1 John 5:16 - God da geka seka

¹⁶ Namonde ari ekoko mendeni mendeni use, jo ambae arera. Ninda namendi eni ari eko eni ururari garesa amo, ninda namendidae sise, God kena banungaso ningido, nunda jebuga ninda namendikena mutarira. Avata ari eko eni irira, ava use irarera amo, namonde sifo gombuda ambari ava torugharera. Ninda namendi, ari eko resena evia ururari garesa amo, jo nundae banungaso dae sae arena.

Korafe-Yegha

¹⁶ Namonde ari ekoko mendeni mendeni use, jo ambae arera. Ninda namendi eni ari eko eni ururari garesa amo, ninda namendidae sise, God kena banungaso ningido, nunda jebuga ninda namendikena mutarira. Avata ari eko eni irira, ava use irarera amo, namonde sifo gombuda ambari ava torugharera. Ninda namendi, ari eko resena evia ururari garesa amo, jo nundae banungaso dae sae arena.

1 John 5:16 ပူးပေါင်းရင်းမြစ်များ

Luke 12:10

Kau daba aminga ava, mave Evetu Genembo da Koro+ da javo eko arira amo, God nunda ari eko amo kote doyarira. O mave Asisi Kakara da javo eko arira amo, God nunda ari eko amo jo kote doyae arira.

John 17:9

“Na oroko nendae sedo benunu resena. Na evetu genembo mendenidae, jo benunu sae erena. Avata gegenembo nine futusesa eindae, benunu resena. Ne ninda tofo ava sedo, benunu resena.

2 Timothy 4:14

Genembo eni roera auriimi edo, oriro edo moni buraira, javo Alexander aimi eredo namokena ari ekoko dombu eni dombu eni edo ghusira. Bajari nune mino ururari itatamarira.

1 John 5:17

Ari ekoko isasambu mo, ekokori. Avata setena, daba ava sari dae erena. Ari ekoko isasambu eraera amo, namonde dara God da dombuda eraera. Avata ari ekoko mendeni mendeni use, jo ambae arera.