Luke 6:45 - Korafe-Yegha

⁴⁵ Kau daba aminga ava, genembo eveva, nunda janje jokáda geka eveva ã ari eveva ava irá gheraira amo, foa isagha eraira. Genembo eko barago, nunda janje jokáda geka eko ã ari ekoko ava irá gheraira amo, foa isagha eraira. Genembo da janje jokáda, rejoimi bedo edo irá gheraira amo, foa isagha eraira.

God da geka seka

⁴⁵ Kau daba aminga ava, genembo eveva, nunda janje jokáda geka eveva ã ari eveva ava irá gheraira amo, foa isagha eraira. Genembo eko barago, nunda janje jokáda geka eko ã ari ekoko ava irá gheraira amo, foa isagha eraira. Genembo da janje jokáda, rejoimi bedo edo irá gheraira amo, foa isagha eraira.

Luke 6:45 ပူးပေါင်းရင်းမြစ်များ

John 7:38

Geka resena eindae, God da Geka barago eminge resira: ‘Mave na tumondarira amo, nunda janje jokáda, jebuga da uvu kau usegha da kaugo ava buvarira. (Uvuá mave mindarira amo, nu jebuga evovodae irari ava tuve barira.)’ God da Geka aminge resira.”

Ekaresia 5:3

Aminge setiri, Peter eredo numokena sisira, “Ananias, Satan deretiri, ni nunda geka niningeresa. Ni redae nunda geka nininguse, Asisi Kakarakena gungubo resesi?

Efesas Embokena 3:8

Na genembo ijoghako bekári. God da natofo jokáda, ne isambu bebegori. Na ambo nembori. Avata God namoá sonembuse, namane Jusi embo da gitofukena geka emo, osa saono dae sedo, na gategusira. Bino Eveva resena amo eviri: namonde Iesu Keriso da ambariimi jebugedo, utuda susu iti fafode arera.

Efesas Embokena 4:29

Geka eveva sise, erá jokáda geka ekoko seove! Geka eveva vanembo sevu! Geka resena evia, evetu genembo ningido sonemba aikena budo, dubo jama use ivuga aore!

Efesas Embokena 5:19

Ne tofo tofo se nininguse God da yaru didivururovo, Asisi Kakara aimi yaru seka rea mutarira ava budo didivuse, nenda dubo jokáimi Bajaridae sakai sise irivu!

Kolosi Embokena 3:16

Keriso da Geka nenda dubo jokáda kaifa ururovo, aimi sonembe gogoghombururari, ne fakina bareva. Dubo kotise, tofo tofo ijuguse, a dengoro induduse irareva. Yaru God da Geka jokáda gembero irira, o geka mendeni God dae sakai sari dae sedo yaruda gembero irira, o yaru mendeni Asisi da sonembaimi gembeoro siroreraira ava, nenda dubo jokái God kena didivuse aiyakoe sise irareva.

Kolosi Embokena 4:6

Aminguse, geka evevago a duroghae avanembo sareva. Aminguse, geka da susu kasama ari dae ategi arera amo, ne mino eveva a dambu sareva.

Hebrew Embokena 8:10

Avori, emboro+ seka Israel embo foa namokena buvoro dae sedo afigarena amo, kau emingori. Nanda Geka a Agho Dari nenda jiroda fitono irarira, a nenda dubo jokáda gembono irarira. Na nenda God arena. Ne nanda natofo arera.

Jude 1:15

Nu evetu genembo ijujari dae sedo furarira. Foa, evetu genembo nu kotae edo ari ekoko eraera ava, ijujarira. A kotugo, evetu genembo nundae aji sise geka ekoko seraera ábarago, ijujarira,” Enoch nu aminge sisira.