2 Timothy 1:18 - God da geka seka

¹⁸ A eni mo: na reighi Efesas aminda nange sonembedo ghusira, ava ni kasama e gogoghomberesa. Aindae sedo, Sifo amboda furarira aminda, Bajari nundae joka are!

Korafe-Yegha

¹⁸ A eni mo: na reighi Efesas aminda nange sonembedo ghusira, ava ni kasama e gogoghomberesa. Aindae sedo, Sifo amboda furarira aminda, Bajari nundae joka are!

2 Timothy 1:18 ပူးပေါင်းရင်းမြစ်များ

Luke 1:72

Nune namondeda abuamanedae joka edo, nunda beka gajari kakara ava, kaifa ari sisira.

Luke 1:78

Namondeda God, namondedae joka edo tavo use unduraira. Sifo atedo iji viteari, tumba dadaberaira kau aminga ava, God da sonemba a God da usasa utuda ghe janimbeari, evetu genembo ambari dae oju eraera amo, usasa ava gido, dubo jama arera,” Zechariah aminge sisira.

Luke 8:3

Eni mo, Chuza noaro javo Joanna ri. Chuza resena emo, nu Kini (King) Herod da kambo ã gugua isambu ava kaifa edo ghusira. Evetu eninda javo mo Susanna ri. Evevetu eimi, evevetu mendeninde dabade, ne Iesu ã nunda ambo jimbide ava, sonembuse gugua ã bayau mutudo ghuseri.

Ekaresia 18:19

Era, reighi Efesas aminda buvudo, ne ghaka+ dodo vivituseri. Reighi Efesas aminda, Paul ira Jusi embo da dengoro indari kamboda+ teredo, Jusi embode dabade beisiga useri.

Ekaresia 18:21

Nu kamboá dotutuse sisira, “God nu uju arira amo, na jovereghe furarena,” aminge sedo, nu Aquila noaro Priscilla ghae reighi Efesas aminda dodo, ghakada+ vosedo isira.

Ekaresia 19:1

Apollos nu reighi Corinth aminda iriri, Paul nu Frovensi Frijia a Galesia aminda sembira, reighi Efesas aminda buvurutusira. Buvudo, nu Iesu da dorevare mendeni tambudo sisira, “Ne Iesu tumondevo, Asisi Kakara vosedo nemokena asugetiri dubo kotisevu, ai?” aminge setiri, ne siseri, “Asisi Kakara da Bino oroko ava seso, namanenda gitida niningerera.”

1 Corinth Embokena 1:8

A kotugo, erá ne ari ekoko eóvo dae sise, nune kaifa arira. Ne kaifa use sonembururari, nunda sifo amboda foa buvarira aminda, ne fete simbugareva.

1 Corinth Embokena 16:8

Nanda gitofu a Bajari da gitofu mendeni reighi Efesas eminda irera, avata Bajari nandae sedo saramana da emboro eveva eni ava afigetiri irira. Ava sedo, na ekaresia+ sonembari dae sedo, reighi Efesas eminda saramana ururono, Jarige Yari da Kirumo+ foa buvari gido, fura 7 ava kaifa use, Pentecost eminda edo yarena.

1 Corinth Embokena 3:13

Genembo nu kambo kau nangego itarira amo, Keriso da Sifo amboda furarira, aminda kasama arera. Avaraka sifo aminda sirorarira aimi, evetu genembo isasambu ainda saramana dere garira.

2 Corinth Embokena 9:1

Namonde, God da natofo Frovensi Judia aminda irera ava sonembari dae sedo, nange moni bu dabade fitaetera, ainda geka ne anakora kasama usevu. Ava sedo, jo sekago ghousa sae arena.

Efesas Embokena 2:4

Namondeda gogore eimi, namondeda jebuga God kena amo gajisira. Avata God da joka ari namondekena teria bekári, a nu namonde dubo bu gogogho eraira. God aindae sedo setiri, Keriso ambarida ghe jebugedo eroriri aimi, namonde dabade jebuguseri. God joka edo, tefo sonembetiri ne jebugusevu.

1 Tesalonaika Embokena 2:19

Eregoseva, nemo gari dae uju beká ava erera da beká mo, namanenda ivuga da susu nemori. Bajari Iesu jovereghe furari da Sifo aminda, namane susu redae ivuga areri? Kotugo ainda Sifo redae gigitareri? Tuka redae Sifo aminda namanenda javo jighoro erari? Amo, nendae sedo amingarera. Namane Sifo aminda ivuga ururoro duro arira, ainda susu mo: ne God da jebuga budo ireva. Namanenda ivuga a duro ari da susu mo, nemori!

1 Timothy 1:3

Na Frovensi Masedonia aminda ise, rea nimokena sisena, kau daba ava, sekago sari dae erena. reighi Efesas aminda irise kaifa aso dae resena! Evetu genembo mendeni ijuga sembae ava, vironu sise ijugeraera. Ava saso doyoro dae sedo, ni aminda iraso dae uju erena.

2 Timothy 1:12

Na amingeraena aindae sedo, na dibura eminda irise, bouvu a dara evia itatameraena. Avata na jo bunise, tumo darido iraeri. Na tumonduse irena. Ainda beká mo: na Iesu tuturoda tumondusena, kau daba ava, refuana orokoé, nu kasama e gogoghombedo tumonderena. Tumonduse na kasama erena: na rea nunda ungoda fifitusena ava, nune kaifa ururari, nunda Sifo sisira ava foa buvarira.

2 Timothy 1:16

O Onesiphorus mo, na sonembeari tamo fegheari, ivuga edo ghuseni. Ava sedo, na uju erena amo, numo, noaro, a nunda mandi sasingude ava, God nendae sedo joka are! Na diburada irena aindae, nu jo oju edo meka gae usira.

2 Timothy 1:17

Nu taká fira reighi Rome eminda buvudo, sifo daba aminda, tuturo edo kakova udo fira na tafusira.

2 Timothy 4:12

Tychicus na dirigeteno, reighi Efesas aminda isira.

2 Timothy 4:8

Ava sedo, na kasama erena: Bajari nanda mino fitiri irira. Mino resena emo, kotofu da yeye, kau kekesa avavaga, nandae sedo fitiri irira. Kekesa amo, ari eveva eraera ainembo amboda barera, aindae resena. Bajari nu bekáda bekáda use a sise ijujeraira aimi, eredo kekesa amo, sifo amboda furarira aminda, namokena mutari barena. Kotugo, jo nasuka nane bae arena. Evetu genembo isambu, mave nunda furari ava uju use, a kaifa gigita use irera, ainembo barera.

Hebrew Embokena 6:10

Ainda tuka mo: God nu geka beká sari katori. Nenda saramana edo ghuseva ava, nu jo kotae ae arira. A nundae sise, ne nunda natofo mendeni dubo ruruse, sonembedo ghuseva a sonemberaeva ava, nu jo kotae ae arira.

1 Peter 1:10

Asisi da jebuga resena, einda kau mavega ava kasama ari dae sedo, ferovetamane ne tava use ategi e ningido ghuseri. God nange mutarira, a nanjigo mutarira, ava kasama ari dae kotise, ne tava edo ghuseri. Ne tava ero, Asisi Kakara nenda dubo jokáda siri itatamedo, ne asisi da jebuga God amboda mutarira ava, nange nemokena ya buvari baeteva aindae, osa sedo ghuseri. A kotugo, Keriso nu nange nangedo foa mema tafuse ambudo, sekago jebuge eredo duro aetira ava, siri nininguse, nene osa sise gembudo ghuseri.

Amboda Sirorarira 2:1

Aminge sedo, Iesu sekago namokena eminge sisira, “Ekaresia+ reighi Efesas aminda irira, ainda aghi katokena gembu mutu yari, nune budo osa sirurari ningore! Mave damana 7 ava, nunda ungo gimandui bu jighirira, a nanefa (lamp) fitari da bodaka 7 auri ‘gold’ imi ari ainda jokáda deingherira amo, namori. Na nemokena geka evia resena.