Matthew 12:15 - Korafe-Yegha

^15-16 Ne manaka garero, Iesu ava ningido reighiá dodo isira. Iri, evetu genembo digari nu tambudo, nemonde dabade iseri. Ise, Iesu setiri kae evetu genembo isambu jejebuguseri. Jejebugetero, Iesu kovionoghae nemokena sisira, “Ne seteno jejebugeteva amo, erá osa seóvo ningeore!” aminge sisira.

God da geka seka

^15-16 Ne manaka garero, Iesu ava ningido reighiá dodo isira. Iri, evetu genembo digari nu tambudo, nemonde dabade iseri. Ise, Iesu setiri kae evetu genembo isambu jejebuguseri. Jejebugetero, Iesu kovionoghae nemokena sisira, “Ne seteno jejebugeteva amo, erá osa seóvo ningeore!” aminge sisira.

Matthew 12:15 ပူးပေါင်းရင်းမြစ်များ

Matthew 10:23

Ne nanda natofo edo ireva aindae sedo, ne daoro mema itatamareva amo, avori, reighi amo dodo, reighi eninda ya aminda saramana areva. Aminguse, reighi tomanako Israel einda jokáda birurughuse, vironu sise Israel embo da reighi mendeni aminda jo ya buvae irovo, Evetu Genembo da Koro+ jovereghe furarira.

Matthew 19:2

Aminda, evetu genembo digari totorugedo, nunda amboda amboda ero, nu setiri ne jejebuguseri.

Mark 6:56

Nu reda isira, reighi babai a reighi kikitako aminda, natofoimi nunda bino ava ningido, kae evetu genembo fumbudo maketa vasada budo fuseri. Budo fera buvudo, evetu genembo aimi, ne Iesu kena benunu siseri, nange kae embo Iesu da tamo asugari da tingu ava deredo jejebugaeteri. Aminge setero, mave sire dederusira amo, nu jebugusira.

Luke 5:22

Aminge kotero, Iesu nenda kotari ava kasama edo sisira, “Ne redae kotari ekoko erekotevu?

Luke 6:12

Sifo eni tumba jiriri, Iesu ira doririda vitido, God kena banungiri sifo atetiri,

Luke 9:11

Nu aminda isira ainda bino ava ningido, natofo eredo nunda amboda iseri. Era numokena buvero gido, ivugaghae ategi usira. Ategi edo, God nunda natofo+ nange nange kaifa eraira ava, vironu sisira. Sise, setiri evetu genembo kae budo iriara amo jejebuguseri.

John 11:54

Aindae sedo, Iesu Frovensi Judia aminda, jo isaghada ya foa ghae edo ghusira, nu ufena ya foa ghedo ghusira. Nu ira vasa tomanako evetu genembo a uvu irae da vasa ainda tinguda, reighi javo Efream aminda, nu namonde dabade iriari.

John 7:1

Ainda amboda, Iesu nu Frovensi Galilee aminda, ya birurughedo ghusira. Nu Frovensi Judia aminda yari mo, jo uju ae usira. Ainda susu mo: Jusi embo aminda, ne nu daoro ambare dae kotedo ghuseri.

John 9:4

Iji isonga irarira amo, God na dirigetiri fusena ainda saramana ava, namonde use irá ghedo gharera. Ainda beká mo: tumba jirari dae erira ainda jokáda, mave jo saramana ari da kaugo irae arira.

Galesia Embokena 6:9

Ava sedo, namonde jo ari eveva ari ava imboe ae arera. Ainda beká mo: namonde ari eveva use irarera amo, namonde beká bari da sifo aminda, mino eveva ava tambarera.

1 Peter 2:21

God ne, amingaovo dae sedo aghi usira. Ne eregoseva: Keriso kau daba aminga ava, nendae sedo durumuguse mema itatamusira. A kotugo, ne kau daba ava aovo dae sedo, nu nenda ijugaboro evia futusira.