1 John 2:11 - God da geka seka

¹¹ O mave nunda nano namendi eni imboe use irarira amo, nu tumba jokáda deinghuse irarira. Amingururari, nunda diti gajari, jo gae ya emboro kasigarira.

Korafe-Yegha

¹¹ O mave nunda nano namendi eni imboe use irarira amo, nu tumba jokáda deinghuse irarira. Amingururari, nunda diti gajari, jo gae ya emboro kasigarira.

1 John 2:11 ပူးပေါင်းရင်းမြစ်များ

John 12:35

Aminge setero, Iesu mino nemokena sisira, “Usasa sifo tufako nemokena irarira. Usasa janimbuse irarira amo, ainda jokáda deinghevu! Erama doyeóvo tumba nemokena fureure! Ainda beká mo: mave nu tumba jokáda deingharira amo, nu emboro kosasagharira.

John 12:40

“Erama ditiimi geore dae sise, a jiro munjuimi koteore dae sise, God setiri ne diti digoi usira a kotari dadabusira. God eminge resira: ‘Erama ditiimi gosuse, dubo joveregheóro seóno jebugeore dae sise, aminguseni,’ aminge resira.”

2 Corinth Embokena 3:14

Avata kotugo, Israel embo da diti jo basae etiri, ne jo gi gogoghombae edo ghuseri. A oroko mo, ne kau daba aminga ava irise, nenda diti jo basae irira. Amo, ne oroko Agho Dari manai Moses imi gefusira ava tegarera amo, ainda duro a tuka jo bae edo gharera. Kau Moses foiyai nunda dombu afurugusira aminga ava, nenda munju gajedo diti jo basae etiri, ne Agho Dari da tuka jo bae eraera. Avata munju afigari da emboro dabako irira. Mave Keriso ghae dabade tatarira amo, nunda munju afigari, geka da tuka isagha ari diti basarira. Aindae, God da Geka eminge resira: “Moses Bajarikena teterusira amo, nunda foiya kosughetiri dombu isagha usira.” Kau daba aminga ava, mave dubo jovereghedo, Bajarikena yarira amo, nunda munju gagojusira ava afigari diti basarira.

2 Corinth Embokena 4:4

Ne jo tumondae eraera da beká mo eviri. Satan, nu enda da gode ava edo irira. Evetu genembo tumondari iraede amo, erá usasa geore dae sise, nenda kotari isambu tumba da roeraimi gajetiri irera. Usasa amo, Bino Eveva da usasari. Ava sedo, erá Bino Eveva ningido, Keriso da duro ava geore dae sedo, Satan nu amingusira. Keriso resena emo, God ghae kau dabakori.

Titus 3:3

Ainda tuka mo: evetu genembo mendeni rea eraera ava, namonde barago giti amingedo ghuseri. Namonde giti ari kotae kotae use a gogore use, ari ekoko edo ghuseri. Namondeda uju a fisi da uju mendeni ainda fakinaimi, namonde bundetiri iriari. Namonde sifo aminda, kokomana da bino aindae dubo ekoko use, tofo tofo aji sise, mema futuse itatamedo ghuseri. Namonde tofo tofo imboe use irá ghedo ghuseri.

2 Peter 1:9

Avata mave jo tuturo edo amingae arira amo, nunda kotari tufako bekári. God nunda ari ekoko seghe fugutusira ava, kotae edo irira.

1 John 1:6

Ava sedo, “Na God ghae dabade tatedo irena,” sise, tumba da ari ava use irarera amo, namonde gungubo sarera. Ainda beká mo: namonde rea arera, a rea sarera, jo foa dabako ae arira. Amo, namonde gungubo sarera.

1 John 2:10

Mave nunda nano namendi dubo ruruse irarira amo, nu usasa jokáda irise deingharira. Nu usasa jokáda irise a ari eveva avanembo use, nunda komana jo itako derari, ari eko eni use gofae arira.

1 John 2:9

Mave nunda nano namendi eni imboe use, “Na usasa jokáda deinghuse irena,” sarira amo, gungubori. Nu giti tumba jokáda irá ghedo ghusira, a kotugo oroko barago, nu dombu daba ava irira.

1 John 3:15

Ai resira amo: mave nunda namendi imboe use irarira amo, kau nunda namendi dari ambaetira, ainda kaugo ava kotise iraetira. A namonde kasama erera: evetu genembo mave kokomana daoro ambarera amo, ne jebuga evovodae irari ava jo bae arera.

1 John 4:20

Mave, “Na God dubo ererurena,” sise, nunda namendi eni imboe arira amo, nu gungubo sarira. Ainda beká mo: namonde God jo ditiimi gae eraera. O namondeda nano namendi mo, ditiimi giraera. Ava sedo, namonde God kena dubo bari ijugari sarera amo, fakaragori. Ai resira amo: namonde numo sonembari da goroto eni tefori. O namonde nano namendikena dubo bari ijugari sarera amo, raugakori. Ava sedo, mave nunda namendi eni imboe arira amo, nu God barago imboe arira.

Amboda Sirorarira 3:17

Ne bunise, ‘Namane susu iti fafoderi. Namane inono bekári,’ seraeva. Avata geka bekári: nemo makasi embori, tamo asugari tefo a, diti tefori.