Mark 9:31 - Korafe-Yegha

³¹ “Evetu Genembo da Koro+ ava sandido, gegenembo mendeni da ungoda fitoro daoro ambarira. Avata sifo etodaba naká dadabari, God sari nu ambarida ghe jebuge erarira,” ava nunda ambo jimbikena setiri nininguseri.

God da geka seka

³¹ “Evetu Genembo da Koro+ ava sandido, gegenembo mendeni da ungoda fitoro daoro ambarira. Avata sifo etodaba naká dadabari, God sari nu ambarida ghe jebuge erarira,” ava nunda ambo jimbikena setiri nininguseri.

Mark 9:31 ပူးပေါင်းရင်းမြစ်များ

Matthew 16:21

Iesu aminge sisira ainda amboda, nu tuturo edo isagha beká dengoro induduse, namanekena eminge sedo ghusira, “Na yama Jerusalem aminda terono, evetu genembo da babojegari, fristi+ da kokotofu, a Moses da Geka ijuga kakatoi+ na sandido, namokena mema tomanako mutoro itatamarena. Amo emingarera. Ne saoro evetu genembo mendeniimi na daoro ambudo, sifo etodaba naká dadabari ainda amboda, na sekago ambarida ghe jebuge erarena.”

Matthew 20:28

Amo nu, kau namongo ava arira. Evetu Genembo da Koro+ nu evetu genembo sonembuse, nenda ari ekoko da mino futuse, ambari dae sedo fusira. Jo evetu genembo numoá sonembaoro dae sedo furaeri,” Iesu aminge sisira.

Matthew 26:2

“Sifo etoto dadabari ainda amboda, namonde Jusi embo da kirumo javo Jarige Yari da Kirumo+, ava foa buvarira. Sifo aminda, evetu genembo mendeni, ne Evetu Genembo da Koro+ sandido daoro ambare dae sedo, gitofukena mutarera,” aminge sisira.

Matthew 27:63

Pilate kena totorugedo, siseri, “Kotofuko, genembo Iesu jebuga irise, gungubo sise eminge sedo ghusira, ‘Sifo etodaba naká ainda amboda, God sari na ambarida ghe jebugedo erarena,’ nu aminge sedo ghusira.

Mark 10:34

Mutoro, bu dere jise, nundae kosiva edo ambíimi de bu yama daoro ambarira. Ambudo, sifo etodaba naká dadabari ainda amboda, nu sekago ambarida ghe, jebugedo erarira,” ava ijugusira.

Mark 8:31

Amingedo, nu tuturo edo isagha beká dengoro induduse, nemokena eminge sisira, “Evetu genembo da kokotofu, fristi+ da babojegari, a Moses da Geka ijuga kakato,+ ne Evetu Genembo da Korokena+ mema tomanako mutoro itatamarira. Amo emingarera. Na ighagha edo saoro, evetu genembo mendeniimi na daoro ambudo, sifo etodaba naká dadabari ainda amboda, na sekago ambarida ghe jebuge erarena,” aminge sisira.

Mark 9:12

Aminge setero, Iesu nemokena sisira, “Moses da Geka ijuga kakato+ aminge seraera, ainda beká mo eviri. Elijah nu giti foama, Evetu Genembo da Koro+ dae emboro rerebuse, roera simbugaeti. Avata na nemokena eminge resena. Elijah nu anakora fusira. Fusira amo, God da Geka nundae rea resira ava, numokena sirorusira. Elijah jovereghe fira iriri, evetu genembo nu budo nenda uju ava use, mema mutero itatamusira. A kotugo, Evetu Genembo da Koro+ ava kote givu! God da Geka nundae nange resi? Ava givu! ‘Evetu Genembo da Koro+ foa buvari gido, evetu genembo nu imboe edo, mema a bouvu mutoro itatamarira.’ God da Geka nundae aminge resira amo, redae resi? Ava kotovo dae resena,” Iesu aminge sisira.

Luke 24:26

Feroveta amo, ne eminge siseri: ‘God nu Sonemba kato mutari sisira amo, foama mema itatamari dadabari ainda amboda, nunda fakina a usasa barira,’ ” aminge sise,

Luke 9:44

“Na oroko geka rea sari dae erena emo, erá kotae eove! Evetu Genembo da Koro ava sandido, gegenembo mendeni da ungoda fitoro, nenda uju ava arera,” aminge sisira.

John 10:18

Na, nanda jebuga tofo mutarena. Na jo ‘avori’ sae aetena amo, mave enii jo nanda jebuga bari ambae aeteni. Nanda jebuga, nane tofo mutarena. Kotugo, nanda jebuga daba ava, tofo bu erarena. Ainda fakina ava, nanda Afa nanda ungoda fifitusira.”

John 2:19

Aminge setero, Iesu sisira, “Avori, nanda tano ijugarena amo, eviri. Kambo emo de bejovo, sifo etodaba naká ainda jokáda nane sekago itarena.”

John 3:14

“Avori, God da uju mo: mave Evetu Genembo da Koro+ tumondarira amo, nu jebuga evovodae irari ava tuve barira. Ainda beká mo: God nunda ungo sokinembari, Evetu Genembo da Koro+ arafa dedo jighoro erari, mave ava gido tumondarira amo, nu jebugarira. Avori, Moses usira ava, kote gi! Nu reighi uvu a evetu genembo irae da vasa aminda, auri (bronze) aimi ove kevusira; jingabu da kau ava edo jighiri erorusira. Ere fetetiri, ava mave tumonduse gosusira amo, nu jebugusira. Kau daba aminga ava, mave Evetu Genembo da Koro+ gido, tumondarira amo, nu jebuga evovodae irari ava tuve barira.

2 Timothy 2:12

Namonde mave nundae sedo bouvu fufuse, durumuguse ata fete simbugarera amo, amboda Iesu de dabade kokotofu edo irarera. O namonde mave Iesu ighagha arera amo, Iesu barago namonde ighagha arira.