2 Peter 2:20 - God da geka seka

^20-21 Ava sedo, evetu genembo mave namondeda Bajari a Sonemba Kato Iesu Keriso kasama use, nenda ari ekoko giti use, totofo bebeta edo ghusera ava dodo irera ava, sekago daba aimi dederururari, tuturo edo udo yarera amo, eko bekári. Ne giti ari ekoko use iriara amo, itako evevari. O God da emboro eveva kasama edo, sekago jovereghe, nunda Agho Dari kakara rurusera ava ighagha edo doyarera amo, eko bekári. Eveva mo: ne jo giti God da emboro eveva ava kasama ae aeteri.

Korafe-Yegha

^20-21 Ava sedo, evetu genembo mave namondeda Bajari a Sonemba Kato Iesu Keriso kasama use, nenda ari ekoko giti use, totofo bebeta edo ghusera ava dodo irera ava, sekago daba aimi dederururari, tuturo edo udo yarera amo, eko bekári. Ne giti ari ekoko use iriara amo, itako evevari. O God da emboro eveva kasama edo, sekago jovereghe, nunda Agho Dari kakara rurusera ava ighagha edo doyarera amo, eko bekári. Eveva mo: ne jo giti God da emboro eveva ava kasama ae aeteri.

2 Peter 2:20 ပူးပေါင်းရင်းမြစ်များ

Filipai Embokena 3:19

Ne fisi da uju ava use, Bajari dotutuseri. Aminguse, ne fisi da uju ava tumonduse irera. Ne roera a ari mendeni mendeni eraera aindae, meka gaeteri. Avata ne aindae totofo sakai sise irera. Aindae sedo, sifo gombuda mo, ne God da bouvu ava itatamedo sirivo arera.

2 Timothy 2:4

Isoro kato beká nu, nunda giti jighari nange ivuga aetira ava kotise, ainda uju avanembo use irarira. Aminguse, isoro kato amo, fisi da uju o irari eveva da gugua bari dae jo kotae arira.

James 1:27

God kakara use tumonde bainghe gogoghombari da emboro beká mo, eviri. Sasingu babate a roriri mema tafururoro gido, namonde sonembarera; a kotugo, fisi da uju a enda da irari ekoko ava imboe edo darigarera. God da kotari eviri: ari setena amo, numo kakara use tumonde bainghe gogoghombari da emboro bekári.

2 Peter 1:11

God aindae sedo ne sonembe gogoghombuse, namondeda Bajari a Sonemba Kato Iesu Keriso da vasada terovo dae sedo, nenda emboro rerebari, ne ya aminda teredo evovodae irareva.

2 Peter 1:2

God a namondeda Bajari Iesu kasama e gogoghombururovo, nengae nenda sonemba a dubo jama nemokena mutoro ya, nenda dubo jokáda vose bedo edo fumbu fetare!

2 Peter 1:3

God, nunda duro a irari eveva ava baoro dae sedo, namonde aghi usira. Aghi etiri, namonde numokena era, God tofo nunda fakina ava mutiri budo nu kasama edo, aimi irari kakara beká ava use irera.

2 Peter 1:4

A kotugo, nunda fakina futuse, nu joba teria a evevago, anakora beka gagojuse mutari dae sisira, ava futusira. Joba futusira da beká mo eviri. Evetu genembo endada irise guguadae teria futo dighighi use aimi, nenda dubo joká bebeta eraera ava, darigaoro dae sedo, nunda joba a fakina namondekena mutiri ruruseri. A kotugo, nu namonde dabade tatedo, nunda kaugo ava aoro dae sedo, amingusira.

2 Peter 1:8

Na ari setena ava use irareva amo, ne namondeda Bajari Iesu Keriso ava kasama e gogoghombuse, nunda uju ava ururovo, nenda saramana beká arira.

2 Peter 2:18

Ai resira amo: ijuga kakato sembae amo, ne gogore use, geka jo beká irae ava seraera. Aminguse, ne, evetu genembo mendeni mave ari ekoko embo da jokáda ghe ya buvari dae kotedo ghusera ava, derari dae sedo, fisi da uju ekoko ava urureoro gido, evetu genembo setena amo, jovereghedo sekago ari ekoko eraera.

2 Peter 3:18

Avata ne edo gido, namondeda Bajari a Sonemba Kato Iesu Keriso da sonemba itako teria budo, nu kasama e gogoghombari dae sedo, aminguse irareva. Iesu Keriso da duro, oroko a evovodae numokena irare! Ai, bekári!+ Avori, nanda geka tano eviri. Na Peter.