2 Peter 2:18 - God da geka seka

¹⁸ Ai resira amo: ijuga kakato sembae amo, ne gogore use, geka jo beká irae ava seraera. Aminguse, ne, evetu genembo mendeni mave ari ekoko embo da jokáda ghe ya buvari dae kotedo ghusera ava, derari dae sedo, fisi da uju ekoko ava urureoro gido, evetu genembo setena amo, jovereghedo sekago ari ekoko eraera.

Korafe-Yegha

¹⁸ Ai resira amo: ijuga kakato sembae amo, ne gogore use, geka jo beká irae ava seraera. Aminguse, ne, evetu genembo mendeni mave ari ekoko embo da jokáda ghe ya buvari dae kotedo ghusera ava, derari dae sedo, fisi da uju ekoko ava urureoro gido, evetu genembo setena amo, jovereghedo sekago ari ekoko eraera.

2 Peter 2:18 ပူးပေါင်းရင်းမြစ်များ

Ekaresia 2:40

Aminge setiri dadabetiri, geka mendeni mendeni sise, eminge sisira, “God ari ekoko embo amo dari ambarera. Ava sedo, ari ekoko dodo fuvu!”

Ekaresia 8:9

Reighi daba aminda, genembo eni javo Simon fira iriri, Philip amboda fusira. Simon resena emo, nu kae jijighuse fiyogha fusedo simbora eari ava gido, evetu genembo dudukughedo ghuseri. Nu, “Na genembo eko eniri,” seari, evetu genembo kokotofu a sabua+ amo, isambu nunda geka ava ningido ghuseri. Ningido, Simon nu God da fakina budo aimi ariá sise, nu kaka edo ghuseri.

Rome Embokena 13:13

Avori, evetu genembo iji usasada deingheraera amo, ne jo kirumo jokáda uvu fakara rise, kotae kotae ae eraera, jo kombo yagera ae eraera, a jo komana da roera aindae dighighi use tataya ae eraera. Ava sedo, namonde usasada deinghuse jo amingae arera.

Efesas Embokena 4:17

Erama mema itatameóvo dae sise, Bajari da javoda eminge resena. Erama bunise, evetu genembo God dae osogo eraera, ainda kaugo use iriove! Evetu genembo amo, ne dubo kotari tefori.

2 Tesalonaika Embokena 2:4

Ove a gode mendeni mendeni evetu genembo tumonde baingheraera ava imboe use, Ari Eko da Giti Jighari resena emo, nenda vasa bari dae sedo, isoro arira. Amo ari ekori. Kotugo ainda amboda, nu God da vasa budo, evetu genembo numoá tumonde bainghaoro dae sedo, God da Tafaroro Kamboda+ teredo anumbarira. Amo ari eko bekári.

James 5:5

Ne enda eminda eveva avanembo tafuse, uvu bayau inononda rise, tamoghae ireva. Avata kau fuka uvu bayau eveva rise, tamoghae iriari sandi deoro amburaira aminga ava, God ne gido, kau fuka mane avavaga dari sirivo areva.

2 Peter 1:4

A kotugo, nunda fakina futuse, nu joba teria a evevago, anakora beka gagojuse mutari dae sisira, ava futusira. Joba futusira da beká mo eviri. Evetu genembo endada irise guguadae teria futo dighighi use aimi, nenda dubo joká bebeta eraera ava, darigaoro dae sedo, nunda joba a fakina namondekena mutiri ruruseri. A kotugo, nu namonde dabade tatedo, nunda kaugo ava aoro dae sedo, amingusira.

2 Peter 2:14

Ijuga kakato sembae resena emo, ne evevetu ekoko ava fuge gosuse, nange nange nemonde kombo yaru aetera ava kotise irá gheraera. Ari ekoko ava, ne jo itako doyari da kaugo iraeri. Evetu genembo fakina tefo ava, nene dereoro gofedo ari ekoko eraera. Dighighi ari da emboro aindae, manaka garuse irá gheraera. Amingeraera ava gido, God ne simbora etiri,

2 Peter 2:2

Avata nenda nano namendi mokogo mo, feroveta gungubo kakato resena einda amboda amboda ise, kombo yagera use a ari eko dombu eni dombu eni ava use irarera. Nenda nano namendi, Keriso da natofo amo, aminguse iroro gido, evetu genembo mendeni, Keriso a nunda geka beká da emboro+ aindae dere jise imboe arera.

2 Peter 2:20

Ava sedo, evetu genembo mave namondeda Bajari a Sonemba Kato Iesu Keriso kasama use, nenda ari ekoko giti use, totofo bebeta edo ghusera ava dodo irera ava, sekago daba aimi dederururari, tuturo edo udo yarera amo, eko bekári. Ne giti ari ekoko use iriara amo, itako evevari. O God da emboro eveva kasama edo, sekago jovereghe, nunda Agho Dari kakara rurusera ava ighagha edo doyarera amo, eko bekári. Eveva mo: ne jo giti God da emboro eveva ava kasama ae aeteri.

2 Peter 2:7

Lot kote givu! Lot nu genembo evevari. Avata nu reighi Sodom aminda irise, evetu genembo ari ekoko rea edo ghusera ava gosuse, a nenda geka sembae ava nininguse, dubo mema ambarako ava usira. Amingiri, God sonembetiri nu darigiri, avaraka reighiá avisira.

2 Peter 3:17

Avori, nanda kokomana, ne erá daba ava eove dae sise resena! Geka evia kotise, kaifa e gogoghombaovo dae sise resena! Erá evetu genembo mave dara use agho dari jo kotae eraera, ainda amboda amboda ise, ari kotae kotae use gofeove!

Jude 1:13

Ne kau eva eko fumbasa babai jo tukughae, sumburaira ainda kaugori. Jo mave eniimi buregari da kaugo iraeri. A kotugo, kau eva bejise foro eraira aminga ava, nenda ari ekoko beje foa gheraira. Nenda ari ekoko eraera, ne aindae meka gaeteri. O eni mo sarena! Kau isiágo utuda donembe sumbu ya dadabeari jo gae eraera aminga ava, ne sifo tufako duroghae irise ya dadabarera. Nendae sedo, God vasa tumba eko beká jinjanghari ainda jokáda simbugetiri irira. Ne aminda ya teredo, evovodae irarera.

Amboda Sirorarira 13:11

Avori, ainda amboda, sino fuka eni, endada ghe vivitiri gosuseni. Nunda kore etoto nakári. Ainda gari kau mo, sifi da mamandi da koregori. Nunda beka sisira da duka mo, kau nombura beka seari ningido ghusena, daba avori.