1 John 3:17 - God da geka seka

¹⁷ O makasi embo eni baimaraghae irari gido, nunda namendi eni susu iti fafode aimi jo sonembae irise, “Na God dubo ererurena,” saetira amo, nu gungubo saeti. Ai resira amo: nu God da uju ava use nunda namendi sonembaetira, avata nu jo sonembaeri.

Korafe-Yegha

¹⁷ O makasi embo eni baimaraghae irari gido, nunda namendi eni susu iti fafode aimi jo sonembae irise, “Na God dubo ererurena,” saetira amo, nu gungubo saeti. Ai resira amo: nu God da uju ava use nunda namendi sonembaetira, avata nu jo sonembaeri.

1 John 3:17 ပူးပေါင်းရင်းမြစ်များ

Luke 3:11

Seoro, John nu mino eminge sedo ghusira, “Nenda tamo asugari etoto irarira amo, eni kosughe mutuvu, makasi emboi baore! Nenda bayau irarira ábarago, budo soro evu!” aminge sedo ghusira.

2 Corinth Embokena 8:9

Kote givu! Ne anakora namondeda Bajari Iesu Keriso da sonemba ava, itatamedo kasama usevu. Nunda sonemba eminge ijugusira. Nu susu iti fafoderi, avata kotugo, nu nendae sedo, nunda gugua dodo, makasi embo da kaugo edo fusira. Nu makasi edo fusira da beká mo: ne jebugedo susu iti fafode ava aetevu.

Hebrew Embokena 13:16

Veka eveva use, nenda guguaimi minonde minonde sonembuse irareva! Ainda beká mo: ne aminguse, joba numokena mutari da kaugo ava ururovo, God gido ivuga arira.

James 2:15

E kote givu! Evetu o genembo eni, embo boka o uvu bayau tefo irari gido, eminge saetesi, “God ni kaifa are! Yasi, embo bu avido, bayau mindi jebugase!” aminge saetesa amo, ainda javo jo sonemba iraeri. O embo a uvu bayau mutaetesa aimi, ni sonemba beká ava aetesi.

1 John 4:20

Mave, “Na God dubo ererurena,” sise, nunda namendi eni imboe arira amo, nu gungubo sarira. Ainda beká mo: namonde God jo ditiimi gae eraera. O namondeda nano namendi mo, ditiimi giraera. Ava sedo, namonde God kena dubo bari ijugari sarera amo, fakaragori. Ai resira amo: namonde numo sonembari da goroto eni tefori. O namonde nano namendikena dubo bari ijugari sarera amo, raugakori. Ava sedo, mave nunda namendi eni imboe arira amo, nu God barago imboe arira.

1 John 5:1

God Genembo dirigari furare dae sisira amo, Iesu ri. Geka ava, mave tumonderaira amo, nu God da mandi o gagara edo irira. A mave genembo eni ava dubo barira amo, nu genembo ainda sasingu barago dubo barira.