2 Timothy 2:13 - God da geka seka

¹³ Avata kotugo, namondeda tumondari numokena tukugharira amo, nu namondekena jo amingae arira. Nunda tumondari namondekena jo nune ighagha ari da kaugo iraeri. Ainda beká mo: nunda tumondari namondekena ighagha aetira amo, inono, nu tofo ighagha ari da kaugo aetira. A nu jo tofo ighagha ae arira.”

Korafe-Yegha

¹³ Avata kotugo, namondeda tumondari numokena tukugharira amo, nu namondekena jo amingae arira. Nunda tumondari namondekena jo nune ighagha ari da kaugo iraeri. Ainda beká mo: nunda tumondari namondekena ighagha aetira amo, inono, nu tofo ighagha ari da kaugo aetira. A nu jo tofo ighagha ae arira.”

2 Timothy 2:13 ပူးပေါင်းရင်းမြစ်များ

Matthew 24:35

Utu a enda dadabarira avata, nanda geka jo dadabae arira, evovodae irarira.”

Rome Embokena 3:3

Geka bekári: Jusi embo mendeni God jo tumondae useri. Ne nundae sedo rea ari dae beka gagojusera ava, ne jo ae useri. Avata kote givu! God aindae sedo nunda beka gajari ighagha edo doyarira, ai?

Rome Embokena 9:6

Avori, Israel embo isambu, ne jo God da sasingu beká edo iraeri. Avata, God da beka gajari Abraham kena gofusira, ava na jo sae arena.

1 Corinth Embokena 1:9

Namondeda tumondari isambu God kena fitarera. Ainda beká mo: nu rea namondedae ari kotarira ava, nune arira. God ne budo, nunda Mandi namondeda Bajari Iesu Keriso de dabade tatedo, nemonde deinghaovo dae sedo, aghi usira. Ava sedo nunda ungo jo sokinembae arira, ne kaifa use irarira.

1 Tesalonaika Embokena 5:24

Bajari ne aghi eraira aimi, roera setena amo, nune ari sirorarira. Ainda beká mo: nu rea ari sarira, amo arira.

2 Tesalonaika Embokena 3:3

Avata Bajari nu inonori. Ne Bajari tumondururovo, nu sifo ghousa sonembururari irareva. Nune sonembururari ne fakina edo, Satan da fakina ava darigareva.

Titus 1:2

Namondeda tumondari da susu a geka beká resena amo, eviri. Namonde rea gigituse irera amo, eviri: namonde jebuga evovodae irari ava amboda tuve barera. God gungubo jo sae eraira aimi, anakora beká beka gagojuse, jebuga amo mutari dae sisira.

Hebrew Embokena 6:18

Ava sedo, God nu roera etoto naká usira. Amo, nu beka gagojusira, kotugo nu tofo kotua gatisira. Ava sedo, nu jo nunda beka gajari doyae arira. Ainda beká mo: God rea seraira amo, isambu beká vanembori, numokena gungubo tefori. Aindae sedo, namonde mave giti endada oju use, nunda sonemba bari dae sedo, isambu gaghe numokena isera amo, nunda beka gajari ava tumondarera. Nu rea mutari sisira, ava bari dae kotise, gigituse irarera.