Mark 3:5 - Korafe-Yegha

⁵ Amingetero, ne dubo joka iraede ava gido, dubo mema use, janje eko etiri, nemoá gi ya foa ghedo, nu jovereghe genembo aikena sisira, “Ninda ungo jujurege gaone!” aminge setiri, genemboá nunda ungo Iesu kena siregiri, eveva usira.

God da geka seka

⁵ Amingetero, ne dubo joka iraede ava gido, dubo mema use, janje eko etiri, nemoá gi ya foa ghedo, nu jovereghe genembo aikena sisira, “Ninda ungo jujurege gaone!” aminge setiri, genemboá nunda ungo Iesu kena siregiri, eveva usira.

Mark 3:5 ပူးပေါင်းရင်းမြစ်များ

Matthew 12:13

Iesu aminge sedo, jovereghedo genembo ungo dimbaride aikena sisira, “Ninda ungo jujurege, gaone!” aminge setiri, genemboá nunda ungo Iesu kena siregiri eveva usira, ungo soveni avavaga usira.

Mark 3:4

Aminge sedo, nu natofokena sisira, “Namonde Jangutari da Sifo aminda, evetu genembo sonembarera, ai, nemokena mema mutarera? Sonembaoro jebugarera, ai, daoro sirivo arera?” aminge setiri, ne mino numokena sari buniseri.

Luke 13:15

Iesu mino numokena sisira, “Ne gungubo kakatori! Ne isambu Jangutari da Sifo aminda, nenda burumakava (ox) o donki (donkey) vujedo bu furuda ghe buvudo, bu yama uvu muteovo mindiraera.

Luke 17:14

Setero, Iesu fuge gido sisira, “Yasivu, nenda tamo ijugaovo God da fristiimi+ gaore!” aminge setiri, ne jovereghe ise emboro soroda, ne isambu jejebuguseri.

Luke 6:10

nemoá tatasegusira. Ainda amboda, nu jovereghe genembo aikena sisira, “Ninda ungo jujurege gaone!” aminge setiri, genemboá nunda ungo Iesu kena siregiri, eveva usira.

John 9:7

genembo aikena sisira, “Yasi, reighi javo Sailoam da uvu bogu aminda, dombu seghase!” aminge sisira. (Sailoam resena, ainda tuka mo namondeda gekaimi, “Dirigari Yari” seraera.) Aminge sisira aindae, genemboá nu eredo ira, uvu bogu aminda dombu seghetiri, diti afigetiri gosuse jovereghe fusira.

Rome Embokena 11:25

Geka setena avata, kotugo sekago sari dae erena. Geka emo itako jungariri. Avata erá gogore use, “Namane evevari,” seove! Aminge setena ainda beká, oroko ijugari dae erena. Amo eviri: Israel embo mendeni gogore use, munju fakara etiri irera amo, ne jo evovodae aminguse irae arera. God nanda natofo Jusi embo da gitofu mave tumondarira, ava gosurari ne ya inono arera amo, God da sonemba nanda natofokena sekago mutari furarira.

2 Corinth Embokena 3:14

Avata kotugo, Israel embo da diti jo basae etiri, ne jo gi gogoghombae edo ghuseri. A oroko mo, ne kau daba aminga ava irise, nenda diti jo basae irira. Amo, ne oroko Agho Dari manai Moses imi gefusira ava tegarera amo, ainda duro a tuka jo bae edo gharera. Kau Moses foiyai nunda dombu afurugusira aminga ava, nenda munju gajedo diti jo basae etiri, ne Agho Dari da tuka jo bae eraera. Avata munju afigari da emboro dabako irira. Mave Keriso ghae dabade tatarira amo, nunda munju afigari, geka da tuka isagha ari diti basarira. Aindae, God da Geka eminge resira: “Moses Bajarikena teterusira amo, nunda foiya kosughetiri dombu isagha usira.” Kau daba aminga ava, mave dubo jovereghedo, Bajarikena yarira amo, nunda munju gagojusira ava afigari diti basarira.

Efesas Embokena 4:18

Ne gogore edo ghusera aindae, nenda kotari dadabetiri, ne God da jebuga jo bae useri.

Efesas Embokena 4:26

Dubo ekoko areva amo, erá nenda dubo ekoko aimi, nemo dereuri ari eko eove! Erá Satan dae goroto muteove! Ava sedo, dubo ekoko areva amo, erá dubo ekoko ainghae irióvo ungobu eure!

Efesas Embokena 4:30

God ne sifo amboda unumbe bu ya kaifa arira, ava kasama aovo dae sedo, nunda Asisi Kakara nemokena mutiri rurusevu. Asisi Kakara amo, God nune namonde nunda tofodae rurusira, ainda tanori. Ava sedo, erama Asisi Kakarakena dubo mema muteove!

Hebrew Embokena 3:10

Na aindae sedo, nembuamanedae janje eko etiri siseni, ‘Ne na sifo ghousa ighagha eraera, a nanda sari ava jo ningae eraera.’

Hebrew Embokena 3:17

A kotugo, evetu genembo daba aindae, geka evia resira: “Ghaeko 40 ainda jokáda, God evetu genembodae janje eko usira,” geka amo, evetu genembo daba aindae resira. Evetu genembo amo, ne ari ekoko ero gido, God siri ne sirivo udo fuseri.

Hebrew Embokena 5:9

Aminguse, Iesu fristi iká bekáda arikena inono usira. God numoá fristi+ iká bekáda edo evovodae amingedo irare dae sisira amo, kau Melchizedek fristi+ usira aminga ava are dae sisira. Iesu mo, jebuga evovodae irari da susuri. Evetu genembo mave Iesu da geka ningarera amo, nemokena jebuga evovodae irari ava mutarira.

Amboda Sirorarira 6:16

Amingedo, doriri a ghamanakena kori eminge siseri, “Fu, namanenda etoda du gagara ase! Mave avo anumbada anumbirira, a Sifi da Mandi, nenda janje ekoko erá namanekena ijugeóro mema itatameore dae sise, fu, namanenda etoda du, namane gagara ase!