1 John 5:10 - God da geka seka

¹⁰ A mave God da Mandi tumondarira amo, nu nunda dubo jokáda evia itatamarira: tano rea ijugeraira amo, geka bekári. O mave God da osa sari evia jo tumondae arira amo, nu inono, God gungubo sariá sarira. Ainda tuka mo: God nu tofo mandi rea nunda Mandi dae sisira ava, gungubo sariá sise, nu jo tumondae eraira.

Korafe-Yegha

¹⁰ A mave God da Mandi tumondarira amo, nu nunda dubo jokáda evia itatamarira: tano rea ijugeraira amo, geka bekári. O mave God da osa sari evia jo tumondae arira amo, nu inono, God gungubo sariá sarira. Ainda tuka mo: God nu tofo mandi rea nunda Mandi dae sisira ava, gungubo sariá sise, nu jo tumondae eraira.

1 John 5:10 ပူးပေါင်းရင်းမြစ်များ

John 3:16

Ainda beká mo: God nu evetu genembo dubo bu gogoghombuse, jebuga evovodae irari ava baoro dae sedo, nunda Mandi dabako tainako mutiri fusira. Fusira da beká mo: mave nu tumondarira amo, jo ambae arira. Nu jebuga evovodae irari ava tuve barira.

John 3:18

Mave God da Mandi tumondarira amo, God nunda ari ekoko jo ijujari ambae arira. O mave God da Mandi jo tumondae arira amo, God anakora setiri nunda asisi ambududurusira. Ainda beká mo: nu God da Mandi dabako tainako ava jo tumondae usira aindae.

John 3:33

O genembo mave nunda geka ningi tumondarira amo, nu tumonduse kasama arira: God da Geka mo, geka bekári.

Ekaresia 8:37

Aminge setiri, Philip sisira, “Ni tumonde gogogho aresa amo, na ni bafataito arena,” setiri, genemboá sisira, “Na tumonderena, Iesu Keriso nu God da Mandi bekári,” aminge sedo,

Rome Embokena 8:16

God da Asisi, nu namonde sonembeari namondeda dubo jokáda kasama eraera amo, namonde nunda sasinguri.

Galesia Embokena 4:1

Na geka resena da ijugaboro eni eviri: genembo eninda mandi nu sasingako irise, kau sabua da ari ava use irarira. Avata numamo da roera ainda bajari numori. Ainda beká mo: amboda nu baji mindafu edo, numamo da roera isambu nune barira.

Galesia Embokena 4:6

A ne nunda sasingu useva, ava ijugari dae sedo, God nunda Mandi da Asisi nemokena futusira. Mutiri ruruseva ainda fakinaimi, ne God dae javono gatise, “Eri, Afa, Afako!” sise irá gheraeva.

Kolosi Embokena 3:3

Ainda beká mo: ne Keriso de dabade ambududurusevu. A kotugo, oroko nenda jebuga beká ava, Keriso nu God ghae dabade irise, nene kaifa eraera. Nenda jebuga resena emo, Keriso God ghaekena jungedo irira.

Hebrew Embokena 3:12

Avori, nanda nano namendi, namondeda God nu jebuga irira. Ava sedo, nenda janje joká ava ijujevu! Erama nu kotae edo, ighagha eove dae sise resena. Fakina use, tumondaovo dae resena.

2 Peter 1:19

Namane ava gosusera aindae sedo, ferovetamane anakora nenda geka rea aindae sise sedo ghusera ava, namane tumonde gogoghomberaera. Nembarago, ferovetamane rea gembudo ghusera, ainda geka ava kotise iraetevu! Ainda beká mo: geka sedo ghusera amo, nu kau tumba jokáda arivo injibeoro usasa eraira, ainda kaugori. Aimi usasa ururari, sifo atutururari, sifo da saura foa nenda dubo jokáda vosari dubo kotareva. Sifo da saura mo, na Iesu dae resena.

1 John 1:10

O, “Namane eveva vanembo eraera,” sarera amo, namonde kau God gungubo sariá sise sarera. Mave aminge sarira amo, nu God da Geka eniko jo bae beká irira.

1 John 5:1

God Genembo dirigari furare dae sisira amo, Iesu ri. Geka ava, mave tumonderaira amo, nu God da mandi o gagara edo irira. A mave genembo eni ava dubo barira amo, nu genembo ainda sasingu barago dubo barira.

Amboda Sirorarira 12:17

Amingetiri, nombura nu evetu aikena dubo eko beká ava usira. Amingedo, evetu ainda imemesiri mendenikena isoro ari dae sedo isira. Evetu resena, einda imemesiri mo, mave God da Geka nininguse, nunda uju ava use irera, a Geka Beká Iesu fira osa sisira ava, tumonduse kaifa use irera amo, nemori. Nombura amo nemokena isoro ari dae sedo, eredo isira.

Amboda Sirorarira 2:17

“Asisi Kakara rea ekaresiakena+ resira ava, ningi gogoghombevu! “Mave nandae sedo isoro use, gitofu de atai duboda fati fetarira amo, na numokena, bayau eveva javo ‘mena’ jungetiri oroko God da vasa aminda irira ava, mutono barira. A eni mo: na numokena ghamana foyago, ainda tamonda javo seka gembero irira ábarago, mutono barira. Javo amo, mave ghamanaá barira, ainembo kasama arira.” Iesu aminge sisira.

Amboda Sirorarira 2:28

A eni mo: na numokena sifo da saura ainda usasa ava mutono barira.