1 Timothy 6:5 - God da geka seka

⁵ a dumo bauso siroreraira. Evetu genembo mave amingeraera amo, ne geka beká ava kasiguse, nenda munju jo saramana e gogoghombae eraira. Nenda kotari mo, ne God da natofo arera amo, ne moni a esimbugari tomanako ava bariá koteraera.

Korafe-Yegha

⁵ a dumo bauso siroreraira. Evetu genembo mave amingeraera amo, ne geka beká ava kasiguse, nenda munju jo saramana e gogoghombae eraira. Nenda kotari mo, ne God da natofo arera amo, ne moni a esimbugari tomanako ava bariá koteraera.

1 Timothy 6:5 ပူးပေါင်းရင်းမြစ်များ

Matthew 12:33

Aminge sise, Iesu sisira, “Vuji eveva bambari saresa amo, ya ika eveva aminda bambaresa. O ika eko aminda, vuji eveva eni jo bambae aresa. Ainda beká mo: ika kau mavego amo, nunda vujida gi kasama aresa.

Matthew 21:13

Aminguse, nemokena sisira, “God setiri nunda Geka jokáda rea gembero irira amo, eviri: ‘Nanda Kambo+ mo, banungari da kambori,’ God aminge sisira. Avata ne teredo emingevo, Kambo+ emo kau tafasara kakato da dobo a beku da kau avavaga edo irira,” aminge sisira.

Matthew 23:13

Aminge sise, Iesu sisira, “Arie, Moses da Geka ijuga kakato+ a kaifa kakato+! Ne taká amboda mema itatamareva. Ne gungubo kakatori! Ne totofo God da natofo+ jo ae ireva. A evetu genembo mendeni God da natofo+ ari dae uju eraera ava, nene buregeraeva.

1 Corinth Embokena 11:16

Avata kotugo, mave aindae sedo beisiga arira amo, na nundae eminge resena. Amo, namane a God da ekaresia+ isambu amingeraera.

2 Tesalonaika Embokena 3:6

Nanda nano namendi, namane Bajari Iesu Keriso da javoda eminge resera. Mave guka dagaya edo irira, a mave namanenda geka jo ningae eraira, ainde dabade erá umo use deingheove!

1 Timothy 1:6

Eregosesa, evetu genembo mendeni ari avavaga dotutuse, emboro+ beká kosasaghedo, tefo geka vanembo seraera. Geka seraera, ainda beká eni tefori.

1 Timothy 3:3

Nu jo uvu fakara teria mindari jiro birurughae arira. Nu jo tataya kato ae arira; durumuguse irarira. Nu monidae jo dighighi ae arira.

1 Timothy 3:8

Ekaresia+ da babojegari, ne kau daba aminga ava use iraeteri. Ne veka eveva avanembo use, geka gungubo jo sae arera. Ne vaini (wine) teria jo mindoro jiro birurughae arira. Ne dighighi jo ae arera.

1 Timothy 4:7

Avata nombuamane da kiki sembae se ningiraera ava, tuturoda setena amo, sino fuka da kikiri. Ava erá kotae kotae sumbu etoda viteose dae sise resena. Amo jo God da Geka iraeri. Nimo, God da uju ava ari dae sedo, gasegi use iraresa.

1 Timothy 4:8

Tamo da gasegi ari mo, itako evevari. O God da uju ava ari dae sedo, gasegi ari mo eveva bekári. Ainda beká mo: God da uju ava ari dae sedo, gasegi arera amo, namonde oroko jebuga eveva tuve barera. Kotugo jebuga daba ava amboda tuve barera.

1 Timothy 6:6

Avori, geka beká mo: tumondari da emboroda ise, esimbugari mindafu eni torugharera. Amo dubo jamari. Nimokena rea irira aindae ivuga aresa amo, ni dubo jamaghae iraresa.

2 Timothy 3:5

God tumonde bainghari nu use irarera, avata ainda beká a fakina ava ighagha use, ne tefo tumonde bainghuse irarera. Evetu genembo mave amingeraera ava, darigaso dae sise resena.

2 Timothy 3:8

Kau Jannes nengae Jambres ghae, Moses da geka beká ava buregedo ghusera aminga ava, gegenembo ekoko gembena emo, ne geka beká imboe use, buregeraera. Gegenembo resena emo, ne tumondari jo inono ae etiri kotari dadabusira.

Titus 1:11

Ne saso beka doyoro dae resena! Ne ijuga rea ijugeraera ava, ne jo ijugae aeteri. Ne taká moni bari dae sedo ijugururoro aindae sise, evetu genembo nenda mandi sasingude, a nenda nano namendi mendeninde sarigedo beisiga use irá gheraera.

2 Peter 2:15

ne emboro dambuá dotutuse kosasaghuseri. Kau Beor da mandi Balaam edo ghusira aminga ava, nene eraera. Balaam nu feroveta eniri, avata nu ari eko use, nange moni baetira aindae dighighi edo ghusira. Aminguse iriri, God nu dombuda sise, emingusira. Nu setiri Balaam da donki (donkey) beka afigedo, evetu genembo da bekaga siri ningido, nunda daghari da ari ava dotutusira. Avori, ijuga kakato sembae resena emo, kau Balaam edo ghusira aminga ava, nene eraera.

2 Peter 2:3

Feroveta gungubo kakato amo, monidae dighighi use, mutovo bari dae sedo, geka mendeni mendeni nenda duboi kotise simbugarera ava, siruroro ningareva. Feroveta sembae amo amingarera, avata nenda Ijujari Kato anakora tuturo edo, nenda dara ainda mino simbugerira. Nenda ambari sifo ojira utua erira.

Jude 1:11

Arie, dara! Ne taká amboda nenda mino tambarera amo, jo kitako iraeri. Eko beká ava tambarera. Kau Cain irari sembae da emboro gategedo aminda isira, aminga ava use, nenda uju ava eraera. O Balaam saone! Kau Balaam moni dighighi use bari dae sedo, God da Geka kotae usira aminga ava, nene dara eraera. A kotugo, kau Korah gogore use, tofo nunda javo jighari erari, nu giti jighari ari dae kotisira aminga ava, nene gogore eraera. Avata kau God setiri Korah ambududurusira aminga ava, nemokena sirorarira.

Amboda Sirorarira 18:13

Nenda mosou a yabiyabina, nenda usu a fiyogha mendeninde dabade, nenda vaini (wine), nenda orivi (olive) da muka, a nenda farava ava, mave sekago jo foa nemokena ombae arera. Nenda burumakava (cattle), nenda sifi (sheep), nenda hosi (horses) a roera evetu genembo fendoro hosiimi jumburaera ava, mave sekago jo foa nemokena ombae arera. A kotugo, nenda saramana kakato barago, mave sekago jo foa nemokena ombae arera.

Amboda Sirorarira 18:3

Reighi Babylon dadabetira da tuka mo eviri: nunda vaini (wine) fakarago oro oro isambukena futuse setiri riseri. (Vaini futusira emo, kau joka mutarigusira. Natofo isambu nange, nunda ari edo ghusira ovia, edo ghaetera ava kotise, mutudo ghusira.) Enda da kini (king) isambu ainda vaini (wine) fakarago ava mindido, eredo reighi Babylon ainde kombo yaru edo ghuseri. Kombo yaru ari resena emo, inono: ne reighi aminda ya foa ghuse, nunda gugua fuge gosuse, tuturo edo dighighi edo ghuseri. Kotugo, bisnis (business) embo barago, ne aminda ya foa ghuse, Babylon embo roera dighighi edo ghusera, ava kasama edo aminda oriro edo, susu iti fafode useri,” aneya aminge sisira.