1 John 2:27 - God da geka seka

²⁷ O nemokena mo, avori. Keriso nunda Asisi nemokena mutiri rurusevu. Ne Asisi de dabade tatedo irareva amo, na redae ne ijugareni? Ne inono edo irareva. Ainda beká mo: nunda Asisi ijugururari, roera isasambu ainda beká ava, ne kasama areva. A nu rea ijugeraira amo, geka beká vanembori. Aminda gungubo eni tefori. Ava sedo, Asisi da ijuga ava nininguse Keriso de dabade tatedo irivu!

Korafe-Yegha

²⁷ O nemokena mo, avori. Keriso nunda Asisi nemokena mutiri rurusevu. Ne Asisi de dabade tatedo irareva amo, na redae ne ijugareni? Ne inono edo irareva. Ainda beká mo: nunda Asisi ijugururari, roera isasambu ainda beká ava, ne kasama areva. A nu rea ijugeraira amo, geka beká vanembori. Aminda gungubo eni tefori. Ava sedo, Asisi da ijuga ava nininguse Keriso de dabade tatedo irivu!

1 John 2:27 ပူးပေါင်းရင်းမြစ်များ

Matthew 13:11

Iesu sisira, “God Afa, kau nange nunda natofo+ kaifa eraira, ainda geka mendeni ava kivo usira. Ne nanda ambo jimbiri. Ava sedo, nu rea kivo usira ava, nemokena isagha saono ningi kasama aovo dae seraena. O mendenikena jo amingae eraena.

John 14:16

Aminge sise, Iesu sisira, “Na Afakena benunu saono Sonemba Kato eni mutari foa, nemonde dabade evovodae irareva.

John 14:17

Sonemba Kato resena emo, nu geka beká a ari beká da Asisi, aindae resena. Evetu genembo mave fisi da uju use irera amo, ne jo nu gido kasama ari da kaugo iraeri. Ava sedo, ne nu jo bae arera. Avata nene, nu kasama eraeva. Ainda beká mo: nu oroko nemonde dabade ireva, a kotugo, amboda nenda dubo jokáda irarira.

John 14:26

Avata amboda, nenda Sonemba Kato God Afa nanda javoda dirigari furarira aimi, nune roera isambu ijugari gareva. A na rejo ava sedo ghusena amo, nune sekago sirurari nininguse kotareva. Sonemba Kato resena emo, God da Asisi Kakaradae resena.

John 16:13

Kotugo, ari beká a geka beká da Asisi setena, aimi foa buvarira amo, nu ari beká a geka beká da emboro isambu ijugururari kasama areva. Nu jo nunda geka ava sae arira. Nu rea ningarira, ava sarira. A kotugo nu amboda rea sirorarira, ava sari ningareva.

John 4:14

O uvu nane mutono, mave mindarira amo, nu jo sekago uvudae dubo saghae arira. Uvu amo mindari, nunda dubo jokáda irise, kau uvu ghoghoroda buvariguse irarira. Irise, jebuga da uvu usegha da kaugo ava buvurutururari, genemboá rise, jebuga evovodae irari ava tuve barira.”

John 6:45

God setiri feroveta nunda Geka gefusera amo, eviri: ‘God nu evetu genembo isambudae, dengoro indarira,’ aminge gefuseri. Ava sedo, evetu genembo mave God Afa da geka ningido, nunda ijuga ava tumondarera amo, ne namokena furarera.

1 Corinth Embokena 2:12

Namonde enda da asisi a dubo kotari ava jo baeri. Namonde God da Asisi Kakara ava ruruseri. God namondekena rea muturaira ava, kasama aoro dae sedo, nunda Asisi Kakara dirigetiri vose fira asugetiri, namonde irera.

1 Corinth Embokena 2:13

Aindae sedo, namane jo namanenda dubo kotariimi, geka ijugae eraera. Geka Asisi Kakara ai muturaira ava budo, aimi dengoro indiraera. Evetu genembo mave Asisi Kakara rurusera aikena, namane Asisi da geka beká ava ijugeraera.

2 Corinth Embokena 1:21

God nu tofo namonde aghi edo, nunda fakina mutiri namonde Keriso da natofo edo irera. God nu tofo mandi evia ijugiri, kasama edo itatamudo refera: namonde Keriso da jebuga anakora budo irera.

Efesas Embokena 4:21

Ne Iesu da natofo useva amo, nunda Bino a nunda Geka beká ava dengoro indero niningusevu.

Kolosi Embokena 2:6

Ne Iesu Keriso, nenda Bajari are dae sedo, rurusevu. Ava sedo, ne Keriso de dabade tatedo irivu!

1 Tesalonaika Embokena 2:13

A namane sifo ghousa, God kena aiyakoe sise irera da susu eni mo, eviri. Namane God da vironu ava budo, nemokena era setero ningido eminge kotisevu, “Geka emo, jo evetu genembo da geka iraeri; geka emo, God da Gekari,” ava kotise, ne ningido bu gogoghombusevu. A kotugo, geka bekári: geka amo, God da Gekari. God resena emo, nu tofo mandi, ne tumondari embo ainda dubo jokáda saramana eraira.

1 Tesalonaika Embokena 4:9

Ne nenda nano namendide dabade, tofo tofo dubo baeteva amo, redae sareri? Ainda beká mo: ne nange tofo tofo dubo ruruse iraeteva ava, God nu tofo mandi ijugetiri gosusevu.

1 Timothy 2:7

Ainda bino, tumondari a geka beká da bino, ava saono dae sedo, God na gategusira. Gategedo, nanda natofo Jusi embo da gitofu ava, aghi edo ijugaono dae sedo, na dirigetiri nemokena iseni. Emo, na geka beká resena. Na jo gungubo saeri.

1 Peter 1:23

Ainda beká mo: God veka govetiri, jebuga evovodae irari ava nenda dubo jokáda sirorusira. Veka amo, jo veka enda eminda bu goveoro irise beteraira, amingo iraeri. Veka resena emo, God evovodae irira, ainda Gekari. Amo, nenda dubo jokáda govetiri ai jebuga siroretiri, nunda sasingu edo ireva.

1 John 2:28

Avori, nanda sasingu, sekago eminge resena. Erá nunda furari da sifo aminda meka geove dae sise, Keriso de dabade tatedo, tumo fainghevu!

1 John 3:24

Mave God da geka a uju ava use irarira amo, nu God ghae dabade tatarira, a God numokena irarira. Kotugo, God namondekena irira ava, nange kasama areri? Amo, eminge kasama arera. Nunda Asisi namondekena mutiri rurusera aindae, namonde kasama erera, God namondekena irira.

2 John 1:2

Ne dubo buraera da susu mo: geka beká namondeda dubo jokáda irira, a kotugo evovodae irarira.