Matthew 10:16 - Korafe-Yegha

¹⁶ “Ningi gogoghombevu! Ne kau sasingako amingo ava, na ne dirigeteno gegenembo ekoko aikena yari dae ereva. Ne kote gogoghombaetevu. Avata erá ari ekoko ari dae sedo manaka garuse aindae, fakina eove!

God da geka seka

¹⁶ “Ningi gogoghombevu! Ne kau sasingako amingo ava, na ne dirigeteno gegenembo ekoko aikena yari dae ereva. Ne kote gogoghombaetevu. Avata erá ari ekoko ari dae sedo manaka garuse aindae, fakina eove!

Matthew 10:16 ပူးပေါင်းရင်းမြစ်များ

Matthew 24:25

Dara resena emo, jo sirorae iriri, nu mavega ava kasama edo, fakina aovo dae sedo, orokoá seteno niningereva.

Matthew 24:45

“Saramana kato dubo koteraira, a saramana e gogoghomberaira amo, kau emingori. Saramana kato amo saramana e gogoghombeari gido, nunda bajari seari saramana kato amo viti bajari da duruda fetedo, saramana kakato mendeninde, nenda saramana gategedo, nenda bayau soro edo, kambo a roera isambu kaifa urureari, bajariá ya deingheraira.

Matthew 25:2

Ade jamena ghabu soveni mo, nenda munju kikitakori. A ghabu soveni mo, nenda munju evevagori.

Matthew 25:4

O munju evevago amo, ne uvu botoro eni budo aera.

Matthew 25:9

ade jamena munju eveva amo, ne seteri, ‘Tefo. Emo jo namonde dabade baoro inono ae arira. Ne yasivu, bisnis (business) embokena seka ombove!’ ne aminge seteri.

Luke 10:3

Ava sedo, yasivu! Ne kau, sasingako da kaugo ava ururovo, na ne dirigaono yama, evetu genembo ekoko aikena vironu sise mema itatamareva tanojo.

Luke 21:15

Ainda beká mo: nane sonembururono, ne dubo kotise vironu evevago a bouvugo ava saovo, namondeda gitofu mino sari bunarera.

Ekaresia 20:29

Na eminge resena ainda beká mo eviri: nanda amboda, gegenembo mendeni foama Iesu da dorevare ava dederuse, ijuga sembae ava tumondaovo dae sarera. Gegenembo amo nenda jokáda aimi eredo, gungubo sarera. Gungubo sarera ainda beká mo: natofo nange Iesu da geka dodo, totofo nemoá tumondedo nenda amboda amboda aoro dae sedo, gungubo sarera.

1 Corinth Embokena 14:20

Nanda nano namendi, erá sasingu da kotari ava koteove! Geka bekári: sasingu jo ari eko ari dae sedo, manaka gayae eraera. Amo ari evevari. Nembarago aminguse iraetevu. Avata sasingu kotae kotae eraera aminga ava, erá eove dae sise resena. Evetu genembo beká da kotari ava use irovo dae resena.

2 Corinth Embokena 1:12

Namane nangae roera dabako eindae ivuga use, totofo sakai sise irera, amo eviri. God sonemburureari, namane dubo jokáda itatameraera, namane enda eminda irise a deinghuse, ari bekáda bekáda use a geka bekáda bekáda sise irá gheraera. A namane nemokena irise kau daba ava edo ghuseri. Amo, jo evetu genembo da dubo kotariimi aeri. Amo, namane God da sonembaimi edo ghuseri.

2 Corinth Embokena 11:14

Avata nenda geka seraera aindae, erá buneove! Satan barago nu amingeraira. Amo nunda dangio jovereghedo, kau aneya usasa a durode ava jinarikena mo, inonori.

2 Corinth Embokena 11:3

Nanda oju mo eviri. Erá evetu genembo mendeniimi yama nenda kotari ava bebeta eóro, ne dubo isambu Keriso kena muturaeva ava doyeove dae oju use resena. Kau Satan jingabu da tamo bu asugedo fira, namondeda avia Eve kena buvu deretiri, nunda gungubo tumondusira aminga ava, erama evetu genembo mendenii dereóro ne ava tumondeove dae sise, oju erena.

2 Corinth Embokena 8:20

Namanenda uju mo eviri: moni ekaresiaimi futusera amo, itako mindafuri. Ava sedo, nange namane moni emo kaifa e gogoghombururoro, natofo jo dubo mema use, aji sae aeteri.

Filipai Embokena 2:15

Aminguse, ne God da natofo eveva a kakara edo irise, ari eveva vanembo ururovo, ari ekoko embo a kotari sembae embo fuge nemo gosuse, ari eko eni jo tambae arera. Ne enda eminda God da Geka bu jighirise, kau damana tumbaghae jaragheraira aminga ava, God da jebuga a usasa soro ururovo, evetu genembo setena amo, ne jebuga evovodae irari da emboro ava garera. Aminguse irareva amo, Keriso da Sifo aminda, na ivuga arena. Ainda beká mo: ne amingururovo, na saoro ningido kasama arena, na ena nenda jokáda janjagu edo ghusena amo, nanda fakina jo soesa fugae edo ghuseni. Nanda saramana da beká siroreari gosuse, aindae edo ghuseni.

Kolosi Embokena 1:9

Ningido, tuturo edo nendae eminge banunguse irá gheraera. God nunda uju ava ijugari kasama aovo dae sedo, banunguse irá gheraera, a nunda Asisi aimi sonembururari, kasama teria budo, dubo kotise irovo dae sedo, banunguse irá gheraera.

Kolosi Embokena 4:5

Evetu genembo God jo tumondae irera, ava tambareva amo, edo gido, God goroto ningiava mutarira ainda sifo aminda, evetu genembo ainde dabade geka sareva. Dubo kotise, geka se gogoghombareva.

1 Tesalonaika Embokena 2:10

Namane nenda dombuda a God da dombuda resera. Ne mavejo mavejo God tumonduseva aikena, namane dara eni jo ae, geka bekáda bekáda siseri.

1 Tesalonaika Embokena 5:22

O eko furarira amo, gi darigevu!