1 Peter 1:23 - God da geka seka

²³ Ainda beká mo: God veka govetiri, jebuga evovodae irari ava nenda dubo jokáda sirorusira. Veka amo, jo veka enda eminda bu goveoro irise beteraira, amingo iraeri. Veka resena emo, God evovodae irira, ainda Gekari. Amo, nenda dubo jokáda govetiri ai jebuga siroretiri, nunda sasingu edo ireva.

Korafe-Yegha

²³ Ainda beká mo: God veka govetiri, jebuga evovodae irari ava nenda dubo jokáda sirorusira. Veka amo, jo veka enda eminda bu goveoro irise beteraira, amingo iraeri. Veka resena emo, God evovodae irira, ainda Gekari. Amo, nenda dubo jokáda govetiri ai jebuga siroretiri, nunda sasingu edo ireva.

1 Peter 1:23 ပူးပေါင်းရင်းမြစ်များ

Matthew 24:35

Utu a enda dadabarira avata, nanda geka jo dadabae arira, evovodae irarira.”

Luke 8:11

Aminge sedo, sekago sisira, “Kasia da tuka mo eviri. Veka amo, God da Gekari.

John 1:13

God da sasingu sirorusera amo, jo nenda fakinaimi o evetu genembo da ujuimi, saoro siroraeri. Nemo, God da fakinaimi etiri siroruseri; ava sedo God mo, nenda Numamo bekári.

John 1:3

God nunda Geka resena eimi, roera isasambu nune etiri sirorusira. Roera isasambu, utuda a endada irira amo, nunda Geka da fakina ainembo etiri sirorusira.

John 3:3

Setiri, Iesu numokena sisira, “Na nimokena geka beká resena: mave nu jo sekago sirorae arira amo, nu jo God da natofo+ jokáda teredo, God da reighiá jo gae arira.”

John 3:5

Aminge setiri, Iesu sisira, “Na nimokena geka beká resena: mave jo sekago uvu a God da Asisiimi sirorae arira amo, nu jo God da natofo+ jokáda teredo, God da reighiá jo gae arira.

John 6:63

Jebuga mo, God da Asisi Kakara aimi muturaira. Jo evetu genembo da fakinaimi, aoro sirorari bari da kaugo iraeri. Geka resena emo, asisi da jebuga bekári.

Rome Embokena 1:23

Ne God evovodae irira ava tumonde bainghaeteri. Avata nunda duro a usasa ighagha edo, tuturo edo ove kevari ava, tumonde baingheraera. Ove kevari resera ainda kau mo, genembo, rika, sino fuka, a arada da kau aminga ava ove kekevegedo, ava tumonde baingheraera.

Hebrew Embokena 4:12

God da Geka mo, jebuga irira. Geka ainda mendo sighonogori. Aimi gayari, genembo da duboá afigarira. Fisi da uju, nunda kotari, a nu rea dubo jokáda uju eraira a koteraira amo, foa isagha eraira. Amingurureari, God da Geka aimi evetu genembo da dubo jokáda rea irá gheraira, ava ijujeraira.

James 1:18

Nunda uju ava use, nunda geka beká da fakinaimi, setiri namonde siroruseri. Namonde evetu genembo mo, roera a sino fuka utu a enda eminda irera, ainda giti jighari aoro dae sedo, usira.

1 Peter 1:25

Avata God da Geka mo, evovodae irarira.” Avori, God da Bino Eveva nemokena vironu sisera avakori.

1 Peter 1:3

Namondeda Bajari Iesu Keriso da God a Afadae aiyakoe sise irore! Ainda susu mo: nu namondedae joka edo, namondekena jebuga seka futusira. Amo, nu setiri Iesu Keriso ambarida ghe jebugedo erorusira ainda fakinaimi, namondekena jebuga seka ava futusira. Aindae namonde numokena aiyakoe sise irore! Ainda beká mo: namonde numo tumonduse, jo tefo tefo gigitae eraera. Namonde susudae gigiteraera.

1 John 3:9

Evetu genembo mave God da sasingu edo irera amo, ne jo ari ekoko use irae arera. Ainda beká mo: God nunda jebuga a nunda irari ava, nunda sasingu da dubo jokáda fitiri sembiri, nu nenda afa edo irira. Ava sedo, evetu genembo mave God da sasingu edo irera amo, ne jo ari ekoko use irari da kaugo iraeri.

1 John 5:18

Eregoseva: namonde kasama erera, God da sasingu ne jo ari ekoko use irae arera. Ainda beká mo: God da Mandi kaifa ururari, Satan jo foa ne dederururari ari ekoko use irae arera.