Matthew 21:29 - Korafe-Yegha

²⁹ Aminge setiri, nunda mandi begoá setira, ‘Resesa ava, na imboe erena,’ aminge sedo, amboda nu dubo jovereghetiri, aira saramana etira.

God da geka seka

²⁹ Aminge setiri, nunda mandi begoá setira, “Resesa ava, na imboe erena,” aminge sedo, amboda nu dubo jovereghetiri, aira saramana etira.

Matthew 21:29 ပူးပေါင်းရင်းမြစ်များ

Jonah 3:2

“Yasi, reighi bogu begaya Nineve aminda nanda geka nimokena mutarena, ava sase!”

Matthew 21:28

Aminge sise, Iesu sisira, “Nenda kotari ava sevu ningone! Genembo eni nunda vide jamena etoto naká iriara ava, sifo eni nu eredo begokena eminge setira, ‘Yasi, nanda vareda saramana ase!’

Matthew 21:30

Kotugo ainda amboda, genemboá eredo nunda mandi ambodae, kau daba ava setira. Setiri, nunda mandi ambo numamokena, ‘Avori, amingarena,’ setira. Aminge setira, avata nu jo yaeri.

Matthew 21:31

Ava sedo, numamo da uju amo, mave eti? Begoi eti, ai, amboi eti? Sevu ningone!” Iesu aminge setiri, ne, “Begoi etira,” siseri. Setero, Iesu sekago fristi+ da kokotofu a Jusi embo da babojegari aikena sisira, “Ava sedo, na nemokena eminge resena: takesi bari kakato a evevetu saghere kakato, ne giti God da natofo+ aoro, God ne kaifa ururari irarera. O nemo, ambo gayareva.

Ekaresia 26:20

Na reighi Damascus a reighi Jerusalem aminda tuturo edo, amboda Frovensi Judia ainda reighi isambu aminda ise, vironu sedo ghuseni. A kotugo, namane Jusi embo da gitofukena barago, ya vironu sedo ghuseni. Ne nenda ari ekoko vujegedo, God tumondedo ari eveva vanembo aoro dae sise, vironu sedo ghuseni. Ari eveva aoro dae sedo ghusena, ainda beká mo eviri: genembo mave ari ekoko dodo, ari eveva vanembo arira amo, evetu genembo isambu kasama arera: genembo amo dubo jovereghusira.

1 Corinth Embokena 6:11

Nenda mendenii giti amingedo ghuseri. Avata oroko, ne ari amo dodo jo ae eraeva. God nenda ari ekoko seghe fugetiri, ne nunda natofo kakarago ava edo ireva. Namondeda Bajari Iesu Keriso da javoda, a Asisi Kakara da fakinaimi, ne God da dombuda fete gogoghombetevo, nu nendae ‘eveva’ sisira.