1 Peter 1:22 - God da geka seka

²² Ne geka beká ava tumonduse a bu kaifa use, totofo nenda dubo joká ava esimbuguse a dubo isambuimi futuse, nenda nano namendi dubo rurusevu. Ava sedo, nenda dubo isambuimi futuse, minonde minonde dubo ruruse irivu!

Korafe-Yegha

²² Ne geka beká ava tumonduse a bu kaifa use, totofo nenda dubo joká ava esimbuguse a dubo isambuimi futuse, nenda nano namendi dubo rurusevu. Ava sedo, nenda dubo isambuimi futuse, minonde minonde dubo ruruse irivu!

1 Peter 1:22 ပူးပေါင်းရင်းမြစ်များ

John 15:17

Avori, setena, geka daba ava resena: ne tofo tofo dubo buvu!” Iesu aminge sisira.

John 15:3

Na geka sedo ghusena aimi, nenda dubo joká anakora seghe simbugetiri eveva usira.

John 17:17

Ninda geka bekáimi, nenda dubo joká seghaso, ninda natofo kakara a eveva irore!

John 17:19

Ninda geka bekáimi aso, ne ninda natofo kakara a eveva aoro dae sedo, na tofo nanda dubo joká isambuimi nimokena erefutena.

Ekaresia 15:9

Ava sedo, jo dombu eni iraeri. Namonde tumondusera aindae, God namondeda ari ekoko kote dotutusira. Kau daba aminga ava, namondeda gitofu tumondusera aindae, God nenda ari ekoko barago kote dotutusira.

Ekaresia 6:7

Sifo aminda, evetu genembo God da Geka niningudo refuara, Iesu da natofo digarigo Jerusalem aminda sirorusira. A kotugo, fristi+ mendeni barago Iesu tumonduseri.

Rome Embokena 1:5

Namondeda Bajari Iesu Keriso nunda javoda aghi aono dae sedo, sonemba a fakina namokena futusira. Futusira ainda beká mo: na ya aghi ururono ningido, enda einda oro oro isambu ainda evetu genembo mendeni mendeni Iesu tumondedo, nunda uju ava use irore dae sedo futusira.

Rome Embokena 2:8

O evetu genembo mendeni gogore use geka beká ighagha edo, ari ekoko da amboda amboda ya gheraera. Mave amingarera amo, God nemokena nunda vevera a janje eko mutari itatamarera.

Rome Embokena 8:13

Ainda beká mo: ne fisi da uju ava use irareva amo, ambareva. O, Asisi Kakara da fakinaimi nenda fisi da uju ava daovo ambarira amo, ne jebugareva.

2 Corinth Embokena 6:6

Namane fisi da uju ava kotae edo, geka kote simbuguse, namanenda uju kote dodo, evetu genembo mendeni da uju ava use, nemokena durumugedo, kavevera use God da aghi edo ghuseri. Asisi Kakara da fakinaimi, namane jo evetu genembokena dubo bari tefo ikáda ae edo ghuseri, ne dubo bu gogogho edo ghuseri.

Galesia Embokena 3:1

Avori, nanda nano namendi Frovensi Galesia aminda ireva, nemokena resena. Ne nangetiraimi kau gogovara da kakaugo edo irevu! Mave deretiri ne Keriso dotutusevu? Iesu Keriso arafa dorusera ainda tuka ava, namane nenda dombuda vironu seoro ningido ghusevu.

Galesia Embokena 5:5

O namane mave Keriso da fakina tumonduse, a rea gigituse irera amo, eviri. God da Asisiimi sonembururari, namane nu tumondururoro gido, God namanendae ‘eveva’ sise, sari namane jebugarera.

Galesia Embokena 5:7

Giti ne Keriso tumonduse, ari eveva edo ghusevu. Avata amboda mave fira ne dederuse setiri, geka beká ava dotutusevu? Nu nange amingusira ava, na jo kasama ae erena.

Efesas Embokena 4:3

Asisi Kakara ne bu dabade etiri mainungido, dubo dabako useva ava kotise, kaifa e gogoghombevu! Erá dara nenda jokáda siroreuri, ne nunda nunda eóvo dae sise resena.

Filipai Embokena 1:9

Na God kena nendae sedo benunu seraena da beká mo eviri: nange nenda dubo bari baji mindafu ururari, ne geka beká ava kasama edo bu jighi gogoghombuse, dubo kotari da emboro ava kasama use iraetevu. Aindae sedo, benunu seraena.

1 Tesalonaika Embokena 3:12

Kau namane ne dubo buraera aminga ava, Bajari ne sonembururari, tofo tofo dubo baovo dae a evetu genembo isambu dubo baovo dae resera.

2 Tesalonaika Embokena 1:3

Nenda tumondari baji mindafu ari dae erira, a ne tofo tofo dubo bu gogoghombari dae ereva, aindae namane evovodae nemo kotise, God Afakena aiyakoe sise irarera.

2 Tesalonaika Embokena 2:13

Avori, namanenda nano namendi, Bajari ne dubo buraira. Giti tuturoda, ne geka beká tumonduse, jebuga evovodae irari ava baovo dae sedo, God ne gategusira. A kau daba aminga ava, nunda Asisi aimi sonembururari, nunda natofo kakara ava edo irovo dae sedo, ne gategusira. Aindae sedo, namane evovodae God Afakena, nendae aiyakoe sise irarera.

1 Timothy 1:3

Na Frovensi Masedonia aminda ise, rea nimokena sisena, kau daba ava, sekago sari dae erena. reighi Efesas aminda irise kaifa aso dae resena! Evetu genembo mendeni ijuga sembae ava, vironu sise ijugeraera. Ava saso doyoro dae sedo, ni aminda iraso dae uju erena.

1 Timothy 1:5

Na aminge resena da beká mo: na, God da natofo aminda irera, nenda ghamo derono erari ne dubo joká simbugedo nenda ari ekoko vujegedo tumonde gogoghombarera. Aminguse, ne tofo tofo dubo ruruse irarera.

1 Timothy 4:12

Ni genembo sekari. Ava sedo, erama doyeoso, natofo ni buneore dae sise resena. Ni giti jijighururaso, ekaresia+ tomanako ninda geka eveva, ninda irari, ninda dubo bari, a ninda tumondari ava gosuse, amboda amboda aeteri. A ni nange geka a ari sembae imboe eraesa ava gido, Iesu tumondari+ embo da natofo kau daba aminga ava use iraeteri.

1 Timothy 5:2

Evevetako, kau nei avavaga kotise, a evevetu seka, kau ninda ghaghasovu avavaga kotise, tavo use iraresa. A kotugo, evevetu seka gosuse, jo kotari sembae kotae aresa.

2 Timothy 1:14

Asisi Kakara nu, namondeda dubo jokáda irira. Nunda fakinaimi, geka beká God nimokena futusira ava, kaifa aso dae resena.

Hebrew Embokena 11:8

Abraham nu God tumonduse, nunda kori ava ningido, eredo reighi eninda isira. Amo, nunda reighi manaiá dodo, God numokena reighi eni mutari sisira, aminda isira. Nu emboro bunisira avata, nu taká isira.

Hebrew Embokena 13:1

Ambo bego da irari ava use, tofo tofo dubo ruruse irivu!

Hebrew Embokena 5:9

Aminguse, Iesu fristi iká bekáda arikena inono usira. God numoá fristi+ iká bekáda edo evovodae amingedo irare dae sisira amo, kau Melchizedek fristi+ usira aminga ava are dae sisira. Iesu mo, jebuga evovodae irari da susuri. Evetu genembo mave Iesu da geka ningarera amo, nemokena jebuga evovodae irari ava mutarira.

Hebrew Embokena 6:10

Ainda tuka mo: God nu geka beká sari katori. Nenda saramana edo ghuseva ava, nu jo kotae ae arira. A nundae sise, ne nunda natofo mendeni dubo ruruse, sonembedo ghuseva a sonemberaeva ava, nu jo kotae ae arira.

Hebrew Embokena 9:14

O Keriso da ororo mo, fakinagori. Asisi Kakara evovodae irira ainda fakinaimi, Keriso namondedae sise, tofo nunda ororoimi God kena joba futusira. Numokena ari eko eni tefori. Ava sedo, nunda ororoimi namondeda dubo joká seghuse, fisi da ari a ari manai ava seghe fugari dadabari, namonde tuturo edo, God evovodae irira ainda uju avanembo use irarera.

James 1:21

Ava sedo, nenda ari ekoko evovodae eraeva, a nenda ari mendeniimi nenda tamo bebeta eraeva ava, seghe fugovo dae resena. Tumo darido, ne totofo God da ungoda fitido, nenda dubo joká afigedo, nunda geka ivugaghae bareva. Geka ava, God nenda dubo jokáda govari bu kaifa areva amo, jebuga evovodae irari ava tuve bareva.

James 4:8

Ne ya God kena utua areva amo, numbarago foa nemokena utua arira. Setena, daba ava sari dae erena. Ne kotari etoto etoto eraeva. Dubo jovereghedo, nenda ungo, ari ekokoimi bebeta edo irira ava seghuse, nenda dubo joká barago seghe simbugevu!

1 Peter 1:2

God Afa nunda uju ava use, ne gategusira. Etiri, God da Asisi Kakara aimi setiri, ne God da natofo kakarago edo ireva. Amingusira da beká mo: ne Iesu Keriso da geka ava niningururovo, nunda ororoimi nenda ari ekoko seghe fugutururari irovo dae sedo, amingusira. Sonemba a dubo jama, ya nenda dubo jokáda vose bedo edo fumbu fetare!

1 Peter 2:17

Evetu genembo isasambu kaka use irareva! Nenda nano namendide, tofo tofo dubo ruruse irivu! God Afa igheghi use, Rome embo da kotofuko ava kaka use irareva!

1 Peter 3:1

Na gavana da geka ningovo dae seteni. Kau daba aminga ava, evevetu nemokena sari dae erena, ningivu! Nivumane da geka ava ningareva. Amingareva amo, nenda gegenembo mendeni mave God da Geka jo tumondae irera amo, nenda irari a ari eveva ava gosuse, tumondarera. Nivumane dubo jovereghedo tumondaoro dae sedo, jo nene nivumane dengoro indarigo iraeri.

1 Peter 3:20

Asisi resena emo, evetu genembo Noah da sifoda endada iriara, ainda asisiri. Noah nu ghaka+ itutiri, natofo tomanako God da Geka jo ningido tumondae irioro, God nu durumuguse kaifa edo ghusira. Avata sifo buviri, evetu genembo 8 ava era ghakada+ vivitusera, ainembo jebuguseri. Uvu gaunghe vivitiri, ainda etoda feghuse jejebuguseri.

1 Peter 3:8

Nanda geka ojighira tano ari dae erira. Ne dubo dabako edo iraetevu! Nenda kokomanadae joka edo, nenda bouvu ava fufuse irivu! Nenda nano namendide dabade, minonde minonde dubo ruruse, veka eveva use tofo tofo tumonduse irivu!

1 Peter 4:17

God evetu genembo ijujari da sifo ojira buvira. Ava sedo, nu giti tuturo edo, nunda natofo ijujarira. Nu tuturo edo namonde ijujururari, namonde ainda bouvu ava fufuse mema itako itatamarera. Avata nu namonde ijujari dadabari, jovereghedo, evetu genembo mendeni, nunda Bino Eveva jo tumondae usera, ava ijujarira. Ijujururari, ne bouvu mindafugo beká ava itatamarera.

1 Peter 4:8

Mokogo mo, ne minonde minonde dubo bu gogoghombuse iraetevu! Evetu genembo mave tofo tofo dubo ruruse irarera amo, ne totoi kokomana da ari ekoko kote doyarera. Ava sedo, minonde minonde dubo bu gogoghombuse irivu!

2 Peter 1:7

Aminguse, ne tuturo edo, nenda nano namendi dubo ruruse irareva. Nenda nano namendi dubo bu gogoghombareva ainda amboda, ne edo gido, evetu genembo isambu dubo ruruse irareva!

1 John 3:11

Geka tuturoda setero nininguseva amo, eviri. Namonde minonde minonde dubo ruruse irarera.

1 John 3:23

A God rea uju eraira amo, eviri. Namonde, nunda Mandi Iesu Keriso rea aoro dae sisira ava use, nunda javo fakinaghae ava tumonduse, tofo tofo dubo ruruse irarera. God nu, namonde amingaoro dae uju eraira.

1 John 4:12

Evetu o genembo eni God nunda ditiimi jo gae irira. Avata namonde tofo tofo dubo ruruse irarera amo, God nu tofo mandi namondeda jokáda saramana ururari, nunda dubo bari baji mindafu beká ava arira.

1 John 4:20

Mave, “Na God dubo ererurena,” sise, nunda namendi eni imboe arira amo, nu gungubo sarira. Ainda beká mo: namonde God jo ditiimi gae eraera. O namondeda nano namendi mo, ditiimi giraera. Ava sedo, namonde God kena dubo bari ijugari sarera amo, fakaragori. Ai resira amo: namonde numo sonembari da goroto eni tefori. O namonde nano namendikena dubo bari ijugari sarera amo, raugakori. Ava sedo, mave nunda namendi eni imboe arira amo, nu God barago imboe arira.

1 John 4:7

Nanda kokomana, namonde tofo tofo dubo baeteri. Ainda beká mo: dubo bari isambu God kena ghe foa gheraira. Numo, dubo bari isambu da susuri. Ava sedo, mave nunda komana dubo barira amo, nu God kasama edo, nunda mandi o gagara edo irira a gido, nunda komana dubo buraira.

Amboda Sirorarira 2:4

Avata nenda dara eni mo, emingeraeva. Giti ne, na dubo bu gogoghombuse irá ghusevu. Avata oroko emo, nanda tamo kaka use, na jo dubo bu gogoghombae eraeva.