1 John 4:7 - God da geka seka

⁷ Nanda kokomana, namonde tofo tofo dubo baeteri. Ainda beká mo: dubo bari isambu God kena ghe foa gheraira. Numo, dubo bari isambu da susuri. Ava sedo, mave nunda komana dubo barira amo, nu God kasama edo, nunda mandi o gagara edo irira a gido, nunda komana dubo buraira.

Korafe-Yegha

⁷ Nanda kokomana, namonde tofo tofo dubo baeteri. Ainda beká mo: dubo bari isambu God kena ghe foa gheraira. Numo, dubo bari isambu da susuri. Ava sedo, mave nunda komana dubo barira amo, nu God kasama edo, nunda mandi o gagara edo irira a gido, nunda komana dubo buraira.

1 John 4:7 ပူးပေါင်းရင်းမြစ်များ

John 13:34

Avori, na nemokena agho dari seka erefutena. Ne tofo tofo dubo buvu! Na ne dubo buraena, kau daba aminga ava, ne tofo tofo dubo bareva!

John 17:3

Jebuga evovodae irari ava bari da emboro mo eviri. Afa, ni God bekári, a ninda Mandi Keriso futusesa amo, namori. Mave namane kasama arira amo, jebuga evovodae irari ava, nune tuve barira.

1 Corinth Embokena 8:3

O genembo mave God dubo buraira amo, God numoá kasama use unumberaira.

2 Corinth Embokena 4:6

Namane Keriso da Bino ava vironu seraera ainda beká mo, eviri. God utu a enda use, eminge sisira, “Tumba aminda usasa siroredo janimbare!” aminge sisira. God daba aimi nunda usasa mutiri, namanenda dubo jokáda janimbedo munju afigetiri, namane Iesu da dombu gosuse, God da duro gido kasama useri. Aindae namane nunda Bino ava vironu seraera.

Galesia Embokena 4:9

O orokoé, ne God kasama edo ireva. O saone? God nune ne kasama edo rurusira. Ava sedo, erama ne jovereghe ya sekago, ove a agho dari fakina iraede, ainda sabua+ eove dae sise resena. Aimi, ne jo sonembae arira. Ava sedo, ne redae gode mendeni da sabua+ sekago ari dae resevu?

Galesia Embokena 5:22

Avata Asisi Kakara evetu genembo da dubo jokáda saramana ururarira amo, beká evavaga sirorarira. Amo, nunda fakinaimi dubo bari, ivuga, a dubo jama ava sirorarira. Asisi Kakara aimi sonembururari, nunda geka ningido, mema itatamuse jo bibita ae arera. Ne taká durumuguse irarera. Ne kavevera arera, ari eveva use irarera, a nenda kokomana jo ighagha edo doyae arera.

2 Timothy 1:7

Ainda beká mo: God nunda joba, jo oju aoro dae sedo mutae usira. Namonde nange fakina edo, tofo tofo dubo ruruse, fisi da uju ava buregaetera aindae sedo, nunda Asisi amo futusira.

1 Peter 1:22

Ne geka beká ava tumonduse a bu kaifa use, totofo nenda dubo joká ava esimbuguse a dubo isambuimi futuse, nenda nano namendi dubo rurusevu. Ava sedo, nenda dubo isambuimi futuse, minonde minonde dubo ruruse irivu!

1 John 2:10

Mave nunda nano namendi dubo ruruse irarira amo, nu usasa jokáda irise deingharira. Nu usasa jokáda irise a ari eveva avanembo use, nunda komana jo itako derari, ari eko eni use gofae arira.

1 John 2:29

Keriso nu eveva vanembori. Ava sedo, evia kasama evu! Evetu genembo mave ari eveva avanembo use irera, nembarago God da sasinguri.

1 John 2:3

Namonde God da sasingu edo irera ava, nange kasama areri? Kote givu! Namonde nunda Geka a nunda uju ava kaifa use irarera amo, namonde nunda natofo edo irera ava, namonde kasama arera.

1 John 2:4

O mave eminge sarira, “Na God kasama edo, nunda natofo jokáda teredo irena,” aminge sise, God da Geka a nunda uju jo ae arira amo, nu gungubo katori. Amo, nu geka beká eni jo bae irira.

1 John 2:7

Nanda kokomana, na ne dubo ererurena. Na rea oroko aovo dae resena emo, jo agho dari seka iraeri. Ne anakora tuturoda ningido ghusevu.

1 John 3:9

Evetu genembo mave God da sasingu edo irera amo, ne jo ari ekoko use irae arera. Ainda beká mo: God nunda jebuga a nunda irari ava, nunda sasingu da dubo jokáda fitiri sembiri, nu nenda afa edo irira. Ava sedo, evetu genembo mave God da sasingu edo irera amo, ne jo ari ekoko use irari da kaugo iraeri.

1 John 4:11

Avori, nanda kokomana, God namonde dubo ruruse, amingusira. Ava sedo, namonde kau daba aminga ava use, tofo tofo dubo baeteri.

1 John 4:12

Evetu o genembo eni God nunda ditiimi jo gae irira. Avata namonde tofo tofo dubo ruruse irarera amo, God nu tofo mandi namondeda jokáda saramana ururari, nunda dubo bari baji mindafu beká ava arira.

1 John 4:16

Namonde God de dabade tatedo irera ava sedo, God namonde nange dubo buraira, ava kasama use tumonderaera. God nu dubo bari da susuri, aminge seteni. Ava sedo, mave dubo ruruse irarira amo, nu God ghae tatedo irari, God nunda dubo jokáda irarira.

1 John 4:20

Mave, “Na God dubo ererurena,” sise, nunda namendi eni imboe arira amo, nu gungubo sarira. Ainda beká mo: namonde God jo ditiimi gae eraera. O namondeda nano namendi mo, ditiimi giraera. Ava sedo, namonde God kena dubo bari ijugari sarera amo, fakaragori. Ai resira amo: namonde numo sonembari da goroto eni tefori. O namonde nano namendikena dubo bari ijugari sarera amo, raugakori. Ava sedo, mave nunda namendi eni imboe arira amo, nu God barago imboe arira.

1 John 4:8

O mave nunda komana jo dubo bae eraira amo, nu God jo kasama ae irira. Ainda beká mo: God nu dubo bari da susuri.

1 John 5:1

God Genembo dirigari furare dae sisira amo, Iesu ri. Geka ava, mave tumonderaira amo, nu God da mandi o gagara edo irira. A mave genembo eni ava dubo barira amo, nu genembo ainda sasingu barago dubo barira.

2 John 1:5

Avori, nanda ghasovuko, na ni dubo ruruse, eminge resena. Namonde tofo tofo dubo ruruse irore! Amo jo agho dari seka eni iraeri. Amo, tuturoda ghe sero niningudo refera, daba avori.