1 Timothy 3:2 - God da geka seka

² Ekaresia da giti jighari resena emo, nu ari eko eni jo ari sirorae arira, a evetu dabako fitido irarira. Nunda fisi da uju ava bureguse dubo kotise, durumugedo irarira. Esa embo foa gheraera ava, nati joká dedo bu tavo arira. Nu dengoro indarikena inono arira.

Korafe-Yegha

² Ekaresia da giti jighari resena emo, nu ari eko eni jo ari sirorae arira, a evetu dabako fitido irarira. Nunda fisi da uju ava bureguse dubo kotise, durumugedo irarira. Esa embo foa gheraera ava, nati joká dedo bu tavo arira. Nu dengoro indarikena inono arira.

1 Timothy 3:2 ပူးပေါင်းရင်းမြစ်များ

Luke 1:6

Zechariah noaroghae mo, God da dombuda veka eveva use, Nunda agho dari kaifa e gogoghombedo ghuseri.

Luke 2:36

Evetu rori eni javo Anna, numo God da feroveta eniri. Nunda oro javo Asher, a numamo da javo mo Phanuel. Nu vai edo irise ghaeko 7 ava dadabetiri, nuvu ambududurusira. Ambiri, nu rori edo irise, ghaeko 84 ava usira. Nu sifo ava inono, God da Kamboda+ irise, bayau kanangara use, God tumonde bainghedo ghusira.

Rome Embokena 12:13

Nenda roera nano namendi makasi embo ainde soro use irareva. Esa embo furarera amo, nati joká dedo, sevu, nenda kamboda foa aviroro tavo aove!

Filipai Embokena 2:15

Aminguse, ne God da natofo eveva a kakara edo irise, ari eveva vanembo ururovo, ari ekoko embo a kotari sembae embo fuge nemo gosuse, ari eko eni jo tambae arera. Ne enda eminda God da Geka bu jighirise, kau damana tumbaghae jaragheraira aminga ava, God da jebuga a usasa soro ururovo, evetu genembo setena amo, ne jebuga evovodae irari da emboro ava garera. Aminguse irareva amo, Keriso da Sifo aminda, na ivuga arena. Ainda beká mo: ne amingururovo, na saoro ningido kasama arena, na ena nenda jokáda janjagu edo ghusena amo, nanda fakina jo soesa fugae edo ghuseni. Nanda saramana da beká siroreari gosuse, aindae edo ghuseni.

1 Timothy 3:12

Genembo ogabada arira amo, nu evetu dabako fitido irarira. Nunda evetu a mandi sasingu kaifa e gogoghombururari, nunda geka ningarera.

1 Timothy 3:8

Ekaresia+ da babojegari, ne kau daba aminga ava use iraeteri. Ne veka eveva avanembo use, geka gungubo jo sae arera. Ne vaini (wine) teria jo mindoro jiro birurughae arira. Ne dighighi jo ae arera.

1 Timothy 4:3

Evetu genembo amo, ne eminge ijugeraera. Gimasa irise, jo evetu fitae aresa, a ade irise, jo genembokena vai ae aresa. A bayau dombu eni dombu eni kanangara aresa, ava nene ijugeraera. Avata God da uju mo: namonde mave numo tumonduse, geka beká kasama edo irira aimi, nu taká banunguse aiyakoe sise, bayau avavaga mindarira.

1 Timothy 5:10

Rori amo, nu kavevera edo ghusira ava, ururari evetu genembo ava gaeteri. Nunda sasingu kaifa use dengoro indudururari, ari eveva edo ghaeteri. God da natofo mendeni a esa embo mendeni foa gheraera ava, nune tavo use, nendae sabua+ use sonembedo ghaeti. Evetu genembo mave dara a bouvu eretafera ava, nune sonembedo ghaeti, a nu ari eveva mendeni mendeni ava use iraeti. Roriri avavaga ainda javo ava gembuvu, ekaresia+ da giti jighari nemokena sonemba mutore!

1 Timothy 5:22

Evetu genembo mendeni Bajari da saramana aoro dae sedo, erá totoi ungo jiroda fiteóvo ne feteore! Nenda irari giti gi gogoghombedo, amboda amingareva! Erama ari ekoko ari dae sise, ya genembo enighae tatise umo eove! Ari ekoko imboe use dariguse irareva!

1 Timothy 5:9

Ekaresia+ roriri da javo gemburaera amo, rori kau eminga, ainda javo ava gembarera. Numo, genembo dabakokena vai edo irari nuvu ambari nu rori arira. Avata nunda sirorari da ghaeko 60 ava darigari irarira.

2 Timothy 2:24

Avata ni Bajari da saramana katori. Ava sedo, ni eminguse iraresa. Ni jo dumo bauso ae aresa. Ni evetu genembo isambukena durumugedo, dengoro indi simbuge gogoghombaresa.

Titus 2:2

Afa koro saso, ne dubo kote simbugedo geka sarera. Ne totofo kaifa esimbuguse, fisi da uju ava buregarera. Ne fakina edo, evovodae tumonde gogoghombuse, a tofo tofo dubo ruruse irarera.

Hebrew Embokena 13:2

Nenda esa embo dombu eni mave furarira amo, nati joká doruse, bu tavo areva. Eregoseva: evetu genembo mendeni aminguse, ne aneya ava evetu genembo bekái furari ava sedo, nati joká doruse unumbuseri.

Hebrew Embokena 3:14

Ai resira amo: fakina edo gigituse irarera amo, namonde dabade tatedo Keriso da natofo arera.

1 Peter 4:7

Utu a enda einda tano foa buvari dae erira. Ne inononda banungari dae sedo, diti fangedo, nenda fisi da uju ava bureguse iraetevu!

1 Peter 4:9

Nenda nano namendi mendeni esa furarera amo, ivuga use, nati joká dedo bu kaifa tavo areva. Jo dubo etoto use, tavo ae areva!

1 Peter 5:8

Diti fangedo, kaifa e gogoghombaovo dae resena! Ainda beká mo: kau raiyoni (lion) ighoi itatamuse, bayaudae dubo gangaraghae deingheraira aminga ava, nenda gitofu Satan goroto reda teredo, nemo bari dae kato eraira.