, ni God tumonde gogoghombuse, ari eveva a nunda uju ava use, evetu genembo isambu dubo budo ghe! Evetu genembo dubo ruruse, durumuge fete simbuge!

2 Timothy 3:7

Evevetu amo ne deinghuse, geka beká ava bari dae tava eraera, avata jo tambae eraera.

Titus 1:1

Arie, nanda mandi! Na Paul ri. God da saramana kato a Iesu Keriso da aghi kato edo irena. God nunda natofo gategusira ava, sonembururono tumonde gogoghombaoro dae, a ijugururono namondeda tumondari da susu a geka beká ava kasama aoro dae sedo, God na gategusira.

Titus 3:2

Ne jo mavedae aji sae arera. Ne edo gido, beisiga jo totoi ae arera, kokomana da uju ava use, evetu genembo isambu da dombuda durumugedo irarera.

James 1:17

Roera evevago a joba isambu, God nune muteari utuda ghedo foa gheraira. Kotugo, usasa isambu utuda irira ava, nune etiri sirorusira. Numo usasa da numamori. Numokena tumba eni tefori. Kotugo, nu evovodae jaraghuse irá gheraira amo, jo tumbai nunda usasa gajari da kaugo iraeri.

1 Peter 3:15

Ne emingaetevu! Keriso nenda Bajariri, ava sedo, nusuka numoá budo, nenda dubo jokáda fitido kakara use irareva! A ne God tumonduse, rea nemokena mutari baeteva, ava gigiteraeva. Gigiteraeva aindae, evetu genembo ategi arera amo, ne sifo ghousa evia ainda mino sari dae, anakora simbugedo kaifa use iraetevu.

1 John 5:16

Namonde ari ekoko mendeni mendeni use, jo ambae arera. Ninda namendi eni ari eko eni ururari garesa amo, ninda namendidae sise, God kena banungaso ningido, nunda jebuga ninda namendikena mutarira. Avata ari eko eni irira, ava use irarera amo, namonde sifo gombuda ambari ava torugharera. Ninda namendi, ari eko resena evia ururari garesa amo, jo nundae banungaso dae sae arena.