Matthew 10:27 - Korafe-Yegha

²⁷ Na oroko rea sainghe seraena amo, amboda ne vironuda sareva. Eminda namonde rea kikiako se ningeraera amo, ne amboda ofotighida fetedo koko sise sareva, evetu genembo da dombuda.

God da geka seka

²⁷ Na oroko rea sainghe seraena amo, amboda ne vironuda sareva. Eminda namonde rea kikiako se ningeraera amo, ne amboda ofotighida fetedo koko sise sareva, evetu genembo da dombuda.

Matthew 10:27 ပူးပေါင်းရင်းမြစ်များ

Matthew 24:17

Mave nunda ofoda anumbirari, sifoá foa buvari garira amo, nu jo ere kambo jokáda, gugua eni bari dae jo terae arira. Nu taká eredo sumbarira.

Luke 12:3

Na oroko rea sainghe seraena amo, amboda ne vironuda sareva. Eminda namonde rea kikiako se ningiraera emo, ne amboda ofotighida, evetu genembo da dombuda fetedo koko fuge sareva,” aminge sisira.

Luke 8:10

Ategi etero, Iesu nemokena sisira, “God Afa kau nange nunda natofo+ kaifa eraira, ainda geka mendeni ava kivo usira. Ne nanda ambo jimbiri. Ava sedo, nu rea kivo usira ava, nemokena isagha saono ningi kasama aovo dae seraena. O natofo mendenikena, geka isambu kasiaimi ijugeraena. Aminge ijugeraena da beká mo: ne erama ditiimi gosuse gi gogoghombeore dae ã, kotugo dengoroi nininguse kasama eore dae sise, aminge seraena.”

John 16:1

“Na geka resena einda beká mo: erama oju edo na ighagha use, nenda tumondari doyeove dae sise seteni.

John 16:13

Kotugo, ari beká a geka beká da Asisi setena, aimi foa buvarira amo, nu ari beká a geka beká da emboro isambu ijugururari kasama areva. Nu jo nunda geka ava sae arira. Nu rea ningarira, ava sarira. A kotugo nu amboda rea sirorarira, ava sari ningareva.

John 16:25

Aminge sise, Iesu sisira, “Na geka emo giti kasiaimi, seono ningido ghusevu. Kotugo, sifo eni foa buvarira amo, Afa kau mavega amo, kasiaimi jo sae arena. Na ava isagha saono ne ningareva.

John 16:29

Aminge setiri ningido, namane numokena siseri, “Oroko resesa evia, namane kasama ari da kaugori. Amo, ni kasia dodo geka isagha seso ningido,

Ekaresia 17:17

Edo, Paul nu aindae Jusi embo da dengoro indari kamboda+ natofode dabade se ningido ghuseri. Aminda Jusi embo mendeni a Jusi embo da gitofu mendeni God tumondusera aimi, ne Paul jiro biri, nemonde dabade nunda geka se nininguseri. A nu sifo ava inono, ya ofotighi isagha aminda fetedo, evetu genembo aminda totorugedo ghusera ainde dabade geka sise sarige, soveni soveni fetedo, beisiga edo ghuseri.

Ekaresia 5:20

Buvudo, isaghada fetedo, aneyaimi sisira, “Ne yasivu! God da Kambo+ aminda tere fetedo, evetu genembo nemokena totorugarera, aikena jebuga seka da bino ava sirurovo ningore!” aminge setiri,

Ekaresia 5:28

“Namane, erama Iesu da javoda ijugeove dae siseri. Avata nene sevo, evetu genembo isambu Jerusalem eminda geka evia niningerera: ‘Iesu ambududurusira da susu mo, namaneri,’ aminge reseva amo, bekári? Sevu ningore!”

2 Corinth Embokena 3:12

Avori, namonde jebuga da emboro, ainda duro amboda gi kasama e gogoghombarera, ava gigiterera. Aindae sedo, namane tumo fainghedo, Iesu da Bino ava vironu sise irá gheraera, jo oju use doyae eraera.