Matthew 19:28 - Korafe-Yegha

²⁸ Aminge setiri, Iesu namanekena sisira, “Na geka beká nemokena resena. Utu a enda seka aminda, Evetu Genembo da Koro+ kotofu edo, nunda avo anumba durode aminda anumbururari, nembarago kokotofu da avo anumba 12 aminda anumbirise, Israel embo da oro isambu 12 ava, nene kaifa edo ghareva.

God da geka seka

²⁸ Aminge setiri, Iesu namanekena sisira, “Na geka beká nemokena resena. Utu a enda seka aminda, Evetu Genembo da Koro+ kotofu edo, nunda avo anumba durode aminda anumbururari, nembarago kokotofu da avo anumba 12 aminda anumbirise, Israel embo da oro isambu 12 ava, nene kaifa edo ghareva.

Matthew 19:28 ပူးပေါင်းရင်းမြစ်များ

Matthew 16:27

Ainda tuka mo: Evetu Genembo da Koro+, jovereghe aneyade dabade a God Afa da usasa ainda jokáda vose furarira. Sifo aminda, nu evetu genembo isambu nenda irari ava ijujedo, ainda mino mutarira. Ari ekoko usera, ainda mino eko mutarira. O ari eveva usera, ainda mino eveva ava mutarira.

Matthew 19:27

Setiri, Peter eredo minonda eminge sisira, “Kote gi! Namane nindae sedo, namanenda kambo a roera isambu dodo namonde deingheraera. Namane aindae sedo rejo eni barera, ai?”

Matthew 20:21

Setiri, Iesu numokena ategi usira, “Na rea aono dae resesi?” setiri, evetuá sisira, “Ni amboda kini (king) aresa ainda sifoda, nanda sasingu etoto nakáé saso, eni ninda ungo gimandukena, a eni umbefukena anumbarera,” aminge sisira.

Matthew 25:31

Aminge sise, Iesu sisira, “Evetu Genembo da Koro+ kini (king) arira ainda sifoda, nu nunda aneya isambude dabade foama, nunda avo anumba usasago aminda viti anumbarira.

Matthew 6:33

Ava sedo, ne giti nunda saramana a uju ava areva. Amingururovo, uvu bayau a tamo asugari, nune mutari bareva.

Matthew 8:20

Iesu mino sisira, “Agari a rika, ne moghaghaeri. Avata, Evetu Genembo da Koro+, nunda kambo a avari vasa eni tefori. Ni nangae dabade deingharera amo, ni avari vasa jo tambae aresa,” Iesu aminge sisira.

Mark 10:37

Aminge setiri, ne siseri, “Ninda usasaghae furaresa ainda sifoda, saso namane ninda giti jighari use, eni ninda ungo gimandukena anumbaeti, a eni ninda ungo umbefukena anumbaeti,” aminge siseri.

Ekaresia 3:21

God anakora Iesu dae sise, geka eminge setiri nunda feroveta gefuseri: ‘Utuda irari, God Afa enda a utu isambu seka ari dadabari gido, nu sekago jovereghe furarira,’ aminge gefuseri.

2 Timothy 2:12

Namonde mave nundae sedo bouvu fufuse, durumuguse ata fete simbugarera amo, amboda Iesu de dabade kokotofu edo irarera. O namonde mave Iesu ighagha arera amo, Iesu barago namonde ighagha arira.

2 Peter 3:13

O namonde mo, God rea beka gagojuse mutari dae sisira, ava kaifa use irera. Amo, nu beka gagojuse, utu a enda seka mutari sisira, ava kaifa use irera. Utu a enda seka resena emo, ari eveva a geka eveva da vasari.

Amboda Sirorarira 11:16

Aminge setero, babojegari 24 God da dombuda irera aimi, nenda kokotofu da avo anumbada ghe eredo, God da dombuda dudo tumonde bainghuse,

Amboda Sirorarira 12:1

Ainda amboda, na tano tomanako eni jo gae iriana ava, utuda isagha etiri gosuseni. Amo, na evetu ava gosuseni. Nunda embo mo, ijiri. Inua mo, nunda ata fetariri. Nunda koana kau kotofu da kekesa aminga ava jiroda asugusira. Kekesa amo, damana 12 aimi ariri.

Amboda Sirorarira 20:4

Ainda amboda, evetu genembo mendeni kini (king) da avo anumba mendeninda anumbirero gosuseni. Evetu genembo resena eikena, evetu genembo ijujari da fakina ava futuseri. A roera eni gosusena amo, evetu genembo mendeni da asisi ava gosuseni. Evetu genembo resena emo, ne God da Geka a Geka Beká Iesu ijugusira ava, vironu sedo ghusera aindae, evetu genembo mendeniimi ne doruse, duboda gafetero sirivo useri. Ne sino fuka a nunda ove kevusera ava jo tumonde bainghaeri, a sino fuka da tano faiyaimi dombuda o jiroda gefusera ava, ne jo baeri. Avori, ne jebuge eredo, kokotofu edo Keriso de dabade, ghaeko 1,000 setena amo, nene enda evia kaifa edo gharera.

Amboda Sirorarira 21:5

Aminge setiri, avo anumbada anumbirisira aimi sisira, “Na oroko roera isasambu simbugaono seka sirorarira,” aminge sedo, sekago namokena sisira, “Oroko sari dae erena emo, geka bekári. Oroko rea sarena evia, sirorarira. Ava sedo, gembu irare!”

Amboda Sirorarira 22:2

Uvu aminda tuturo edo, reighi Jerusalem ainda emboro tomanako soroda vose refira. Ainda betu soveni soveni aminda, jebuga da ika vitido irira. Ika ainda vuji ava, mave bu mindarira amo, nu jebuga evovodae irari ava tuve barira. Nu ghaeko dabako ainda jokáda, tambuno evia inono, beká jighiraira. Ika ainda igi mo, evetu genembo da fiyoghari. Aimi sonembururari, enda da natofo jejebugarera.

Amboda Sirorarira 22:5

Reighi aminda, tumba jo sekago jirae arira ava sedo, usasa dombu eni a iji aminda jo gae arera. Ainda beká mo: usasa mo, namondeda Bajari God nune nunda natofokena futururari gosuse irarera. God da natofo, kau kini o kokotofu edo, enda evovodae nene kaifa use irarera.

Amboda Sirorarira 3:21

Na giti isoro use, gitofu de atai duboda fati feteteno, God Afa setiri numokena viti nangae irise, nunda kini (king) da avo anumba aminda anumbedo kotofuko useni. “Kau daba aminga ava, mave nandae sise isoro use, gitofu de atai duboda fati fetarira amo, na saono nu viti nanda kini (king) da avo anumba aminda anumbedo, numbarago kotofuko arira.

Amboda Sirorarira 4:4

Avo anumba amo, soroda fefetusira. Avo anumba mindafu soroda fefetusira resena ava, avo anumba veveyako 24 aimi jimbe birurughusira. Avo anumba 24 aminda, babojegari 24 tamo asugari foyago asugedo, koana eni kekesa avavaga asugedo anumbirero gosuseni.

Amboda Sirorarira 7:4

Israel embo da oro oro isambu ainda jokáda, evetu genembo mendeni budo, nenda dombuda God da tano fifituseri. Evetu genembo nanjogo God da tano rurusera, ava sero nininguseni. Evetu genembo amo, isambu 144,000, nenda dombuda God da tano fifituseri.