1 Peter 3:22 - God da geka seka

²² Iesu Keriso resena emo, nu utuda vitíra, God da ungo gimandukena anumbusira. Aminda iriari, aneya a sukaru isasambu nenda kokotofude dabade, nunda sari ava eraera.

Korafe-Yegha

²² Iesu Keriso resena emo, nu utuda vitíra, God da ungo gimandukena anumbusira. Aminda iriari, aneya a sukaru isasambu nenda kokotofude dabade, nunda sari ava eraera.

1 Peter 3:22 ပူးပေါင်းရင်းမြစ်များ

Matthew 22:44

‘Bajari nu nanda Bajarikena sisira, “Fu, nanda ungo gimanduda anumbiraso, ninda gitofu ninda fakina ava gosururoro, ne de bundedo bu foama, ninda ata duruda fitono fafasaore!” Bajari aminge sisira,’ ava David gefusira.

Matthew 28:18

Etero, nu namanekena fira buvudo eminge sisira, “God Afa geka isambu a fakina isambu, namokena mutiri ruruseni, endada a utuda.

Mark 12:36

David nu tofo mandi, Asisi Kakara geka numokena siri ningido gefusira: ‘Bajari nu nanda Bajarikena sisira, “Fu, nanda ungo gimandukena anumbiraso, ninda gitofu ninda fakina ava gosuroro, ne de bundedo bu foama, ninda ata duruda fitono fafasaore!” ’ Bajari aminge setiri, David gefusira.

Mark 16:19

Setiri dadabetiri, God setiri Iesu utuda vitisira. Vitíra teredo, God da ungo gimanduda anumbusira.

Luke 20:42

David nu tofo mandi God Da Yaru Divari Buku aminda, Keriso dae eminge gefusira: ‘Bajari nu nanda Bajarikena sisira, “Fu, nanda ungo gimandukena anumbiraso,

John 13:32

Na amingururono, natofo God da duro garera amo, God barago tofo ururari nanda duro isagha ari, evetu genembo garera. Orokoá erirere!

Ekaresia 1:11

Isagha edo, siseri, “Ne anakora Frovensi Galilee aminda, Iesu da geka nininguse nemonde dabade ya foa ghedo ghusevu. Ava sedo, erá buneove dae sise resera. Iesu oroko vitíri geva amo, nu kau daba aminga ava, amboda sekago jovereghe vose furarira.”

Ekaresia 3:21

God anakora Iesu dae sise, geka eminge setiri nunda feroveta gefuseri: ‘Utuda irari, God Afa enda a utu isambu seka ari dadabari gido, nu sekago jovereghe furarira,’ aminge gefuseri.

Rome Embokena 8:34

Iesu Keriso ambududurusira, o saone, ambarida ghe jebuge eredo, God da ungo gimanduda anumbirira aimi, nune tofo mandi Afakena namondeda ari ekoko kote doyare dae sedo, benunu sise irá gheraira. Ava sedo, namonde kasama erera: mave jo namondeda ari ekoko da mino namondekena mutari da kaugo iraeri.

Rome Embokena 8:38

Na kasama beká ava erena: Keriso namonde dubo ruruse irarira. Nu jo doyae arira. Nunda dubo bari namondekena muturaira ainda emboro ava, rejo eniimi jo gajae arira. Ambarera o jebuga irarera aimi, jo gajae arira. God da aneyaimi o Satan da aneyaimi o sukaruimi jo gajae arira. Rejo eni oroko refira o amboda furarira aimi, jo gajae arira.

1 Corinth Embokena 15:24

Ainda amboda, utu enda dadabarira. Sifo aminda, Keriso nu evetu genembo, sukaru, a gavana isambu nenda fakina de bejedo, nune barira. Budo, fakina isambu God Afakena mutari barira.

Kolosi Embokena 3:1

God setiri, ne Keriso de dabade ambarida ghe jebuge eredo ireva, aindae sedo, roera utuda irira, ava tuve bari dae sedo nenda ghamo joká isambuimi futuse irivu! Utu resena aminda, Keriso nu God da ungo gimandukena anumbirira.

Hebrew Embokena 1:13

Avata nunda aneya enikena jo eminge saeri: “Viti fu, nanda ungo gimandukena anumbe kaifa ururaso, na ninda gitofu sandi bundedo, ninda ata duruda fitono fafasaore.” Geka amo, jo nunda aneya enikena saeri. Nu nunda Mandikena sisira.

Hebrew Embokena 1:3

Mandi aikena, God da duro a usasa janimberaira. Kotugo, God irira ainda gari kau daba ava, nunda Mandikena irira. Jo dombu eni iraeri. Mandi ainda geka mo, fakinaghaeri. Aimi, nu utu a enda bu jighirise kaifa eraira. Nu evetu genembo da ari ekoko seghe fugutusira ainda amboda, nu utuda vitíra, God Durode ainda ungo gimandukena anumbusira.

Hebrew Embokena 1:6

Eni mo: God nunda Mandi bego enda eminda sirorare dae sedo, dirigari dae use, eminge sisira: “Nanda aneya, ne isasambu numoá tumonde bainghaoro dae resena,” nunda Mandi dae aminge sisira.

Hebrew Embokena 10:12

O Keriso, nu umbu dabako ambududuruse, ari ekoko da mino mutiri dadabusira. Ava sedo, nu jo sekago mutae arira. Nunda ambari umbu dabako aimi, inono beká ava usira. Avori, nu ainda mino mutiri dadabetiri, God da ungo gimandukena anumbusira.

Hebrew Embokena 12:2

Aminguse, namonde Iesu kotise irarera. Nu namondeda ijugaborori. Namondeda tumondari da susu mo, numori. Kau nune tumondusira aminga ava, namonde tumondarera. Iesu nu, amboda ivuga arira ava kotise, nu korosi da bouvu a meka gari ava jo kotaeri. Edo vitíra, oroko emo, nu God da avo anumba ainda gimandukena anumbirira.

Hebrew Embokena 4:14

Namondeda fristi+ iká bekáda Iesu numori. Nu namondeda dara a bouvu ava kasama eraira. Nu aindae sedo namondedae joka eraira. Kau derari namondekena foa gheraira aminga ava, Iesu kena foa ghedo ghusira. Avata Iesu nu jo gofedo, a ari eko eni jo ae usira. Nu teria bekári. Nu vitíra utu darigedo, God da dombuda teredo fefetusira. Ava sedo, namonde fakina beká ava use, tumonde gogoghombarera.

Hebrew Embokena 6:20

Iesu nu kau fristi+ da giti jighari avavaga edo, namondedae sedo, nu namondeda fristi+ iká bekáda usira. Edo ira aminda teredo, God kena irira. A fristi+ iká beká ainda saramana ava, nune use evovodae irarira. Kau Melchizedek giti fristi+ da saramana edo ghusira aminga ava, Iesu nune fristi+ da saramana ava evovodae use irarira.

Hebrew Embokena 8:1

Na geka setena ainda tuka mo, eviri. Namondeda fristi+ iká bekáda amo, nu kau emingori. Nu utuda God Durode ainda avo anumba aminda, ungo gimandukena anumbirira.

Hebrew Embokena 9:24

Ai resira amo: Keriso utuda teterusira. Tumonde bainghari vasa evetu genemboimi itutusera aminda, nu jo teraeri. Evetu genemboimi itiraera amo, inono, tefo dangiori. Tumonde bainghari vasa utuda irira amo, susuri. Iesu aminda ira teterusira. Teredo, namondedae sedo banunguse, God da dombuda irá gheraira.