Matthew 21:19 - Korafe-Yegha

¹⁹ Etiri, nu diti fuge ika kayuyu emboro tinguda fetiriri gosusira. Gido, nu vuji tosimbe mindari dae terisira. Avata beká tefori. Igi vanembo ava gido, nu sisira, “Sifo amboda, ikaé, beká jo sekago jighae arira,” aminge siri ainghae dabade, ika kayuyu gharasa edo avisira.

God da geka seka

¹⁹ Etiri, nu diti fuge ika kayuyu emboro tinguda fetiriri gosusira. Gido, nu vuji tosimbe mindari dae terisira. Avata beká tefori. Igi vanembo ava gido, nu sisira, “Sifo amboda, ikaé, beká jo sekago jighae arira,” aminge siri ainghae dabade, ika kayuyu gharasa edo avisira.

Matthew 21:19 ပူးပေါင်းရင်းမြစ်များ

Matthew 21:20

Namane ava gido manamana use siseri, “E kau nange nange etirai? Ika emo nange totoi gharasa edo ravi?” aminge sise ategi useri, numokena.

Mark 11:14

Avori, beká jo tambae edo, Iesu ika aikena sisira, “Mave jo amboda foa ninda beká tambu mindae arira,” aminge siri, nunda ambo jimbi nininguseri.

Mark 11:20

Sifo ataeghae beká, ne emboroda ise, ika kayuyu Iesu simbora usira ava gosuseri. Ikaá avi gharasa edo vose besisighae dabade avisira ava gido,

Luke 3:9

God nu, ika karivakoi susuda jari dae sedo, simbugedo refira. (Ika resena emo, nemori.) Ika vuji eveva jigharira amo, irarira. O jo eveva jighae arira amo, God ika amo jedo avarakada dungari avarira,” aminge sedo ghusira.

John 15:2

Nanda fatu eni, gharasa edo beká jo jighae arira amo, jore fugarira. O, nanda fafatu ningiá beká jigharira amo, fafatu amo sende simbugari, beká digarigo jigharira.

John 15:6

Mave jo namokena tatedo nangae dabade irae arira amo, God Afa nu gafugedo ajagha fugari fasarira. Fafatu gafuge fugeraera aminga ava, ari gharasa ari gido, bu ya avarakada dungarera.

2 Timothy 3:5

God tumonde bainghari nu use irarera, avata ainda beká a fakina ava ighagha use, ne tefo tumonde bainghuse irarera. Evetu genembo mave amingeraera ava, darigaso dae sise resena.

Titus 1:16

Ne totofo God tumondariva seraera. Avata nenda ari jo amingo iraeri. Ne imboe kakato a gogore kakatori. Saramana eveva eni ava, ne jo ae eraera.

Jude 1:12

Ne nemonde dabade Bajari kotise, bayau mindari dae sedo totorugeraeva amo, ijuga kakato sembae ne kirumo rise bayau da oduso use, meka jo ae eraera, a jiro birurugheari ari sembae eraera. Ijuga kakato resena emo, ne totofo kotise, nenda uju avanembo eraera. Ne kau yavatakena foroga darido diseraira, ainda kaugori. O ne kau ika eni, vuji jo jighae ireira, avi gharasa etiri, besisighae dabade durege rurusera, ainda kaugori. Namonde ijuga kakato sembae ainda ijugakena, jebuga o sonemba eni jo bae arera.

Amboda Sirorarira 22:11

Avori, genembo eko amo, nu ari eko use irari, sifo amo foa buvarira. Genembo ari sembae eraira amo, nu ava use irari, sifo amo foa buvarira. O genembo eveva amo, nu ari eveva ava use irari, sifo amo foa buvarira. A genembo kakarago amo, nu ari kakarago a eveva use irari, sifo amo foa buvarira,” aminge sisira.