Mark 1:24 - Korafe-Yegha

²⁴ “Agá Iesu, Nasareth embo, ni namanekena nange ari dae fumutasi? Ni saso namane sirivo aoro dae sedo fumutasi, ai? Namane ni kasama erera. Ni God da Genembo Kakarago Bekári,” sukaru genembokena asugusira aimi, aminge sisira.

God da geka seka

²⁴ “Agá Iesu, Nasareth embo, ni namanekena nange ari dae fumutasi? Ni saso namane sirivo aoro dae sedo fumutasi, ai? Namane ni kasama erera. Ni God da Genembo Kakarago Bekári,” sukaru genembokena asugusira aimi, aminge sisira.

Mark 1:24 ပူးပေါင်းရင်းမြစ်များ

Matthew 2:23

Era, reighi Nasareth aminda dighi anumbuseri. Joseph nu jo tefo amingaeri. God nunda geka ferovetakena setiri gefusera, ava beká sirorare dae sedo, God setiri Joseph amingusira. Feroveta rea gefusera amo, eviri: “Natofoi nundae, ‘Nu Nasareth embori,’ sarera.” aminge gefuseri.

Matthew 8:29

Nengae Iesu nunda mendeninde ava tambudo, koko eminge siseri, “Arie, God da Mandi! Ni redae namanekena refesi? Namanekena mema mutari dae refesa, ai? Sifo mo, jo foa buvae irira,” aminge siseri.

Mark 1:23

Genembo enikena, sukarui asugetiri ireira aimi, tere anumbedo, Iesu geka siri ningido, nu koko sisira,

Mark 1:25

Setiri, Iesu numokena kovionoghae sisira, “Beka dodo, genembo ainda jokáda ghe fu buvase!” aminge setiri,

Mark 10:47

Nu aminda anumbirise, Nasareth embo genembo javo Iesu fira utua iri, ava setero ningido, nu tuturo edo koko sise sedo ghusira, “Arie, Iesu! Kini (King) David da Mandi God mutari sisira amo, nimori! Ava sedo, na joka eyo!” aminge siri,

Mark 14:67

Peter ungo ata mesise anumbiriri, ava fuge gido sisira, “Evetu genembo Nasareth embo genembo javo Iesu ainde dabade deinghedo ghusera, ainda eni nimori,” aminge setiri,

Mark 16:6

Bunéro, nu sisira, “Erá buneove! Ne Nasareth embo genembo javo Iesu arafa dorusera ava kakova ereva, ai? Numo ambarida ghe jebugedo eretira! Nu eminda tefori. Nunda tamo reda fitero fasusira, ava ijugaono gaove!

Mark 5:7

Bainghetiri, Iesu sukaru aikena sisira, “Sukaru, nindae resena! Genembo ainda jokáda ghe fu buvase!” aminge setiri, koko sisira, “Iesu, ni God Teria Beká ainda Mandiri! Ni redae namanekena refesi? Namane God da dombuda, nimokena benunu resera. Namanekena erama mema muteose!” aminge setero,

Luke 1:35

Setiri, aneya numokena sisira, “Amo jo genembo da fakinaimi sirorae arira. God nunda Asisi Kakara mutari nimokena vose asugarira. Aminguse, God da fakina aimi afuregari, ni Mandi Kakara fumbaresa. Aindae sedo, God nundae ‘nanda Mandi’ sarira.

Luke 24:19

setiri, Iesu numokena ategi usira, “Rejoá sirorumuta? Sevu ningone!” aminge setiri, ne numokena siseri, “Namane mo, Nasareth embo javo Iesu dae resera. Nu God da feroveta teria eniri. Nu God da dombuda a evetu genembo da dombuda, vironu eveva sise, ari a tano mendeni eari, namane jo gae iriara ava, namanenda gitida siroreari gido dudukughedo ghuseri. Nunda fakina ijugeari namanenda ditiimi gido ghuseri.

Luke 4:34

“Agá, Iesu, Nasareth embo, ni namanekena nange ari dae fumutasi? Ni saso namane sirivo aoro dae sedo fumutasi, ai? Namane ni kasama erera. Ni God da Genembo kakarago bekári,” aminge sisira.

Luke 8:28

Genemboá Iesu fuge gido, koko sise nunda dombuda dudurusira. Duriri, Iesu sukaru foa buvoro dae setiri, genembo nu sukaru da fakinaimi beka mindafu fuge koko sisira, “Iesu, ni God Teria Beká ainda Mandiri. Se ningore? Ni redae namanekena refesi? Namane nimokena benunu resera: erá namanekena mema muteose!” aminge siseri. Genembo omo, ungo ata seiniimi (chains) bundedo kaifa urureoro iria ghusira. Avata sukaru da fakinaimi eari seini (chains) bununungheari, nu sumbudo ya reighi uvu irae da vasa aminda iria ghedo ghusira.

Luke 8:37

Ningido, Iesu ne dodo jovereghe yare dae siseri. Ainda susu mo: ne oju beká ava useri. Avata genembo jebugusira aimi Iesu kena benunu sisira, “Na nangae yaore!” setiri, Iesu numokena sisira, “Tefo, ni jo namonde yae arera. Ni jovereghedo kamboda yasi! God kau nange nange ni sonembetiri jebugetesa ava, osa saso evetu genembo ningore!” aminge sedo nu ghakada+ vosedo, nunda ambo jimbide sembiseri. Genembo amo, jovereghe reighida ise, Iesu kau nange nange sonembetiri jebugusira ava, osa sido isira.

John 6:69

Namane ni tumonduse oroko kasama erera, God Genembo Kakara, evetu genembodae mutari sisira amo, nimori.”

Ekaresia 2:27

Ainda susu mo: Bajari, ni nanda asisi kotise, na ambari da vasa aminda jo doyae aresa. Erama nanda tamo beteure dae sedo, ni saso na jebugarena. Na nimoá kakara eraena aindae sedo, ni amingaresa.

Ekaresia 24:5

“Genembo emo, javo Paul ri. Nu eari dara mindafu siroreraira. Nu reighi digari aminda deinghuse, Jusi embokena geka seari, dara a titigho eraera. A kotugo, Nasareth embo Iesu da dorevare ainda bajari eni numori.

Ekaresia 3:14

Iesu resena emo, nu genembo evevago a kakara bekári. Avata nemo, Iesu ighagha use, genembo eni Iesu da vasa budo, diburada ghe foa buvare dae, Pilate kena benunu sisevu. Genembo dotevo buvurutusira amo, nu genembo eni detiri ambududurusira. Nene genembo eko aindae benunu setevo, Pilate setiri genembo amo, diburada ghedo fira buvurutusira. O Iesu mo, ne budo eva arafa detevo ambududurusira. Ne genembo eko aindae benunu sise, namondeda jebuga mutari kato amo, detevo ambududurusira. Ambududurusira avata, God setiri nu ambarida ghe jebuge eretiri namane gosuseri.

Ekaresia 4:27

A nu beká sisira. Kini Herod nengae Rome embo da kotofu eni javo Pontius Pilate, nengae dabade tatedo fera, Jerusalem eminda oro oro mendeni nemonde Israel embode dabade totorugedo, manaka garuseri. Ninda Saramana Kato Kakara Iesu dirigeteso fusira, aikena isoro ari dae sedo, manaka garuseri.

James 2:19

O nu eminge saeti, “God Afa nusuka numoá God ava, na tumonderena. Ava sedo, na jebuga barena.” Nu aminge saetira amo, na eminge saeteni, “Amo nu gekari; avata kotugo, ni sukaru isambu ainde dabade tumonderaesa.” Ainda tuka mo: sukarumane ne, God irira ava anakora kasama edo, tumonduse irera. Tumonderaera aindae, ne oju use ungo ata dadadagheraera.

1 John 2:20

O nemo, ne jo amingo iraeri. Keriso nunda Asisi Kakara ava nemokena mutiri budo ireva; ava sedo, ne geka beká ava kasama use ireva.

Amboda Sirorarira 3:7

Aminge sedo, Iesu sekago namokena sisira, “Ekaresia+ reighi Filadelfia aminda irira, ainda aghi katokena gembu mutu yari, nune budo osa sirurari ningore! Genembo kakara, a geka beká ainda susu mo, namori. Na nemokena geka evia resena. David da ki (key) ava nane bu jighirenere. Ki (key) resena emo, David da fakinadae resena. David nu fakina use, God da natofo kaifa edo ghusira. Ainda fakina ava budo, na God da natofo kaifa use irena. Na aminguse, jebuga evovodae irari da emboro afigarena amo, mave jo foa gajae arira. O gajarena ábarago, mave jo foa afigae arira.