Philemon 1:1 - Korafe-Yegha

¹ Arie, nanda namendi! Na Paul, Iesu Keriso da javodae sedo diburada fitero irena. Nangaeda namendi Timothy ghae irise, reta emo eregefena. Yari budo gi! Philemon, ni namane nangaeda namendiri. Namonde dabade saramana edo ghusera aindae, ni ategi beká ava erera. Yari budo gi!

God da geka seka

¹ Arie, nanda namendi! Na Paul. Na Iesu Keriso da javodae sedo diburada fitero irena. Nangaeda namendi Timothy ghae irise, reta emo eregefena. Yari budo gi! Philemon, ni namane nangaeda namendiri. Namonde dabade saramana edo ghusera aindae, ni ategi beká ava erera. Yari budo gi!

Philemon 1:1 ပူးပေါင်းရင်းမြစ်များ

Ekaresia 16:1

Amingedo, era reighi Derbi buvu darigedo era, reighi Listra aminda buvudo, Iesu da dorevare eni javo Timothy ava tambudo kasama useri. Timothy da numamo mo Greek embori, a noi mo Jusi embori. Noi nu Iesu tumondedo ghusira.

1 Corinth Embokena 3:9

Namane Apollos ghae, namane dubo dabako use, God da vareda saramana eraera. God da vare resena emo, nemori. O ijugaboro eni mo, ne kau God da Kambo amingori.

2 Corinth Embokena 1:1

Arie, nanda nano namendi! Na Paul, Iesu Keriso da aghi kato aono dae sedo, God nunda uju ava use, na gategusira. Na namondeda namendi Timothy ghae, ne ategi beká ava erera. Ne reighi Corinth aminda God da natofo edo ireva, a God da natofo isambu Frovensi Akeia aminda ireva ava, namane nangae ne ategi beká ava erera. Yari budo givu!

Galesia Embokena 3:26

Amo, ne tumonduse Iesu Keriso de dabade tatedo, God da sasingu edo ireva.

Efesas Embokena 3:1

Na Paul. Na nendae sedo diburada fifituseri. Na Iesu Keriso da saramana use nemokena nunda vironu seno, na sandido diburada fifituseri. Nemo kotise, na God kena banunguse irá gheraena.

Efesas Embokena 4:1

Bajari nu nange namonde bu tatedo natofo dabako usira ava, osa sisena aindae sedo, na diburada fifituseri. Ava sedo, ne nanda geka ningaetevu. Na uju use, nemokena eminge resena: ne God da uju ava use iraetevu. Ne amingaeteva da susu mo: God tofo mandi ne aghi etiri, nunda natofo edo ireva. Ne jo evetu genembo eninda natofo iraeri. Ava kotise, ne nunda uju ava use iraetevu.

Efesas Embokena 6:20

God da Geka setena, ainda vironu sari kato ava, nane edo irena. Na oroko dibura jokáda irena. Avata kotugo, na uju erena amo, na beka fainghedo, geka emo jo doyae, sido yaeteni. Ava sedo, na nange nange tumo fainghedo, God da Geka ava osa saetena aindae, banungaovo dae resena.

Filipai Embokena 1:1

Arie, nanda nano namendi! Na Paul, namane Timothy ghae mo, Iesu Keriso da saramana kakatori. Namane ne ategi roro beká ava erera. Ne Iesu Keriso de dabade tatedo, God da natofo reighi Filipai aminda ireva, ne ategi beká ava erera. Yari budo givu! A nenda ekaresia+ da giti jighari a ogababada barago, ategi beká ava erera. Yari budo givu!

Filipai Embokena 2:25

Epaphroditus nene dirigetevo fira, nenda javodae sedo na sonembusira. Numbarago dirigaono, jovereghedo nemokena yarira. Nu nangae dabade fetedo, Bajari da javodae saramana a isoro edo ghuseri.

Filipai Embokena 4:3

Nanda umo komana nimokena resena. Ni nanda komana bekári. Evevetu setena ava sonembururaso, ne dubo dabako aeteri. Ainda susu mo: evevetu setena amo ne, Clement a nanda nano namendi mendeni, namonde dabade ya janjagu use, God da Bino Eveva ava vironu sedo ghuseri. Na kasama erena, nenda javo isambu, God da buku ainda jokáda irira. Buku resena einda jokáda, maveda javo gembero irira amo, nu jebuga evovodae irari ava tuve barira. Ava sedo, nanda umo komana, nindae eminge resena. Sonembururaso, evevetu amo, ne dubo dabako edo irarera.

Kolosi Embokena 1:1

Arie, nanda nano namendi! Na Paul, na God da ujuda, Iesu Keriso da aghi kato edo irena. Ne Keriso de dabade tatedo, numo tumonde gogoghombuse, God da natofo edo reighi Kolosi aminda ireva, na ne ategi beká ava erena. Kotugo, namondeda namendi Timothy barago, ne ategi beká ava erira. Yari budo givu! Namondeda Afa God nemokena sonemba a dubo jama mutari baove!

Kolosi Embokena 4:11

Joshua (o Justus seraera) numbarago, ne ategi erira. Yari budo givu! Namane eminda irise evetu genembo, God da natofo aoro dae sedo aghi eraera ainda jokáda, gegenembo etodaba naká setena amo, namane Jusi embori. Ne na sonembe gogoghomberaera.

1 Tesalonaika Embokena 3:2

Timothy dirigaoro yaetira, ava kotiseri. Timothy mo, namondeda nano namendi eniri. Nu namonde dabade God da saramana use, Keriso da Bino Eveva ava vironu seraira. Nemo sonembari, fakina edo tumonde gogoghombaovo dae sedo, namane Timothy dirigetero nemokena isira.

2 Tesalonaika Embokena 1:1

Arie, nanda nano namendi! Namane Paul, Silas, a Timothy aimi, ne ategi beká ava erera. Ne reighi Tesalonaika aminda God da natofo edo ireva ava, namane ategi roro beká ava erera. Ne Bajari Iesu Keriso de dabade tatedo, God Afa da tofo edo ireva aindae, ne ategi beká ava erera. Yari budo givu!

2 Timothy 1:8

Ava sedo, God da Bino ava osa sise, erá meka geóso dae resena! O namo, nunda Bino ava osa sedo ghusena aindae, na sandi diburada fitero irena. Avori, na diburada fifitusera aindae, ni jo oju use, meka gae aresa. Ni God fakina futururari, God da sasingu isambu bouvu a mema itatameraera ava, ninda boanda fumbaso dae resena.

Philemon 1:23

Epaphras barago, Iesu Keriso tumonderaira aindae, nu bu diburada fitero nangae irera aimi, ni ategi erira. Yari budo gi!

Philemon 1:24

A Mark, Aristarchus, Demas, a Luke, namonde dabade saramana eraera aimi, nene ni ategi erera. Yari budo gi!