1 Timothy 6:16 - God da geka seka

¹⁶ Nu nusuka irei, irira, a evovodae irarira. Nu usasa tomanako ainda jokáda irá gheraira, jo evetu genembo enii ya numokena buvari da kau iraeri. Nu mave jo gae irira. A numo jo mave gari da kaugo iraeri. Numoá kakara use irore! Nunda fakina evovodae irare! Ai, bekári!+

Korafe-Yegha

¹⁶ Nu nusuka irei, irira, a evovodae irarira. Nu usasa tomanako ainda jokáda irá gheraira, jo evetu genembo enii ya numokena buvari da kau iraeri. Nu mave jo gae irira. A numo jo mave gari da kaugo iraeri. Numoá kakara use irore! Nunda fakina evovodae irare! Ai, bekári!+

1 Timothy 6:16 ပူးပေါင်းရင်းမြစ်များ

John 1:18

Evetu genembo mave eniimi God jo ditii gae irera. Avata, God da Mandi dabako tainako, Numamoghae dabade irá gheraera aimi fira, God nu kau mavegori, ava nune setiri evetu genembo nininguseri.

John 14:9

Aminge setiri, Iesu sisira, “Philip, namonde dabade sifo ghousa evia deingheraera. Ni na kasama eresa. Mave nu na giraira amo, nu God Afa barago giraira. Ava sedo, erá, ‘God Afa ijugaso gaone!’ ava seose!

John 6:46

God da Geka ningiraera, resena emo, nenda dubo jokáda nunda Geka itatameraera, avata God jo ditiimi gae eraera. Ainda beká mo: jo mave God da dombu gae eraera, a geka dabade jo se ningae eraera. Avata na God Afa dirigetiri fusena amo, nasuka nane, Afa gosuseni.

John 8:58

Aminge setero, Iesu mino nemokena sisira, “Geka beká nemokena resena! Abraham nu jo sirorae ireira ainda gitida, na Numori,” aminge setiri,

Efesas Embokena 3:21

Ava sedo, nunda duro aindae, namonde a nunda natofo isambu sakai sise, evovodae nunda javo jighoro eroruse irare! A nunda duro futururari, namonde nunda natofo isambu a Iesu Keriso de dabade, nunda duro ava ijugururoro isagha edo aminge irare! Ai, bekári!+

Filipai Embokena 4:20

Avori, namondeda God a Afa da javo jighoro eroruse, nunda usasa evovodae jaraghuse irarira. Ai, bekári!+

Kolosi Embokena 1:15

Namonde God mo, ditiimi jo gae eraera, avata Keriso ava gosuse, namonde God da dangio giraera. God roera isasambu jo ari sirorae iriri ainda gitida, God da Mandi Keriso nu irei. Roera isasambu amboda etiri sirorusira amo, jo eni numongo iraeri.

1 Timothy 1:17

Ava sedo, namonde God kakara use nunda duro aindae sakai saore! Nu namondeda kiniri. Nu irei, irira, a evovodae irarira. Nu God bekári, eni numongo tefori. A numo jo ditiimi gari da kaugo iraeri. Numokena evovodae sakai sise irore! Ai, bekári!+

Hebrew Embokena 13:8

Iesu Keriso nu jo dombu eni ae arira. Nu irei, irira, a kau daba aminga ava, nu evovodae irarira.

James 1:17

Roera evevago a joba isambu, God nune muteari utuda ghedo foa gheraira. Kotugo, usasa isambu utuda irira ava, nune etiri sirorusira. Numo usasa da numamori. Numokena tumba eni tefori. Kotugo, nu evovodae jaraghuse irá gheraira amo, jo tumbai nunda usasa gajari da kaugo iraeri.

1 John 1:5

Geka namane Keriso kena ningido, nemokena sari dae erera amo, eviri. God mo, nu usasa bekári. Numokena a nunda jokáda, tumba eni tefori.

1 John 1:7

O namonde, God de dabade usasada deinghuse irarera amo, namonde tofo tofo tatedo dabade iroro, nunda Mandi Iesu da ororoimi, namondeda ari ekoko seghe fugarira.

1 John 4:12

Evetu o genembo eni God nunda ditiimi jo gae irira. Avata namonde tofo tofo dubo ruruse irarera amo, God nu tofo mandi namondeda jokáda saramana ururari, nunda dubo bari baji mindafu beká ava arira.

Amboda Sirorarira 1:6

A kotugo, nu namonde gategedo, nunda God a nunda Afa da saramana aoro dae sedo, nune setiri namonde nunda fristi+ edo irera. Iesu Keriso kena usasa a fakina evovodae irare! Ai, bekári!

Amboda Sirorarira 1:8

God nu ireira, irira, a evovodae irarira aimi, geka resira. Namondeda Bajari God Fakina Kato aimi eminge resira, “Roera isasambu ainda tuturoda a gombuda amo, namori,” aminge resira.

Amboda Sirorarira 21:3

Vose firi, beka eni God da avo anumbada ghe eminge siri nininguseni, “Oroko God evetu genembode dabade irira. Nu nemokena irari, ne nunda natofo edo irarera. Nu evetu genembode dabade irise, nenda God arira.

Amboda Sirorarira 22:5

Reighi aminda, tumba jo sekago jirae arira ava sedo, usasa dombu eni a iji aminda jo gae arera. Ainda beká mo: usasa mo, namondeda Bajari God nune nunda natofokena futururari gosuse irarera. God da natofo, kau kini o kokotofu edo, enda evovodae nene kaifa use irarera.

Amboda Sirorarira 4:11

“Arie, namanenda Bajari a God! Ni seteso roera isasambu sirorusira. Ni uju eteso, siroredo jebuga irira. Aindae sedo, usasa, duro, a fakina, mutoro nine baresa amo, inonori!” aminge seraera.

Amboda Sirorarira 7:12

Bainghuse, “Ai, bekári!+ Sakai sari, usasa, dubo kotari, a fakina isambu God kena evovodae irare! A kotugo, numokena aiyakoe sise, kakara use irarera, evovodae! Ai, bekári!+” aminge siseri.